श्रीलंकेने बांगलादेशवर केली मात (फोटो सौजन्य - X.com)
श्रीलंकेने बांगलादेशला ३२ चेंडू शिल्लक असताना सहा विकेट्सने हरवून आपल्या मोहिमेची शानदार सुरुवात केली आहे. शनिवारी अबू धाबी येथे ग्रुप बी सामना खेळवण्यात आला, ज्यामध्ये नाणेफेक गमावून प्रथम फलंदाजी करणाऱ्या बांगलादेशने २० षटकांत पाच विकेट्सच्या मोबदल्यात १३९ धावा केल्या. प्रत्युत्तरात श्रीलंकेने १४.४ षटकांत चार विकेट्सच्या मोबदल्यात १४० धावा केल्या आणि सामना जिंकला.श्रीलंकेने आशिया कप २०२५ मध्ये आपला पहिला सामना जिंकला आहे. श्रीलंकेने बांगलादेशचा ६ विकेट्सने पराभव केला. श्रीलंकेने १४० धावांचे लक्ष्य १४.४ षटकात ६ विकेट्स गमावून पूर्ण केले. पथुम निस्सांकाने सर्वाधिक ५० धावा केल्या. कामिल मिश्रा ४६ धावा करून नाबाद राहिला.
बांगलादेशला सावरता आले नाही
बांगलादेश संघ फलंदाजीतील सुरुवातीच्या अपयशातून सावरू शकला नाही. त्यांच्या डावातील पहिले २ षटके मेडन होती, ज्यामध्ये नुवान तुषारा आणि दुष्मंत चामीरा यांनी मेडन ओव्हर्स टाकले आणि प्रत्येकी एक बळी घेतला. बांगलादेशचा स्कोअर २ षटकांत एकही धाव न करता २ विकेट्स होता. कर्णधार लिटन दास काही वेळ क्रीजवर राहिला, पण तोही २८ धावा करून बाद झाला. बांगलादेशचा अर्धा संघ ५३ धावांवर पॅव्हेलियनमध्ये परतला होता. झाकीर अली आणि शमीम हुसेन यांच्या ८६ धावांच्या भागीदारीमुळे बांगलादेशला १३९ धावांपर्यंत पोहोचण्यास मदत झाली.
BAN vs SL : बांगलादेशने श्रीलंकेसमोर 139 धावांचे ठेवले लक्ष्य! हुसेन-अली जोडीची शानदार भागीदारी
बांगलादेशचे उशिरा पुनरागमन
१४० धावांच्या लक्ष्याचा पाठलाग करताना श्रीलंकेची सुरुवात चांगली झाली नाही कारण कुसल मेंडिस फक्त ३ धावा करून बाद झाला. त्यानंतर, पथुम निस्सांका आणि कामिल मिश्रा यांच्या ९५ धावांच्या भागीदारीने श्रीलंकेचा विजय निश्चित केला. निस्सांका यांनी ५० धावा केल्या. कुसल परेराही जास्त वेळ क्रीजवर टिकू शकला नाही. दासुन शनाकाही आला आणि १ धाव घेत बाद झाला.
एकेकाळी श्रीलंकेने एक विकेट गमावून १०८ धावा केल्या होत्या. त्यांना विजयासाठी ५८ चेंडूत फक्त ३२ धावा करायच्या होत्या. येथून श्रीलंकेने फक्त १७ चेंडूत ३ विकेट गमावल्या. बांगलादेशचा संघ प्रत्येकी एक विकेट घेऊन पुनरागमन करत होता, परंतु तोपर्यंत श्रीलंका विजयाच्या खूप जवळ पोहोचला होता.
सुपर-४ चा रस्ता कठीण
ग्रुप ब आता आता अधिक रोमांचक झाला आहे. अफगाणिस्तान (+४.७००) आणि श्रीलंका (+२.५९५) चांगल्या नेट रन-रेटसह ग्रुप ब मध्ये पहिल्या दोन स्थानांवर आहेत. दोघांचेही प्रत्येकी दोन गुण आहेत, बांगलादेशचेही २ गुण आहेत पण त्यांचा नेट रन-रेट -०.६५० आहे. बांगलादेशचा आता फक्त एक सामना शिल्लक आहे, जरी तो जिंकला तरी सुपर-४ मध्ये जाण्यासाठी त्यांना इतर संघांवर अवलंबून राहावे लागेल.
