सोमवार, 26 ऑक्टोबर 2026
फोटो सौजन्य - JioHotstar
Team India wins Champions Trophy 2025 title : भारताच्या संघाने न्यूझीलंडच्या संघाला धूळ चारून चॅम्पियन ट्रॉफीचे जेतेपद नावावर केले आहे. भारताच्या संघाने या स्पर्धेमध्ये स्वतःचा दबदबा पहिल्या सामन्यापासून दाखवायला सुरुवात केली होती. भारताच्या संघाने न्यूझीलंड ऑस्ट्रेलिया सारख्या बलाढ्य संघाना पराभूत करून अंतिम फेरीमध्ये प्रवेश केला होता. भारताच्या संघाने एकही सामना न गमावता चॅम्पियन ट्रॉफी २०२५ चे जेतेपद जिंकले आहे. या सामन्यानंतर भारतामध्ये फटाके फोडत त्याचबरोबर मोठ्या उत्साहात दुबईमध्ये भारताच्या संघाने जेतेपद जिंकल्यानंतर उत्साह साजरा केला. या सामन्यानंतरचा एक व्हिडिओ सध्या सोशल मीडियावर प्रचंड व्हायरल होत आहे. यामध्ये भारताचे दिग्गज खेळाडू सुनील गावसकर भारतच्या संघाच्या सेलिब्रेशन दरम्यान त्यांचा आनंद व्यक्त करताना दिसत आहेत.
भारत विरुद्ध न्यूझीलंड सामन्यानंतर भारताचे सर्व खेळाडू ट्रॉफीसोबत फोटो त्याचबरोबर नाचताना दिसले. सोशल मीडियावर त्यांचे व्हिडिओ आणि फोटो सध्या काल रात्रीपासून प्रचंड व्हायरल होत आहेत. याचदरम्यान भारताचे माजी खेळाडू सुनील गावसकर यांच्या नाचतानाचा व्हिडिओ सोशल मीडियावर वाऱ्यासारखा व्हायरल होत आहे. यामध्ये सुनील गावसकर हे उड्या मारत आहेत त्याचबरोबर ते गोलगोल फिरून नाचताना दिसत आहे. ते भारताच्या संघाला ट्रॉफी घेताना पाहून आनंद व्यक्त करत आहे. सोशल मीडियावर स्टार स्पोर्टसने हा व्हिडिओ सोशल मीडियावर शेअर केला आहे.
𝘿𝙞𝙡 𝙩𝙤𝙝 𝙗𝙖𝙘𝙝𝙘𝙝𝙖 𝙝𝙖𝙞 𝙟𝙞 😍 Just a glimpse of Sunil Gavaskar’s passion and love for Indian cricket! ❤#ChampionsTrophyOnJioStar #INDvNZ #ChampionsTrophy2025 pic.twitter.com/0ZJMHjVTIZ — Star Sports (@StarSportsIndia) March 9, 2025
भारत विरुद्ध न्यूझीलंड सामन्याबद्दल बोलायचं झालं तर न्यूझीलंडच्या संघाने नाणेफेक जिंकून पहिले फलंदाजी करण्याचा निर्णय घेतला होता यामध्ये भारताच्या संघासमोर गोलंदाजीचे आव्हानं होते भारताच्या संघाने ही चॅम्पियन ट्रॉफी भारताचा स्टार गोलंदाज जसप्रीत बुमराहच्या अनुपस्थित जिंकली आहे. न्यूझीलंडच्या संघाने पहिले फलंदाजी करत २५१ धावा केल्या होत्या. यामध्ये ड्रायल मिचेल आणि मायकेल ब्रेसवेल या दोघांच्या जोरावर न्यूझीलंडच्या संघाने एक चांगली धावसंख्या उभी केली होती पण या धावसाखेने दोघेही संघाला विजयापर्यंत नेऊ शकले नाही. भारताच्या गोलंदाजनामध्ये वरुण चक्रवर्ती आणि कुलदीप यादव या दोघांनी प्रत्येकी २ विकेट नावावर केले.
कुलदीप यादव याने रचिन रवींद्र आणि केन विलियम्सन या दोघांना बाद करून भारताच्या संघाला विजयाच्या दिशेने नेले. वरुण चक्रवर्तीने पुन्हा एकदा त्याची जादू दाखवली आणि टीमला गोलंदाजीमध्ये दमदार सुरुवात करून दिली. रवींद्र जडेजा आणि मोहम्मद शमी या दोघांनी प्रत्येकी १ विकेट घेतला. टीम इंडियाच्या फलंदाजीबद्दल बोलायचं झालं रोहित शर्मा आणि शुभमन गिल या दोघांनी शतकीय भागीदारी केली आणि संघाला कमालीची सुरुवात करून दिली. भारताचा कर्णधार रोहित शर्माने कमालीची सुरुवात केली आणि संघासाठी मजबूत ७६ धावा केल्या. तर शुभमन गिलने संघासाठी ३१ धावांचे महत्वाचे योगदान दिले.
विराट कोहली फायनलच्या सामन्यात मोठी कामगिरी करू शकला नाही तो फक्त १ धाव करून पॅव्हेलियममध्ये परतला. श्रेयस अय्यरने संघासाठी महत्त्वाच्या ४८ धावा केल्या. रोहित शर्माचा विकेट गेल्यानंतर श्रेयस अय्यर आणि अक्षर पटेल या दोघांनी भारतीय संघाचा खेळ सांभाळला. अक्षर पटेलने संघासाठी २९ धावांची महत्वाची खेळी खेळली तर केएल राहुलने संघासाठी फिनिशरचे काम करत महत्वाच्या ३४ धावा करून भारताच्या संघाला विजय मिळवून दिला आणि रवींद्र जडेजाने शेवटचा चौकार ठोकत भारताच्या संघाला जेतेपद मिळवून दिले.
