Rohit Pawar on Congress: रोहित पवार काँग्रेसच्या वाटेवर? राहुल गांधींसोबतच्या वाढत्या जवळीकतेमुळे राजकीय चर्चांना उधाण

Rohit Pawar : शरद पवार गटाचे आमदार रोहित पवार आणि काँग्रेस खासदार राहुल गांधी यांच्यातील वाढत्या जवळीकतेमुळे त्यांच्या काँग्रेस प्रवेशाची चर्चा रंगली आहे. रोहित पवार यांनी नागपूर येथील आंदोलनासाठी राहुल गांधींना आमंत्रित केले असून काँग्रेस प्रवेशाच्या चर्चांवर त्यांनी स्पष्ट भूमिका मांडली आहे.

• रोहित पवार आणि काँग्रेस नेत्यांमधील वाढत्या जवळीकतेची चर्चा
• रोहित पवारांकडून नागपूर आंदोलनासाठी राहुल गांधींना निमंत्रण
• राज्यात विरोधी पक्षनेता नसल्यामुळे देशातील विरोधी पक्षनेत्यावर अवलंबून राहावे लागते- रोहित पवार

 

Rohit Pawar on Congress: राष्ट्रवादी काँग्रेसचे शरद पवार गटाचे आमदार रोहित पवार यांची काँग्रेस नेत्यांसोबत वाढती जवळीकतेची सध्या महाराष्ट्राच्या राजकीय वर्तुळात चांगलीच चर्चा सुरू आहे. रोहित पवार यांनी दिल्लीत काँग्रेस खासदार राहुल गांधी यांची भेट घेतल्यानंतर त्यांच्या काँग्रेस प्रवेशाच्या चर्चांना आणखी वेग आला आहे.

एका वृ्त्तवाहिनीने दिलेल्या वृत्तानुसार, गेल्या काही महिन्यांत रोहित पवांकडून सातत्याने राहुल गांधींच्या समर्थनात भूमिका व्यक्त करत असल्याने त्यांच्या काँग्रेस प्रवेशावर आरोप केले जात होते. पण रोहित पवार यांनी काँग्रेस प्रवेशाच्या चर्चांना स्पष्ट नकार दिला आहे. पण त्याचवेळी राज्यात विरोधी पक्षनेता नसल्यामुळे देशातील विरोधी पक्षनेत्यावर अवलंबून राहावे लागत असल्याचेही रोहित पवार यांनी स्पष्ट केलं आहे.

Thane News: ईद-ए- मिलादच्या मिरवणुकांच्या पार्श्वभूमीवर ठाणे जिल्ह्यात वाहतुकीत मोठे बदल, जाणून घ्या पर्यायी मार्ग

राहुल गांधींना आंदोलनासाठी निमंत्रण

रोहित पवार यांनी आदिवासी विद्यार्थ्यांच्या मुद्द्यांवरून राज्य सरकारला आंदोलनाचा इशारा दिला आहे. या आंदोलनासाठी राहुल गांधीना नागपूरमध्ये बोलण्याची भूमिकाही त्यांनी घेतली आहे. यात लक्षणीय बाब म्हणजे, रोहित पवार यांनी स्वपक्षातील नेत्यांना बोलवण्याऐवजी राहुल गांधी यांना निमंत्रण दिल्याने राजकीय वर्तुळात चर्चांना आणखी उधाण आले आहे. पुण्यात नुकत्याच झालेल्या राहुल गांधी यांच्या ‘छात्रों की गूंज’ कार्यक्रमावेळी रोहित पवार यांच्या स्वागतासाठी लावण्यात आलेले बॅनरही चर्चेत आले होते.

पंढरपूरच्या उपोषणाला काँग्रेस प्रदेशाध्यक्षांची उपस्थिती

काही दिवसांपूर्वी अजित पवार यांच्या विमान अपघाताच्या पार्श्वभूमीवर रोहित पवार यांनी दिल्लीत राहुल गांधी यांची भेट घेतली होती. त्याआधी रोहित पवार पंढरपुरात उपोषणाला बसले असताना काँग्रेसचे प्रदेशाध्यक्ष हर्षवर्धन सपकाळ यांनी त्यांची भेट घेतली होती.

Karnataka High Court Judgment: पत्नी ही पतीची मालमत्ता नाही; कर्नाटक उच्च न्यायालयाने फेटाळली

या सर्व घडामोडींमुळे रोहित पवार आणि काँग्रेस नेत्यांमधील वाढत्या जवळीकतेची चर्चा सुरू झाली आहे. पुण्यातील राहुल गांधी यांच्या कार्यक्रमादरम्यान काही काँग्रेस नेत्यांनी रोहित पवार यांच्या संभाव्य काँग्रेस प्रवेशाच्या चर्चेचे स्वागत केले. पण रोहित पवार यांनी काँग्रेसमध्ये प्रवेश करण्याच्या शक्यतेचे खंडन केले असल्याने सध्या त्यांच्या भूमिकेबाबतचा सस्पेन्स कायम आहे. त्यांच्या आगामी राजकीय भूमिकेकडे राष्ट्रवादीसह काँग्रेस आणि राज्यातील राजकीय वर्तुळाचे लक्ष लागले आहे.