IND vs ENG: लीड्स कसोटीची खेळपट्टी कुणाला जाणार शरण? फलंदाज की गोलंदाज? गूढ उमगले; वाचा सविस्तर.. 

२० जूनपासून भारत आणि इंग्लंड यांच्यातील पहिला कसोटी सामन्याच्या लढाईचा रणसंग्राम सुरू होणार आहे.  या दोन्ही संघांमध्ये पाच सामन्यांची कसोटी मालिका खेळवण्यात येणार आहे.

बेन स्टोक आणि शुभमन गिल (फोटो-सोशल मीडिया)

Follow Us:

Follow Us:

IND vs ENG : २० जूनपासून भारत आणि इंग्लंड यांच्यातील कसोटी सामन्यांची  मालिका सुरू होणार आहे.  या दोन्ही संघांमध्ये पाच सामन्यांची कसोटी मालिका खेळवण्यात येणार आहे. अशा परिस्थितीत, भारताचा नवा कर्णधार शुभमन गिलसाठी ही मालिका एखाद्या दिव्यापेक्षा कमी असणार नाही. कसोटी सामन्यांदरम्यान इंग्लंडच्या खेळपट्टीवर फलंदाजी करणे हे नेहमीच कठीण राहिले आहे. अशा परिस्थितीत, इंग्लंडचे गोलंदाज टीम इंडियाच्या फलंदाजांसाठी डोकेदुखी ठरू शकतात.

मालिकेचा पहिला सामना २० जूनयापासूनहेडिंग्ले, लीड्स येथे खेळला जाणार आहे. आता या मैदानाचा नवीनतम खेळपट्टी अहवाल समोर आला असून पहिल्या सामन्याच्या खेळपट्टीवर कोण वर्चस्व गाजवणार? फलंदाज की गोलंदाज? याबाबत आपण जाणून घेऊ.

हेही वाचा : IND vs ENG : दोन दिवसांवर कसोटी सामना अन् टीम इंडियाचे खेळाडू फिरण्यात मश्गुल; लीड्समध्ये पोहोचताच मौजमजेस आरंभ..

लीड्स येथील खेळपट्टी अहवाल..

रेव्ह स्पोर्ट्सच्या मते, पहिल्या कसोटी सामन्याची खेळपट्टी पूर्णपणे हिरवीगार असणार आहे. अशा परिस्थितीत, सामन्याच्या सुरुवातीच्या काळात गोलंदाज फलंदाजांवर नियंत्रण ठेवतील असे दिसून येत आहे. या मैदानावर धावा काढण्यासाठी फलंदाजांना खूप मेहनत घ्यावी लागणार आहे. येथे, जो संघ नाणेफेकिचा कौल जिंकेल तो प्रथम गोलंदाजी करण्यास पसंती देईल. प्रथम गोलंदाजी करणाऱ्या संघाला खेळपट्टीतील ओलाव्याचा फायदा मिळणार आहे.

PITCH FOR THE FIRST TEST BETWEEN INDIA vs ENGLAND. [📸: RevSportz] pic.twitter.com/ecOZgiHq0A

— Johns. (@CricCrazyJohns) June 18, 2025

खेळपट्टी देखील फलंदाजांना पोषक?

आजवर हे नेहमीच दिसून आले आहे की, हवामानाची परिस्थिती इंग्लंडच्या खेळपट्टीवर मोठ्या परिणाम करत आल्याचे दिसत आहे.  ईएसपीएन क्रिकइन्फोच्या अहवालानुसार, २० जून रोजी लीड्समध्ये तापमान ३० अंशांपेक्षा जास्त असणार आहे. ही बातमी फलंदाजांना नक्कीच आनंद देणारी असू शकते, कारण अशा परिस्थितीत त्यांच्यासाठी धावा काढण्यास सोपे जाणार आहे.

टीम इंडियाचा फलंदाजी क्रम कसा असणार?

केएल राहुल आणि यशस्वी जयस्वाल इंग्लंडविरुद्ध सलामीला येण्याची शक्यता वर्तवण्यात येत आहे. त्यानंतर साई सुदर्शन तिसऱ्या क्रमांकावर आणि कर्णधार शुभमन गिल चौथ्या क्रमांकावर खेळण्यास येऊ शकतात. त्यानंतर करुण नायर, ऋषभ पंत आणि शार्दुल ठाकूर मधल्या फळीत खेळताना दिसू शकतात.

हेही वाचा : १३ गगनचुंबी षटकारांचा पाऊस, IPL मध्ये सुपर फ्लॉप मॅक्सवेलचा मेजर लीग स्पर्धेत धूमधडाका! झळकावले स्फोटक शतक..

टीम इंडियाचा संघ

शुभमन गिल (कर्णधार), ऋषभ पंत (यष्टीरक्षक/उपकर्णधार), यशस्वी जैस्वाल, केएल राहुल, साई सुदर्शन, अभिमन्यू ईश्वरन, करुण नायर, नितीश रेड्डी, रवींद्र जडेजा,  वॉशिंग्टन सुंदर, ध्रुव जुरेल, शार्दुल ठाकूर, कृष्णा सिंह, अर्शदीप सिंह, अर्शदीप सिंह, कृष्णा, कृष्णा, कृष्णा, सी. कुलदीप यादव आणि हर्षित राणा.

Web Title: Ind vs eng who will the leeds test pitch favor batsmen or bowlers read in detail

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com