फोटो सौजन्य - सोशल मिडिया
आयपीएल २०२६ ऑरेंज कॅप दावेदार: आयपीएल २०२६ आज, शनिवार, २८ मार्च रोजी सुरू होणार आहे. १९ व्या हंगामातील पहिला सामना गतविजेता रॉयल चॅलेंजर्स बंगळूर आणि सनरायझर्स हैदराबाद यांच्यात बंगळूर येथील एम. चिन्नास्वामी स्टेडियमवर खेळला जाईल. मागील काही वर्षामध्ये टी20 क्रिकेटची भाषा बदलली आहे. आता 200 धावा टी20 क्रिकेटमध्ये करणे फार काही कठीण नाही. त्यामुळे सहज एका इनिंगमध्ये 200 धावा पाहायला मिळतात. तर मागील सिझनपासून 300 धावांचा आकडा पार होणार असा अंदाज लावला जात आहे.
आयपीएलच्या सिझनमध्ये सर्वाधिक धावा करणाऱ्या फलंदाजाला ऑरेंज कॅप दिली जाते तर सर्वाधिक विकेट घेणाऱ्या गोलंदाजाला पर्पल कॅप दिली जाते. यंदा या नव्या सिझनमध्ये कोणाच्या हाती ऑरेंज कॅप आणि पर्पल कॅप घेणार याबद्दल चर्चा सुरू आहे. त्याआधी अनेक जगभरातील दिग्गज खेळाडूंनी या नव्या सिझनमध्ये कोणत्या फलंदाजाला ऑरेंज कॅप मिळणार यांची भविष्यवाणी केली आहे. विराट कोहली, अभिषेक शर्मा, ईशान किशन आणि हेनरिक क्लासेन यांसारखे स्टार खेळाडू आज मैदानात उतरतील. स्पर्धेच्या सुरुवातीपूर्वी, क्रिकेटमधील दिग्गजांनी आयपीएल २०२६ ऑरेंज कॅपच्या दावेदारांची भविष्यवाणी केली आहे. या यादीतील बहुतेक खेळाडू भारतीय आहेत.
फाफ डू प्लेसिस – विराट कोहली
सबा करीम – विराट कोहली
हरभजन सिंग – विराट कोहली किंवा श्रेयस अय्यर किंवा सूर्यकुमार यादव
मोहम्मद कैफ – साई सुदर्शन
इरफान पठाण – तिलक वर्मा
लक्ष्मीपती बालाजी – केएल राहुल
पियुष चावला – इशान किशन
चेतेश्वर पुजारा – साई सुदर्शन
संजय बांगर – सूर्यकुमार यादव
वरुण आरोन – अभिषेक शर्मा किंवा इशान किशन
आयपीएलच्या इतिहासात कोणत्या खेळाडूने सर्वाधिक वेळा ऑरेंज कॅप जिंकली आहे?
आयपीएलच्या इतिहासात तीन वेळा ऑरेंज कॅप जिंकण्याचा विक्रम ऑस्ट्रेलियाचा माजी फलंदाज डेव्हिड वॉर्नरच्या नावावर आहे. वॉर्नरने २०१५, २०१७ आणि २०१९ मध्ये सर्वाधिक धावा करून ऑरेंज कॅप पटकावली. ख्रिस गेल आणि विराट कोहली यांनी प्रत्येकी दोनदा हा पराक्रम केला आहे. किंग कोहलीने २०१६ आणि २०२४ मध्ये ऑरेंज कॅप जिंकली, तर गेलने २०११ आणि २०१२ मध्ये सलग दोन वर्षे सर्वाधिक धावा केल्या.
.png "Videos"){kind=small}
