सोमवार, 28 सप्टेंबर 2026
तुम्ही तर लोकशाहीच चोरलीय!'; संजय राऊतांचा फडणवीसांवर पलटवार
मुख्यमंत्री देवेंद्र फडणवीस यांनी लोकसभेचे विरोधी पक्षनेते राहुल गांधींवर टिका केली होती. राहुल गांधी यांचा मेंदू चोरीला गेला आहे, असं त्यांनी म्हटलं आहे. आता फडणवीस यांच्या टिकेला संजय राऊत यांनी प्रत्युत्तर दिले आहे. ” फक्त राहुल गांधीच हे सर्व मांडत आहेत का, जो इंडियन एक्सप्रेस पहिल्यापासून आरएसएस सोबत राहिला. . पूर्वी जनता पक्षाचे मुख्यालय ‘एक्स्प्रेस टॉवर’मध्ये होते. गोयंका यांना ‘मेंदू नाही’ असे मुख्यमंत्री बोलतील का? आहे का तुमच्यामध्ये हिंमत, असा निशाणाही त्यांनी यावेळी साधला.
देवेंद्रजींनी आम्हाला राजकारण शिकवू नये. आम्हाला माहिती आहे. तुम्ही मुख्यमंत्री आहात म्हणून सगळे तुम्हाला मानतात; बाकी काही नाही. त्यांच्या आधीपासून आम्ही राजकारण आणि समाजकारणात काम करत आहोत. ज्या दिवशी त्यांच्याकडे मुख्यमंत्रीपदाची खुर्ची नसेल त्या दिवशी त्यांच्याकडे कोणीही फिरकणार नाही.
देवेंद्र फडणवीस काल म्हणाले , लोकांनी खर्च कमी करावा, असं ते म्हणत आहेत. पण आपल्याच सहकाऱ्यांनी भ्रष्टाचार कमी करावा. त्यांनी जर त्यांच्या सहकाऱ्यांना असे सांगितले असते तर मी म्हटलो असतो त्यांचा मेंदू आहे, त्यांचा मेंदू कोणी चोरलेला नाही.” असे ते का सांगत नाहीत. असा टोलाही त्यांनी लगावला.
इंडियन एक्सप्रेसने आज पुन्हा एक वृत्त प्रसिद्ध केलं आहे. त्यात “सिंधुदुर्गमधील ९०० कोटी रुपयांची जमीन—वेंगुर्ला, सावंतवाडी दोडा मार्ग या भागातील शेतजमीन आणि कृषी जमीन—बेंगळुरू, हैदराबाद आणि दिल्लीतील लोकांना बेकायदेशीर रित्या शेतकरी नसलेल्या लोकांना विकण्यात आल्याचा आरोप आहे. महसूल खाते गेल्या तीन वर्षांपासून चौकशी करत आहे. महाराष्ट्रात तुकडेबंदी कायदा असताना म्हणजेच शेतजमीन न विकण्याचा कायदा असताना कोकणातील या तीन तालुक्यातील जमीन कशी विकली, आता कोकणाचे नेते आहेत ना मंत्रिमंडळात, ते पार्टनर आहेत.मंत्रिमंडळातील ते नेते पार्टनर बनून या जमिनींचे व्यवहार करत आहेत. ९०० कोटींचा व्यवहार आतापर्यंत झाला आहेत. मी तिथे जाणा आहे. आता देवेंद्र फडणवीस यांनी नावं जाहीर केली पाहिजेत. कोणाला जमिनी देण्यात आल्या आहेत? याचा सूत्रधार कोण आहे? देवेंद्र फडणवीस यांचा मेंदू जागेवर असेल तर या जमिनींच्या व्यवहारांची माहिती आणि यामागचा सुत्रधार कोणा आहे, याची माहिती उघड करावी, असे आव्हान संजय राऊत यांनी केली आहे.
Australia-India Relations : मोदी-अल्बानीज भेट ठरणारा खास; मुंबईतील बिझनेस मीट अन् क्रिकेट सामन्याने
एफडीएचे अधिकारी तुकाराम मुंढे यांच्याबाबत बोलताना संजय राऊत म्हणाले की, “मी तुकाराम मुंढे यांच्याबाबत काही बोलत नाही. त्यांच्यावर माझे आक्षेप नाहीत. पण बाकी लोक काय करत आहेत, याकडे लक्ष दिले पाहिजे. तुकाराम मुंढे यांचे अभिनंदन करावे लागेल, कारण ते कौतुकास्पद काम करत आहेत. पण त्यांचे अधिकारी काय करत आहेत, यावर आम्ही प्रश्नचिन्ह उपस्थित करत आहोत. FDA मध्ये भ्रष्टाचार वाढला आहे का? माझ्याकडे माहिती आहे. मुंढेंनी फौजफाट्यावर लक्ष दिले पाहिजे. महापालिका नालेसफाई करत नाही. अशा अनेक हॉटेल मालकांनी आमच्याकडे तक्रारी केल्या आहेत. फार्मा कंपन्यांवर कारवाई का होत नाही? कारण त्यांचे संबंध दिल्लीशी आहेत, असा आरोप आहे. मी माहितीशिवाय बोलत नाही.महाराष्ट्रात, कोकणातल्या जमिनी लुटल्या जात आहेत. मुख्यमंत्र्यांनी याकडे लक्ष दिले पाहिजे.”
सीजेपीच्या भूमिकेबाबत बोलताना संजय राऊत म्हणाले की, “संघर्ष हा करावा लागतो. त्यांची रणनीती काय आहे, त्यावर ते काम करत आहेत. ४ तारखेला राज ठाकरे आणि उद्धव ठाकरे यांच्या नेतृत्वाखाली मोठा मोर्चा काढण्यात येणार आहे. -त्याची तयारी सुरू आहे. दोघे तुम्हाला माहिती देतील.”
