Protest: आता Gen-Z क्रिकेटर्स उतरले रस्त्यावर! स्टेडियमच्या बाहेर 250 खेळाडूंचं आंदोलन, काय आहे कारण

Protest: उत्तर प्रदेशात तीन रणजी ट्रॉफी संघ स्थापन करण्याच्या मागणीसाठी 'Gen - Z' खेळाडूंसह पालक रस्त्यावर उतरले आहेत. खेळाडू आपल्या मागण्यांवर जोर देण्यासाठी अटल बिहारी वाजपेयी स्टेडियमबाहेर जमले.

• उत्तर प्रदेश क्रिकेट प्लेयर्स असोसिएशन आणि पूर्वांचल क्रिकेट असोसिएशनच्या नेतृत्वाखाली, पूर्वांचल आणि मध्य उत्तर प्रदेशमधील खेळाडूंचे आंदोलन 

• तीन रणजी टीमसाठी करण्यात येतंय आंदोलन 

• खेळाडूंसह पालकही आंदोलनात समाविष्ट 

देशभरात Gen Z चे विविध गोष्टींवर आंदोलन सुरू आहे. शिक्षणासाठी आंदोलन केलेल्या या धक्क्यांनंतर, आता ‘जनरेशन झी’चे क्रिकेटपटूदेखील रस्त्यावर उतरले आहेत. २५० हून अधिक तरुण खेळाडूंनी, त्यांच्या पालकांसोबत, लखनौच्या अटलबिहारी वाजपेयी एकाना स्टेडियमबाहेर आंदोलन केले. या आंदोलनाचा उद्देश उत्तर प्रदेशात केवळ एक नव्हे, तर तीन रणजी संघांची मागणी करणे हा आहे. खेळाडूंच्या मते उत्तर प्रदेशातील अनेक खेळाडूंकडे दुर्लक्ष करण्यात येत आहे आणि म्हणूनच आता आंदोलन सुरू करण्यात आलं आहे. 

मॅच फिक्सिंगचे आरोप, 14 वर्षांचा न्यायालयात लढा! जम्मू आणि काश्मीरच्या रणजी ट्रॉफी विजयाचा खरा नायक अजय शर्मा आहे तरी कोण?

पूर्वांचल आणि मध्य उत्तर प्रदेशातील खेळाडूंकडे दुर्लक्ष

उत्तर प्रदेश क्रिकेट प्लेयर्स असोसिएशन आणि पूर्वांचल क्रिकेट असोसिएशनच्या नेतृत्वाखाली, पूर्वांचल आणि मध्य उत्तर प्रदेशातील ‘Gen Z’ चे क्रिकेटपटू आणि त्यांच्या पालकांनी एकाना स्टेडियममध्ये आंदोलन केले. या भागांतील क्रिकेटपटूंना समान संधी मिळावी यासाठी उत्तर प्रदेशात तीन रणजी संघ तयार करण्याची मागणी त्यांनी केली.

क्रिकेट प्लेयर्स असोसिएशनचे राज्य अध्यक्ष, अरविंद सिंग यांनी प्रसारमाध्यमांना सांगितले की, उत्तर प्रदेशसारख्या विशाल राज्यातील सर्व खेळाडूंना त्यांचे हक्क आणि संधी मिळाव्यात यासाठी अनेक रणजी संघ तयार करण्याची शिफारस मुख्यमंत्री योगी आदित्यनाथ यांनी यापूर्वी केली आहे.

२५ कोटी लोकसंख्येसाठी तीन रणजी संघ

अरविंद सिंग यांनी पुढे सांगितले की, उत्तर प्रदेशची अंदाजे २५ कोटी लोकसंख्या पाहता, राज्यात तीन क्रिकेट संघटना म्हणजेच तीन रणजी संघ असायला हवेत. या मागणीसाठी २५० ‘जनरेशन झी’ खेळाडू आणि त्यांच्या पालकांनी लखनौच्या एकाना स्टेडियमवर आंदोलन केले.

UPT20 मध्ये भेदभावाचे आरोप

सिंग यांनी असाही आरोप केला की, सध्या सुरू असलेल्या उत्तर प्रदेश टी२० लीगमध्ये पूर्वांचल आणि मध्य उत्तर प्रदेशातील खेळाडूंकडे दुर्लक्ष केले जात आहे. त्यांनी सांगितले की, लीगच्या चालू हंगामात सहा संघांमधील अंदाजे १५० खेळाडूंपैकी केवळ १६ खेळाडू पूर्वांचल आणि मध्य उत्तर प्रदेशातील आहेत, तर ८९ खेळाडू पश्चिम उत्तर प्रदेशातील नऊ जिल्ह्यांतील आणि आठ खेळाडू दिल्लीतील आहेत.

66 वर्षाचा दुष्काळ संपला…जम्मू आणि काश्मीरने कर्नाटकला हरवून Ranji Trophy 2025-26 च्या स्पर्धेचे विजेतेपद केले नावावर

महाराष्ट्र आणि गुजरातमध्ये प्रत्येकी तीन रणजी संघ

तुम्हाला माहीत असेलच की, सध्याच्या रणजी ट्रॉफी प्रणालीमध्ये महाराष्ट्र आणि गुजरातमध्ये प्रत्येकी तीन संघ आहेत. महाराष्ट्रामध्ये, विदर्भ आणि मुंबई स्वतंत्र क्रिकेट संघटना/प्रादेशिक संघ म्हणून रणजी ट्रॉफी खेळतात, तर गुजरात, बडोदा आणि सौराष्ट्र हे एकाच राज्यातील संघ असून ते रणजी ट्रॉफीमध्ये खेळतात. त्यामुळे खेळाडूंना चांगली संधी मिळते. याच पार्श्वभूमीवर उत्तर प्रदेशमध्येही तीन रणजी संघ असावे असं खेळाडूंचे म्हणणे आहे. आता या आंदोलनामुळे नक्की कोणता निर्णय घेण्यात येणार याकडे सर्वांचे लक्ष लागून राहिले आहे.