Video : 3 चौकारांसह 9 षटकारांची आतिषबाजी! 11 वर्षापूर्वी ईडन गार्डन्सवर रंगला होता ‘हिटमॅन’ शो…

या सामन्याबद्दल सांगायचे झाले तर, भारत आणि श्रीलंका यांच्यातील एकदिवसीय मालिकेतील चौथा सामना कोलकाता येथील ईडन गार्डन्सवर खेळला गेला होता. त्यावेळी भारतीय कर्णधार विराट कोहलीने नाणेफेक जिंकून प्रथम फलंदाजी करण्याचा निर्णय घेतला होता. भारतीय संघाच्या डावाची सुरवात रोहित शर्मा आणि अजिंक्य रहाणे यांच्या जोडीने केली. रहाणे आणि शर्माने संघाला चांगली सुरुवात करून दिली, परंतु रहाणेने २४ चेंडूत २८ धावा काढून बाद झाला.

भारताचा स्कोअर एक बाद ४० धावा असताना अंबाती रायुडू मैदानात आला. पण तो देखील  जास्त काळ टिकू शकला नाही, १९ चेंडूत ८ धावा काढल्यानंतर तो बाद झाला. भारताचा स्कोअर दोन बाद ५९ झाला तेव्हा रोहित शर्माने क्रीजवर एका टोकाला सांभाळून होता.

हेही वाचा : IND vs SA Test series : ‘आम्ही इतिहास घडवू…’ केशव महाराजनंतर दक्षिण आफ्रिकेचे कोच शुक्री कॉनराड यांनी थोपटले दंड

विराट कोहली आल्यानंतर तेव्हा कोहली आणि रोहित शर्मा यांनी संघाला सावरले आणि २०० धावांची शानदार भागीदारी रचली.  विराट बाद झाला तेव्हा संघाचा स्कोअर २६१ पर्यंत जाऊन  पोहोचला होता. विराटने ६६ धावा केल्या होत्या. भारत आता सहज ३०० धावा गाठण्यास सज्ज दिसत होता, परंतु रोहित शर्माचे वादळ घोंघावू लागले. आधीच शतक झळकावल्यानंतर, रोहित शर्माने आपली फलंदाजी वेगवान केली आणि श्रीलंकेच्या गोलंदाजांना टार्गेट करत त्यांना सळो की पळो करून सोडले. रोहित शर्माने सुरेश रैना आणि रॉबिन उथप्पा यांच्यासोबत भागीदारी रचतभारताला ४०४ धावांपर्यंत नेऊन ठेवले. रोहित शर्माने १७३ चेंडूत २६४ धावांची खेळी केली. यामध्ये त्याने ३३ चौकार आणि ९ षटकार मारले.  प्रत्युत्तरादाखल, श्रीलंकेचा संघ २५१ धावाच करू शकला. भारताने हा सामना १५३ धावांनी जिंकला.

संबंधित बातम्या