शनिवार, 31 ऑक्टोबर 2026
रविंद्र जाडेजाचे एकदिवसीय करिअर संपुष्टात आले का (फोटो सौजन्य - इन्स्टाग्राम)
‘JioStar’ वर मुलाखतीदरम्यान चेतेश्वर पुजाराने आपले मत व्यक्त करत म्हटले की, व्यवस्थापनाला जर रवींद्रला संघात स्थान द्यायचे असते तर त्यांनी न्यूझीलंडच्या दौऱ्यात त्याला नक्की स्थान दिले असते. पुजारानुसार, संघ व्यवस्थापनाचे प्राधान्य आता अक्षर पटेल आहे. त्याला नियमितपणे संधी देण्यात येत आहे आणि अष्टपैलू स्पिनर स्वरूपात व्यवस्थापनाच्या दृष्टीने अक्षर हा आता पहिली पसंती होताना दिसून येत आहे.
पुजाराने मुलाखतीदरम्यान असेही सुचवले की, संघ व्यवस्थापनाने जडेजाला सांगितले असेल की त्याने आता कसोटी क्रिकेटवर लक्ष केंद्रित करावे आणि संघ त्याच्याकडे व्हाईट-बॉल क्रिकेटसाठी पाहत नाही. जडेजा आधीच टी-२० आंतरराष्ट्रीय क्रिकेटमधून निवृत्त झाला आहे.
अभिषेक नायरने जडेजाच्या भविष्याबद्दल थोडे वेगळे मत मांडले. तो म्हणाला की, ‘जडेजाचे संघात पुनरागमन कठीण असले तरी, अक्षर पटेल जखमी झाल्यास किंवा अनुपलब्ध असल्यास, संघात परत बोलावला जाणारा तो पहिला खेळाडू असेल.’ नायरने जडेजाचे वर्णन संघासाठी ‘विमा पॉलिसी’ असे केले. तो म्हणाला की, संघाकडे अक्षरच्या रूपात एक अनुभवी पर्याय आहे. विश्वचषकापूर्वी अक्षरला दुखापत झाल्यास, जडेजा संघात परत येऊ शकतो.
जडेजाची अलीकडील एकदिवसीय आकडेवारी संघातील त्याच्या स्थानाबद्दलही प्रश्न निर्माण करते. २०२३ विश्वचषकापासून, तो भारताच्या ३२ एकदिवसीय सामन्यांपैकी केवळ १५ सामने खेळला आहे. या काळात त्याने १४ बळी घेतले असून त्याची गोलंदाजीची सरासरी ४७.९२ आहे. फलंदाजीमध्ये, त्याने विश्वचषकानंतर १० डावांमध्ये १४९ धावा केल्या आहेत. गेल्या सहा वर्षांत त्याने एकदिवसीय सामन्यांमध्ये एकही अर्धशतक झळकावलेले नाही.
| सामने | 212 |
| धावा | 2,905 |
| फलंदाजीची सरासरी | 32.28 |
| स्ट्राईक रेट | 85.54 |
| सर्वोत्तम धावा | 87 धावा |
| अर्धशतक | 13 |
| विकेट | 234 |
| बॉलिंग सरासरी | 36.78 |
| इकॉनमी रेट | 4.91 |
| उत्तम गोलंदाजी | 5/33 |
| 5 विकेट हॉल | 2 |
| कॅच | 80 |
Ans: २०१० मध्ये रवींद्र जडेजावर इंडियन प्रीमियर लीग (आयपीएल) मधून एका वर्षासाठी बंदी घालण्यात आली होती
Ans: रवींद्र जडेजा आयपीएल २०२६ मध्ये राजस्थान रॉयल्सकडून खेळत आहे.
Ans: रवींद्र जडेजाचा आवडता क्रिकेटपटू बेन स्टोक्स आहे
