गुरुवार, 22 ऑक्टोबर 2026
अनाहत सिंह (फोटो- ट्विटर)
अनाहत सिंहने मिस्रची आठ वेळा जागतिक अजिंक्यपद पटकावलेली दिग्गज खेळाडू नूर अल शेरबिनी हिचा या गेममध्ये पराभव केला आहे. अवघ्या १८ वर्षांच्या अनाहत सिंह हिने अप्रतिम खेळाचे प्रदर्शन करत तब्बल १४३,५०० अमेरिकन डॉलर रकमेच्या या ‘पीएसए गोल्ड’ च्या दुसऱ्या फेरीत शानदार कामगिरी केली. जगातील तिसऱ्या क्रमांकाची खेळाडू असलेल्या नूर अल शेरबिनी हिच्याविरुद्ध अनाहतने पूर्ण सामन्यात आपले वर्चस्व राखण्यात यश मिळवले.
अनाहतने हा सामना आरामात जिंकला आणि सेमीफायनलमध्ये प्रवेश केला. तिने हा सामना अवघ्या 30 मिनिटांत संपवला. तिने नूर अल शेरबिनी हिचा ११-८, ११-८, ११-७ असा थेट पराभव केला आहे. आंतरराष्ट्रीय स्तरावर आठ वेळा विश्वविजेती ठरलेल्या खेळाडूला अशा प्रकारे पराभूत करणे हे अनाहत सिंह हिच्या कारकिर्दीतील सर्वात मोठे यश मानले जात आहे. तिच्या या मोठ्या कामगिरीमुळे देशभरातून तिच्यावर कौतुकाचा वर्षाव केला जात आहे.
काय म्हणाली अनाहत सिंह?
भारताची अवघ्या १८ वर्षांची स्क्वॉश खेळाडू अनाहत सिंह ही चर्चेत आली आहे. सामना जिंकल्यावर अनाहत म्हणाली, ‘मी शेरबिनी यांचे सामने पाहून मोठी झाली आहे. त्यांनी आपल्या कारकिर्दीत जे काही साध्य केले आहे, मलाही माझ्या आयुष्यात तेच सर्व मिळवायचे आहे. त्या जगातील सर्व स्क्वॉश खेळाडूंसाठी एक मोठा आदर्श आहे.
“I’ve grown up watching every single match of hers.” 🥹❤️ India’s Anahat Singh beats her idol Nour El Sherbini, an 8-time World Champion, to claim the biggest win of her career! THIS IS HUGE FOR 18-YEAR-OLD ANAHAT! 🔥🔥🔥🔥🔥🔥🔥🔥🔥🔥🔥🔥 https://t.co/Ejrd6cBITH — The Khel India (@TheKhelIndia) October 22, 2026
या वर्षीच्या सुरुवातीला अनाहतने ‘वर्ल्ड जूनियर स्क्वैश चॅम्पियनशिप’मध्ये गर्ल्स सिंगल्सचे विजेतेपद जिंकले आहे. ही कामगिरी करणारी ती पहिली भारतीय ठरली आहे. तिने 15 वर्षांचे इजिप्तचे वर्चस्व मोडीत काढून हा रेकॉर्ड रचला आहे. चीनमधील हांगझोऊ येथे झालेल्या २०२३ च्या आशियाई क्रीडा स्पर्धेत तिने उल्लेखनीय कामगिरी केली. तिने दोन कांस्य पदके जिंकली आहेत.
Ans: मी शेरबिनी यांचे सामने पाहून मोठी झाली आहे. त्यांनी आपल्या कारकिर्दीत जे काही साध्य केले आहे, मलाही माझ्या आयुष्यात तेच सर्व मिळवायचे आहे.
Ans: युवा स्क्वॉशपटू अनाहत सिंहने सिलिकॉन वॅली ओपन स्क्वॉश' स्पर्धेत सेमीफायनलमध्ये प्रवेश केला आहे.
