IND vs OMA: संजू सॅमसनची धमाकेदार खेळी! ओमानला विजयासाठी १८९ धावांचे आव्हान

ओमानची प्रभावी गोलंदाजी

ओमानच्या गोलंदाजांनी प्रभावी मारा केला. शाह फैसलने शुभमन गिलला बाद करून संघाला पहिले यश मिळवून दिले. ओमानकडून जितेन रामानंदी, शाह फैसल आणि आमिर कलीम यांनी प्रत्येकी दोन-दोन विकेट्स घेतल्या. विजयासाठी ओमानला २० षटकांत १८९ धावांची गरज आहे.

Suryakumar Yadav: हिटमॅनचा प्रभाव! कर्णधार सूर्यकुमार टाॅसवेळी विसरला खेळाडूंची नावं, म्हणाला- ‘मी रोहितसारखा झालोय…’

भारतीय संघाचा ऐतिहासिक विक्रम!

आजच्या ओमानविरुद्धच्या सामन्यात भारतीय संघाने एक मोठा पराक्रम करत टी-२० आंतरराष्ट्रीय क्रिकेटमध्ये २५० सामने पूर्ण केले आहेत. भारतीय संघ ही ऐतिहासिक कामगिरी करणारा जगातील दुसरा संघ ठरला आहे. यापूर्वी केवळ पाकिस्तानने २५० पेक्षा जास्त टी-२० सामने खेळले आहेत. २००६ मध्ये आपला पहिला टी-२० सामना खेळणाऱ्या टीम इंडियाने आतापर्यंत २५० सामने खेळले आहेत. यातील १६६ सामन्यांमध्ये विजय मिळवला आहे, तर ७१ सामन्यांत पराभव पत्करावा लागला आहे. सहा सामने बरोबरीत (टाय) सुटले आहेत, तर सहा सामन्यांचा कोणताही निकाल लागला नाही. भारत हा जगातील एकमेव असा संघ आहे, ज्याचा टी-२० मध्ये आतापर्यंत ज्या संघांविरुद्ध सामना झाला आहे, त्या प्रत्येक संघाविरुद्ध त्याचा विजय दर (Win Percentage) ५०% पेक्षा जास्त आहे.

पाहा दोन्ही संघाची प्लेइंग 11

भारत (प्लेइंग इलेव्हन): अभिषेक शर्मा, शुभमन गिल, संजू सॅमसन (विकेटकीपर), सूर्यकुमार यादव (कर्णधार), तिळक वर्मा, शिवम दुबे, हार्दिक पंड्या, अक्षर पटेल, हर्षित राणा, अर्शदीप सिंग, कुलदीप यादव

ओमान (प्लेइंग इलेव्हन): आमिर कलीम, जतिंदर सिंग (कर्णधार), हम्माद मिर्झा, विनायक शुक्ला (विकेटकीपर), शाह फैसल, जिक्रिया इस्लाम, आर्यन बिश्त, मोहम्मद नदीम, शकील अहमद, समय श्रीवास्तव, जितेन रामानंदी

संबंधित बातम्या