Rohit Sharma: ‘अरे भाई ई तो हमरा दोस्त है…’ मराठमोळ्या रोहित शर्माचा ‘बिहारी’ अंदाज; Video पाहून हसू आवरणार नाही

Rohit Sharma Video: दक्षिण आफ्रिकेविरुद्धच्या सामन्यात आपल्या फलंदाजीने धुमाकूळ घालण्यासाठी रोहित शर्मा रांचीमध्ये पोहोचला आहे. रांचीमध्ये पोहोचताच, हिटमॅनचा बिहारी अवतार दिसून आला आहे.

 

• रांचीत रोहित शर्माचा ‘बिहारी बाबू’ अवतार
• कॅप्टन कूलच्या अंदाजाने चाहते फिदा
• व्हिडिओ सोशल मीडियावर तुफान व्हायरल

भारत आणि दक्षिण आफ्रिका (IND vs SA) यांच्यात तीन सामन्याची वनडे मालिका ३० नोव्हेंबरपासून खेळवण्यात येणार आहे. त्यासाठी भारतीय संघ रांची शहरात पोहचला आहे. संघात रोहित शर्मा (Rohit Sharma) असल्यामुळे मैदान आणि सोशल मीडिया गाजणार हे तर नक्कीच आहे. दरम्यान, ‘हिटमॅन’ रोहित शर्माचा रांचीमध्ये बिहारी अंदाज सध्या सोशल मीडियावर तुफान व्हायरल झाला आहे. सुरक्षा रक्षकांच्या गराड्यात असलेल्या रोहितच्या तोंडून जेव्हा स्थानिक भाषेतील शब्द बाहेर पडले, तेव्हा उपस्थितांना हसू आवरले नाही. खुद्द रोहितही आपल्या बोलीवर खळखळून हसला.

बिहारी अंदाजात झाली मित्राची ओळख

नेमके झाले असे की, रोहित शर्मा एअरपोर्टवर सुरक्षा कर्मचाऱ्यांसोबत चालत होता. समोरून त्याला रिसिव्ह करण्यासाठी माजी क्रिकेटपटू शहाबाज नदीम आले, पण सुरक्षा रक्षकांनी नदीमला अडवण्यास सुरुवात केली. नदीमला पाहताच रोहित शर्मा बिहारी अंदाजात बोलला. त्याने विनोदी स्वरात म्हटले, “अरे भाई ई तो हमरा दोस्त है (अरे भाऊ, हा तर माझा मित्र आहे).” रोहितचा हा व्हिडिओ सोशल मीडियावर खूप वेगाने व्हायरल होत आहे आणि चाहत्यांना त्याचा हा ‘कॅप्टन कूल’ अंदाज चांगलाच आवडला आहे. भारत आणि दक्षिण आफ्रिका यांच्यातील तीन सामन्यांच्या वनडे मालिकेतील पहिला सामना रांचीमध्येच होणार आहे, त्यासाठी रोहित शर्मा शहरात दाखल झाला आहे.

See more

Rohit Sharma talking in Bihari accent after meeting Sehwaz Nadeem.😹
pic.twitter.com/JbrOHAbckk — Gems of Cricket (@GemsOfCrickets) November 27, 2025

हे देखील वाचा: ICC ODI Rankings : रोहित शर्मा एकही सामना न खेळता बनला नंबर 1! न्यूझीलंडच्या स्टार खेळाडूचा हिसकावला मुकुट

दक्षिण आफ्रिकेविरुद्ध रोहितचा दमदार रेकॉर्ड

रोहित शर्माचा वनडे क्रिकेटमध्ये दक्षिण आफ्रिकेविरुद्धचा रेकॉर्ड नेहमीच दमदार राहिला आहे. हिटमॅनने प्रोटियाज संघाविरुद्ध आतापर्यंत एकूण २६ वनडे सामने खेळले आहेत. या दरम्यान खेळलेल्या २५ डावांमध्ये रोहितने ३३ च्या सरासरीने ८०६ धावा ठोकल्या आहेत. त्याच्या नावावर दक्षिण आफ्रिकेविरुद्ध तीन शतके आणि दोन अर्धशतके नोंद आहेत.

ऑस्ट्रेलियाविरुद्ध झालेल्या मालिकेत रोहितची स्फोटक फलंदाजी

यापूर्वी, ऑस्ट्रेलियाविरुद्ध खेळल्या गेलेल्या तीन सामन्यांच्या वनडे मालिकेतही रोहितने जबरदस्त फलंदाजी केली होती. त्याने ३ सामन्यांत १०१ च्या सरासरीने २०२ धावा केल्या होत्या, ज्यात एक शतक आणि एका अर्धशतकाचा समावेश होता. तिसऱ्या वनडेत रोहितने १२१ धावांची अविस्मरणीय खेळी केली होती. आता रोहित शर्माकडून आता दक्षिण आफ्रिकेविरुद्धच्या वनडे मालिकेतही दमदार कामगिरीची अपेक्षा आहे.

हे देखील वाचा: विराट कोहलीनंतर रोहित शर्माही पोहोचला रांचीला, जाणून घ्या IND VS SA पहिला एकदिवसीय सामना कधी खेळला जाईल?