रविवार, 25 ऑक्टोबर 2026
( सौजन्य - सोशल मीडिया )
PM Kisan Yojana : शेतीच्या कामासाठी पैशांची जुळवाजुळव करणाऱ्या शेतकऱ्यांसाठी महत्त्वाची बातमी आहे. पंतप्रधान किसान सन्मान निधी योजनेच्या (PM-KISAN) 24 व्या हप्त्याची तारीख जाहीर झाली आहे. योजनेच्या अधिकृत सोशल मीडिया खात्यानुसार, येत्या 30 ऑक्टोबर 2026 रोजी हा हप्ता वितरित केला जाणार आहे. पात्र शेतकरी कुटुंबांच्या खात्यात प्रत्येकी 2,000 रुपये थेट जमा होणार आहेत.
पीएम किसान योजनेअंतर्गत पात्र शेतकरी कुटुंबांना वर्षाला 6,000 रुपयांची आर्थिक मदत दिली जाते. ही रक्कम 2,000 रुपयांच्या तीन हप्त्यांत थेट बँक खात्यात जमा केली जाते. यापूर्वी 20 जून 2026 रोजी योजनेचा 23 वा हप्ता वितरित करण्यात आला होता. आता 24 व्या हप्त्याची प्रतीक्षा संपण्याची शक्यता आहे. मात्र, प्रत्येक लाभार्थ्याच्या खात्यात पैसे जमा होण्याची वेळ त्याच्या नोंदी आणि बँक प्रक्रियेनुसार बदलू शकते.
हप्ता मिळण्यासाठी ई-KYC पूर्ण असणे आवश्यक आहे. त्यामुळे अजूनही ही प्रक्रिया बाकी असेल, तर शेवटच्या क्षणापर्यंत थांबू नका. आधार कार्डशी जोडलेला मोबाईल क्रमांक, बँक खात्याचे आधार लिंकिंग आणि जमिनीच्या नोंदींची स्थिती तपासून घ्या. नोंदींमध्ये त्रुटी असल्यास किंवा पात्रतेची पडताळणी प्रलंबित असल्यास पैसे मिळण्यास विलंब होऊ शकतो.
सर्वप्रथम PM-KISAN च्या अधिकृत वेबसाइटला भेट द्या. तेथे ‘Know Your Status’ हा पर्याय निवडा. आवश्यक नोंदणी क्रमांक आणि पडताळणीची माहिती भरल्यानंतर तुमच्या लाभार्थी स्थितीची माहिती तपासा. ई-KYC अपूर्ण असल्याचे दिसल्यास ती पूर्ण करण्यासाठी दिलेल्या सूचनांचे पालन करा.
शेतकरी OTP द्वारे ऑनलाइन ई-KYC करू शकतात. आधारशी मोबाईल क्रमांक जोडलेला नसेल किंवा OTP पद्धतीत अडचण येत असेल, तर जवळच्या कॉमन सर्व्हिस सेंटरमध्ये बायोमेट्रिक पडताळणीचा पर्याय वापरता येतो. PM-KISAN ॲपमधील फेस ऑथेंटिकेशन सुविधेचाही वापर करता येतो.
Pratap Sarnaik : शेतकऱ्यांना कर्जवसुलीसाठी त्रास देऊ नका! प्रताप सरनाईक यांचे प्रशासनाला कडक आदेश
Ans: पीएम किसानच्या अधिकृत सोशल मीडिया खात्यावर 24 वा हप्ता 30 ऑक्टोबर 2026 रोजी वितरित होणार असल्याचे जाहीर करण्यात आले आहे.
Ans: पात्र शेतकरी कुटुंबांना या योजनेअंतर्गत वर्षाला एकूण ₹6,000 दिले जातात. ही रक्कम प्रत्येकी ₹2,000 अशा तीन हप्त्यांत थेट बँक खात्यात जमा केली जाते.
Ans: पीएम किसानच्या अधिकृत वेबसाइटवर जा आणि ‘Know Your Status’ पर्याय निवडा. नोंदणी क्रमांक व आवश्यक पडताळणी पूर्ण करून लाभार्थी स्थिती, ई-KYC आणि पेमेंटविषयीची उपलब्ध माहिती तपासा. ई-KYC अपूर्ण असल्यास वेबसाइट किंवा अधिकृत सेवा केंद्राच्या मदतीने ती पूर्ण करा.
