IND vs WI T20: वनडेनंतर T20 चा थरार रंगणार! मालिकेआधी आकडेवारीचा खेळ; हेड-टू-हेड रेकॉर्डमध्ये कोणाचं पारडं जड?

IND vs WI 1st T20I Series Head To Head Record: भारत आणि वेस्ट इंडिज यांच्यातील टी-२० मालिकेतील पहिला सामना ६ ऑक्टोबर रोजी खेळला जाईल. आमनेसामनेच्या आकडेवारीमध्ये कोणत्या संघाचे पारडे जड आहे, जाणून घेऊयात.

• वनडेनंतर आता टी-२०चा थरार
• वेस्ट इंडिजविरुद्ध भारताचा रेकॉर्ड किती मजबूत?
• आकडेवारी काय सांगते?

India vs West indies 1st T20: भारत आणि वेस्ट इंडिज यांच्यात तीन सामन्यांची एकदिवसीय मालिका खेळण्यात आली. टीम इंडियाने पहिले दोन सामने जिंकले, तर वेस्ट इंडिजने तिसरा सामना जिंकला. भारताने ही मालिका २-१ ने खिशात घातली. एकीकडे, संपूर्ण मालिकेत फलंदाजांनी तुफान फटकेबाजी केली. तर, दुसरीकडे टीम इंडियाची गोलंदाजी निराशाजनक ठरली. वनडे सीरीजनंतर, आता आता टी२० चा थरार सुरु होणार आहे. दोन्ही संघांमध्ये पाच टी२० सामने खेळले जातील. पहिला सामना ६ ऑक्टोबर रोजी लखनौमध्ये होणार आहे. टी- २० मध्ये या दोन्ही संघाचा हेड टू हेड रेकॉर्ड्स कसा आहे, जाणून घेऊयात.

Bhuvneshwar Kumar चे दमदार कमबॅक! Hong Kong Sixes 2026 मध्ये टीम इंडियाचं नेतृत्व करणार; ‘या’ स्टार खेळाडूंनाही संधी

भारत विरुद्ध वेस्ट इंडिज आमनेसामने रेकॉर्ड

वेस्ट इंडिजविरुद्ध भारतीय संघाची टी-२० मध्ये कामगिरी चांगली आहे. नुकतेच, श्रेयस अय्यरच्या नेतृत्वाखाली संघाने आशियाई क्रीडा स्पर्धेत सुवर्णपदक जिंकले. त्याआधी त्यांनी अफगाणिस्तानला ३-० ने पराभूत केले होते. मायदेशात भारताला हरवणे हे एक खूप कठीण काम असेल. वेस्ट इंडिजला खूप मेहनत करावी लागेल.

दोन्ही संघांमधील पहिला टी२० सामना २००९ मध्ये खेळला गेला. आतापर्यंत भारत आणि वेस्ट इंडिज यांच्यात ३१ टी२० आंतरराष्ट्रीय सामने खेळले गेले आहेत. यापैकी, भारताने २० सामने जिंकले आहेत, तर वेस्ट इंडिजने १० सामने जिंकले. एक सामना अनिर्णित राहिला. या आकडेवारीवरून भारताचे पारडे जड असल्याचे दिसत आहे. दोन्ही संघांमधील शेवटचा सामना २०२६ च्या टी२० विश्वचषकात झाला होता, ज्यात भारताने वेस्ट इंडिजला पाच विकेट्सने पराभूत केले.

उत्कृष्ट खेळाडूच्या नेतृत्वात वेस्ट इंडिज मजबूत

टी२० फॉरमॅटमध्ये, वेस्ट इंडिज संघात रोमारियो शेफर्ड, रोव्हमन पॉवेल, शिमरॉन हेटमायर आणि अकील होसेन यांच्यासारखे आक्रमक खेळाडू आहेत, ज्यांना भारतीय परिस्थितीत खेळण्याच्या अनुभवामुळे इंडियन प्रीमियर लीगमध्ये मोठी मागणी आहे. शाई होपच्या नेतृत्वाखाली वेस्ट इंडिज एक मजबूत संघ आहे. त्यांची फलंदाजी मोठ्या प्रमाणावर होप, हेटमायर, पॉवेल आणि शेर्फेन रदरफोर्ड यांच्यावर अवलंबून असेल. अष्टपैलू विभागात, वेस्ट इंडिज संघात रॉस्टन चेस, कीमो पॉल, पॉवेल आणि शेफर्ड यांच्यासारखे खेळाडू आहेत.वेस्ट इंडीजच्या गोलंदाजी विभागाचे नेतृत्व डावखुरा फिरकी गोलंदाज अकील होसेन आणि वेगवान गोलंदाज शमर जोसेफ करतील. डावखुरा फिरकी गोलंदाज गुडाकेश मोती आणि चेसच्या ऑफ-ब्रेक गोलंदाजीमुळे संघाला फायदा होईल.

भारतीय संघ फॉर्ममध्ये पण गोलंदाजी विभागाची चिंता

भारताचे सलामीवीर अभिषेक शर्मा आणि संजू सॅमसन उत्कृष्ट फॉर्ममध्ये आहेत, विशेषतः अभिषेकने नुकतेच पाकिस्तानविरुद्ध धमाकेदार अर्धशतक झळकावले आहे. दोघेही संघासाठी आक्रमक फलंदाजी करतात. ईशान किशन आणि तिलक वर्मा हे देखील चांगल्या लयीमध्ये आहेत. भारतीय संघ गोलंदाजी विभागात कोणाला संधी देणार हे पाहणे महत्वाचे ठरेल. कारण, अर्शदीप सिंगसोबत मयंक यादव आणि प्रिन्स यादव यांचा संघात समावेश आहे. अक्षर पटेल आणि कुलदीप यादव फिरकी गोलंदाजीची जबाबदारी सांभाळतील. जर फलंदाजी मजबूत करायची असेल, तर प्रिन्स किंवा मयंकच्या जागी नमन धीरला संधी दिली जाऊ शकते.

IND vs WI: मालिका संपताच भारत-वेस्ट इंडिजला मोठा झटका; दोन्ही संघांना ICC चा दणका; नेमकं कारण काय?