‘मला आधीच खलनायक बनवल…’ मोहम्मद शमीची BCCI सोबत टक्कर;पुनरागमनाबद्दलच्या विधानाने खळबळ 

भारतीय संघाबाहेर असलेला वेगवान गोलंदाज मोहम्मद शमीने रणजी ट्रॉफीमध्ये शानदार कामगिरीने भारतीय संघात पुनरागमनासाठी पुन्हा एकदा दावा मजबूत केला आहे. तो आता संघात परण्यासाठी सज्ज झाला आहे.

• मोहम्मद शमीने रणजी ट्रॉफीमध्ये शानदार कामगिरी
• भारतीय संघात परतण्याची ठोकली दावेदारी 
• टिकाकरांना दिले चोख उत्तर 

Mohammed Shami clashes with BCCI : भारतीय संघाबाहेर असलेला वेगवान गोलंदाज मोहम्मद शमीने रणजी ट्रॉफीमध्ये आपल्या शानदार कामगिरीने पुनरागमनासाठी पुन्हा एकदा आपला दावा मजबूत केला आहे. बंगालकडून खेळत असताना, शमीने दोन सामन्यांमध्ये १५ बळी टिपले, या कामगिरीने त्याने आपली फिटनेस आणि लय उत्कृष्ट असल्याचे सिद्ध केले आहे. कोलकात्यातील ईडन गार्डन्सवर गुजरातविरुद्धच्या दुसऱ्या फेरीच्या सामन्यात, त्याने एकूण ८ बळी घेऊन बंगालच्या प्रभावी विजयात महत्त्वाची भूमिका बाजवली आहे.

हेही  वाचा : ‘या’ माजी क्रिकेटपटूच्या नव्या इनिंगला सुरुवात! माजी कर्णधार घेणार तेलंगण राज्याच्या मंत्रीपदाची शपथ

मला आधीच खलनायक बनवले

गुजरातविरुद्धच्या दुसऱ्या डावात, शमीने ३८ धावा देत ५ बळी घेतले आणि संघाला १४१ धावांनी शानदार विजय मिळवून दिला. ऑस्ट्रेलिया दौऱ्यासाठी संघात समावेश न करण्याबद्दल मुख्य निवडक अजित आगरकर यांच्या विधानाबद्दल त्याला काय वाटते? असा प्रश्न विचारण्यात आला तेव्हा शमी हसला आणि म्हणाला की, “मला माहित होते की हा प्रश्न येणारच आहे. मी नेहमीच कोणत्या ना कोणत्या वादात अडकत असतो. तुम्ही लोकांनी मला आधीच खलनायक बनवून टाकले आहे. आजकाल सोशल मीडियावर सर्वकाही विकृत करण्यात येत आहे. माझे काम फक्त चांगली कामगिरी करणे आणि नेहमीच भारतीय संघासाठी तयार राहणे आहे. जिथे मला संधी मिळेल तिथे मी माझे सर्वोत्तम देईन. बाकी निवडकर्त्यांचा पूढील निर्णय आहे.”

माझ्यात अजूनही खूप क्रिकेट शिल्लक : शमी

शमी पुढे म्हणाला की, “कठीण काळातून बाहेर पडून चांगली कामगिरी करणे खूप समाधानकारक असते. विश्वचषक नंतरचा काळ माझ्यासाठी खूप कठीण राहिला होता, परंतु मी हार मानली नाही. रणजी ट्रॉफी, व्हाईट-बॉल क्रिकेट, आयपीएल आणि दुलीप ट्रॉफी खेळून मी माझी लय परत मिळवली असून आता मला वाटते की माझ्यात अजून देखील खूप क्रिकेट शिल्लक आहे.”

 त्याच्यात जुनी ठिणगी : बालपणीचे प्रशिक्षक मोहम्मद बद्रुद्दीन

मोहम्मद शमीचे बालपणीचे प्रशिक्षक मोहम्मद बद्रुद्दीन यांनी देखील त्याच्या कामगिरीचे कौतुक केले आहे. त्यांनी इंडियन एक्सप्रेसला सांगितले की, “शमीची लय परतली असून तो पूर्णपणे तंदुरुस्त आहे. जेव्हा तो त्याच्या लयीत असतो तेव्हा तो एक वेगळा गोलंदाज बनत असतो. आज मी जे पाहिले ते पूर्वीसारखेच शमी होते. त्याच्यात कोणत्याही कमतरता दिसल्या नाहीत.”

हेही  वाचा : IND vs AUS 1st T20 : ‘मिस्टर 360’ कडून ‘थाला’ चा विक्रम उद्ध्वस्त! ‘या’ बाबतीत सूर्यकुमार यादवने धोनीला टाकले मागे

२०२३ च्या एकदिवसीय विश्वचषक फायनलनंतर मोहम्मद शमीने भारतासाठी एकही सामना खेळलेला नाही. तो शेवटचा ९ मार्च २०२५ रोजी दुबईमध्ये न्यूझीलंडविरुद्ध चॅम्पियन्स ट्रॉफी फायनलमध्ये खेळला होता. आता, रणजी ट्रॉफीमधील त्याच्या शानदार कामगिरीमुळे तो पुन्हा एकदा टीम इंडियाच्या ड्रेसिंग रूममध्ये परतण्याची शक्यता निर्माण झाली आहे.