Rohit Sharma: ‘हिटमॅन’चा शिवाजी पार्कवर जलवा; ऑस्ट्रेलिया दौऱ्यापूर्वीच्या तयारीचा ‘धमाकेदार’ व्हिडिओ व्हायरल

रोहित मुंबईतील शिवाजी पार्क येथे सराव करताना दिसला. 'हिटमॅन'ने नेटमध्ये भरपूर घाम गाळला आणि बचावात्मक शॉट्ससह अनेक चौकार आणि षटकार मारून आक्रमक फलंदाजीचा सराव केला.

• ‘हिटमॅन’चा शिवाजी पार्कवर जलवा
• ऑस्ट्रेलिया दौऱ्यापूर्वीच्या तयारीचा ‘धमाकेदार’ व्हिडिओ व्हायरल
• कर्णधार नव्हे, ‘खेळाडू’ म्हणून संघात पुनरागमन

Rohit Sharma Practice Video: भारत आणि ऑस्ट्रेलिया यांच्यात लवकरच ३ सामन्यांची एकदिवसीय मालिका आणि ५ सामन्यांची टी-२० मालिका सुरू होणार आहे. या एकदिवसीय मालिकेसाठी रोहित शर्मा आणि विराट कोहली यांची निवड झाली असून, रोहित शर्माने दौऱ्यापूर्वी जोरदार सराव सुरू केला आहे. रोहित मुंबईतील शिवाजी पार्क येथे सराव करताना दिसला. ‘हिटमॅन’ने नेटमध्ये भरपूर घाम गाळला आणि बचावात्मक शॉट्ससह अनेक चौकार आणि षटकार मारून आक्रमक फलंदाजीचा सराव केला. रोहितच्या या दमदार फलंदाजीच्या सरावाचा व्हिडिओ सध्या सोशल मीडियावर तुफान व्हायरल होत आहे.

See more

ROHIT SHARMA IS PRACTICING AT SHIVAJI PARK…!!!! 🦁 – He is coming to rule Australia ODI series. pic.twitter.com/MyF6K6vaxd — Johns. (@CricCrazyJohns) October 10, 2025

रोहित शर्मा जवळजवळ सात महिन्यांनंतर आंतरराष्ट्रीय एकदिवसीय क्रिकेटमध्ये पुनरागमन करणार आहे. यापूर्वी त्याने २०२५ च्या चॅम्पियन्स ट्रॉफीमध्ये भारताचे नेतृत्व केले होते आणि संघाने विजेतेपदही पटकावले होते.

कर्णधार नव्हे, ‘खेळाडू’ म्हणून संघात पुनरागमन

महत्त्वाची गोष्ट म्हणजे, इतक्या मोठ्या काळानंतर पुनरागमन करताना रोहित शर्मा भारताच्या ऑस्ट्रेलिया दौऱ्यात कर्णधार म्हणून नव्हे, तर केवळ खेळाडू म्हणून सहभागी होणार आहे. त्याच्या जागी शुभमन गिलची कर्णधार म्हणून नियुक्ती करण्यात आली आहे. चॅम्पियन्स ट्रॉफीमध्ये भारताला विजय मिळवून दिल्यानंतरही रोहितकडून कर्णधारपद काढून घेण्यात आले. रोहित आता गिलच्या नेतृत्वाखालील भारतीय संघाकडून एक वरिष्ठ खेळाडू म्हणून मैदानात उतरणार आहे.

रोहितचे अलीकडील महत्त्वपूर्ण निर्णय

• रोहितने २०२४ च्या टी-२० विश्वचषकानंतर टी-२० क्रिकेटमधून निवृत्ती घेतली.
• आयपीएल २०२५ दरम्यान त्याने कसोटी क्रिकेटमधूनही ब्रेक घेतला.
• त्यानंतर ऑस्ट्रेलियाविरुद्धच्या आगामी एकदिवसीय मालिकेपूर्वी त्याला कर्णधारपदावरून हटवण्यात आले आहे.

IND VS AUS : ‘प्रत्येक खेळाडूला एके दिवशी…’, रोहितच्या जागी कर्णधारपदी गिलची वर्णी,  सौरव गांगुली स्पष्टच बोलला 

ऑस्ट्रेलियाला टीम इंडिया कधी होणार रवाना

मिळालेल्या वृत्तानुसार, भारतीय एकदिवसीय संघ १५ ऑक्टोबर रोजी ऑस्ट्रेलियाला रवाना होईल. कसोटी खेळाडू दिल्लीहून रवाना होतील, तर उर्वरित खेळाडू मुंबईहून ऑस्ट्रेलियाला रवाना होतील. विराट कोहली आणि रोहित शर्मा देखील मुंबईहून रवाना होतील. दोन्ही खेळाडू जवळजवळ सात महिन्यांनंतर आंतरराष्ट्रीय सामना खेळणार आहेत. संघाचा ऑस्ट्रेलियात दोन दिवसांचा सराव असेल. त्यामुळे, त्यांना या दोन दिवसांत पहिल्या एकदिवसीय सामन्यासाठी पूर्णपणे तयारी करावी लागेल. ही एकदिवसीय कर्णधार म्हणून शुभमन गिलची पदार्पण मालिका असेल.

टीम इंडियाचे टी-२० आणि एकदिवसीय संघ

एकदिवसीय संघ: शुभमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), अक्षर पटेल, केएल राहुल (यष्टीरक्षक), नितीश कुमार रेड्डी, वॉशिंग्टन सुंदर, कुलदीप यादव, हर्षित राणा, मोहम्मद सिराज, अर्शदीप सिंग, ध्रुव जुरेल (यष्टीरक्षक), यशस्वी जयस्वाल.

टी-२० संघ: सूर्यकुमार यादव (कर्णधार), अभिषेक शर्मा, शुभमन गिल (उपकर्णधार), तिलक वर्मा, नितीश कुमार रेड्डी, शिवम दुबे, अक्षर पटेल, जितेश शर्मा (यष्टीरक्षक), वरुण चक्रवर्ती, जसप्रीत बुमराह, अर्शदीप सिंग, कुलदीप यादव, हर्षित राणा, संजू सॅमसन (विकेटकीपर), रिंकू सिंग, वॉशिंग्टन सुंदर

‘मला रोहित भाईचा संयम…’, कर्णधार शुभमन गिलने हिटमॅनकडून कोणता धडा गिरवला? वाचा सविस्तर