Satara DCC Bank Election: रामराजे–शेखर गोरे भेटीने राजकीय समीकरणांना धक्का!; हॉटेलमध्ये ‘वन-टू-वन’ खलबते

Satara DCC Bank: विधान परिषदेचे माजी सभापती व ज्येष्ठ नेते रामराजे नाईक-निंबाळकर आणि शिवसेना (शिंदे गट) नेते शेखर गोरे यांची मध्यरात्री झालेली भेट साताऱ्याच्या राजकीय वर्तुळात प्रचंड चर्चेचा केंद्रबिंदू ठरली आहे.

• रामराजे नाईक-निंबाळकर आणि शिवसेना नेते शेखर गोरे यांची हॉटेल प्रीतीमध्ये मध्यरात्री भेट
• दोन्ही नेत्यांमध्ये सव्वा तास ‘वन-टू-वन’ गुप्त चर्चा; राजकीय वर्तुळात खळबळ
• सातारा जिल्हा मध्यवर्ती बँकेच्या (DCCB) निवडणुकीसाठी अंतिम पॅनेल बांधणी वेगाने सुरू

Satara DCC Bank Election  News: जिल्हा मध्यवर्ती सहकारी बँकेच्या निवडणुकीतील राजकीय गणिते निर्णायक वळणावर असतानाच ज्येष्ठ नेते रामराजे नाईक-निंबाळकर आणि शिवसेना (शिंदे गट) नेते शेखर गोरे यांची मध्यरात्री झालेली भेट साताऱ्याच्या राजकीय वर्तुळात चर्चेचा केंद्रबिंदू ठरली आहे. हॉटेल प्रीतीमध्ये दोन्ही नेत्यांमध्ये सुमारे सव्वा तास ‘वन-टू-वन’ चर्चा झाल्याची माहिती आहे. त्यामुळे जिल्हा बँकेच्या निवडणुकीत पडद्यामागे नेमकी कोणती राजकीय जुळवाजुळव सुरू आहे, याबाबत उत्सुकता वाढली आहे.

उमेदवारी अर्जांची छाननी पूर्ण होत असताना आता पॅनेलची अंतिम बांधणी सुरू आहे. दुसरीकडे महायुतीतील जागावाटपावरून घटक पक्षांमध्ये रस्सीखेच सुरू आहे. भाजपकडून अधिक जागांसाठी आग्रह धरला जात असताना शिंदे गटासह इतर घटकांचीही राजकीय ताकद लक्षात घेऊन समीकरणे जुळवावी लागणार आहेत. अशा वेळी रामराजे–गोरे भेटीला विशेष महत्त्व प्राप्त झाले आहे.

Navarashtra Exclusive: ऑक्टोबरमध्येच पाण्यासाठी टाहो! पाथर्डीत हजारो फळझाडांचे भवितव्य टांगणीला

शेखर गोरे यांनी अलीकडेच उद्धव ठाकरे यांच्या शिवसेनेला सोडचिठ्ठी देत मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला. या राजकीय बदलानंतर त्यांची रामराजेंशी झालेली भेट माण-खटावच्या समीकरणांनाही नवा संदर्भ देणारी ठरू शकते. विशेष म्हणजे शेखर गोरे आणि भाजपचे मंत्री जयकुमार गोरे हे बंधू असून त्यांच्यातील राजकीय संघर्ष सर्वश्रुत आहे. त्यामुळे शेखर गोरे यांची भूमिका जिल्हा बँकेच्या निवडणुकीत कोणत्या दिशेने जाते, याकडेही लक्ष लागले आहे.

‘डाव’ नेमका कोणता?

रामराजे–गोरे चर्चेत जिल्हा बँकेतील उमेदवारी, मतदारसंघनिहाय समीकरणे आणि महायुतीतील संभाव्य ‘ॲडजेस्टमेंट’वर चर्चा झाली याबाबत अधिकृत माहिती नाही. मात्र, निवडणुकीच्या तोंडावर झालेली मध्यरात्रीची ही भेट आगामी राजकीय डावपेचांची नांदी ठरणार का, याचीच आता उत्सुकता आहे.

KDMC News: डोंबिवलीत कचऱ्याचे ढीग, कर्मचारीही गायब! उपायुक्तांच्या सरप्राईज व्हिजिटमध्ये सुमित एलको