‘अलविदा अर्जेंटिना’! फुटबॉल जगतात एका सुवर्णयुगाचा अंत; Lionel Messi ने घेतली निवृत्ती, चाहते भावूक

३९ वर्षीय मेस्सीने आपल्या अधिकृत इंस्टाग्राम हँडलवर एक पोस्ट शेयर केली आहे. त्याने पोस्ट शेआर करत आपल्या निवृत्तीची माहिती चाहत्यांना दिली. “आता आंतरराष्ट्रीय फुटबॉलला निरोप देण्याची योग्य वेळ आली आहे,” असे उद्गार मेस्सीने या आपल्या पोस्टमध्ये म्हटले आहे.

फीफा वर्ल्ड कप २०२६ च्या अंतिम सामन्यात स्पेनविरुद्ध अर्जेंटिनाला पराभवाचा सामना करावा लागला होता. या पराभवाच्या काही महिन्यांनंतरच मेस्सीने आंतरराष्ट्रीय फुटबॉलचा निरोप घेण्याचा मोठा निर्णय घेतला आहे. जवळपास दोन दशकांपासून अर्जेंटिनाच्या राष्ट्रीय संघाचे प्रतिनिधित्व करणाऱ्या मेस्सीची कारकीर्द अत्यंत नेत्रदीपक राहिली आहे.

 

View this post on Instagram

 

A post shared by Leo Messi (@leomessi)

२२० हून अधिक आंतरराष्ट्रीय सामन्यांमध्ये अर्जेंटिनाची जर्सी परिधान करणाऱ्या मेस्सीने मैदानावर मिळवलेले यश अभूतपूर्व आहे. जागतिक फुटबॉलमध्ये त्याच्या योगदानामुळे तो नेहमीच इतिहासातील सर्वोत्कृष्ट खेळाडूंपैकी एक म्हणून ओळखला जाईल.