फोटो सौजन्य – X
आकाशदीपने दहा विकेट्स घेतल्यानंतर विजयाचे श्रेय दिले खास व्यक्तीला : पराभवानंतर भारताच्या दुसऱ्या सामन्यात मालिकेमध्ये विजयी सुरुवात केली आहे. टीम इंडीयाने एजबेस्टन येथे ऐतिहासिक विजय मिळवुन मालिकेमध्ये 1-1 अशी बरोबरी केली आहे. भारताच्या गोलंदाजांचे विशेष कौतुक असणार आहे, पहिल्या सामन्यामध्ये भारतीय संघाची गोलंदाजी कमकुवत राहिली होती त्यानंतर भारताच्या संघाने दुसऱ्या सामन्यात जसप्रीत बुमराह नसताना आकाशदीप आणि सिराज या दोघांनी कमालीची कामगिरी केली.
जेव्हा आकाशदीपने एजबेस्टन कसोटी सामन्यात जसप्रीत बुमराहची जागा घेतली तेव्हा सर्वांनी त्याला प्रचंड ट्रोल केले. प्रत्येकजण या खेळाडूवर मोठे प्रश्न उपस्थित करत होते. तथापि, सामना संपल्यानंतर वातावरण पूर्णपणे बदलले आहे. आकाश या सामन्यात टीम इंडियाचा सर्वात मोठा सामना जिंकणारा खेळाडू म्हणून उदयास आला. कसोटी क्रिकेटमध्ये पहिला १० बळी घेतल्यानंतर, दीपने एक मोठा खुलासा केला आणि त्याची कामगिरी कर्करोगाशी झुंजणाऱ्या त्याच्या बहिणीला समर्पित केली.
उदयोन्मुख वेगवान गोलंदाज आकाशदीपने एजबेस्टन कसोटी सामन्याच्या पहिल्या डावात ८८ धावा देऊन ४ बळी घेतले. दुसऱ्या डावात आकाशने आणखी मोठी कामगिरी केली. दीपने ९९ धावा देऊन ६ फलंदाजांना पॅव्हेलियनमध्ये पाठवले. त्यामुळे त्याने या सामन्यात त्याच्या कारकिर्दीतील पहिले ५ बळी आणि १० बळी घेतले. विजयानंतर आकाशदीप भावुक झाला. त्याने सांगितले की त्याची बहीण गेल्या २ महिन्यांपासून कर्करोगाशी झुंज देत आहे. सध्या तिची प्रकृती सुधारली आहे. अशा परिस्थितीत तो ही कामगिरी तिला समर्पित करू इच्छितो.
AKASH DEEP DEDICATED THE PERFORMANCE TO HIS SISTER 🥹❤️ – His Sister is suffering from Cancer in last 2 months, now she is doing well & stable but she has suffered a lot in last 2 months so dedicating the performance to her. pic.twitter.com/lWJv05gMCS — Johns. (@CricCrazyJohns) July 6, 2025
बर्मिंगहॅम कसोटी सामन्यात शानदार कामगिरी करून आकाशदीपने लॉर्ड्स कसोटी सामन्यासाठी आपले स्थान निश्चित केले आहे. आतापर्यंत त्याने कसोटी क्रिकेटमध्ये एकूण ८ सामने खेळले आहेत. ज्यामध्ये त्याने २८.६ च्या सरासरीने एकूण २५ बळी घेतले आहेत. ३९ वर्षांनंतर, बर्मिंगहॅम कसोटी सामन्यात एका भारतीय गोलंदाजाने १० बळी घेतले आहेत. यापूर्वी १९८६ मध्ये चेतन शर्मानेही ही कामगिरी केली होती. आकाशदीपला या मालिकेत चांगली कामगिरी करून कसोटी संघात आपले नियमित स्थान निश्चित करायचे आहे.
