तिसऱ्या T20 सामन्यात टीम इंडियाने केले तीन मोठे बदल; संजू सॅमसनसह या दोन नवीन खेळाडूंना संधी; वाचा सविस्तर रिपोर्ट

बंगळुरू : भारत आणि अफगाणिस्तान यांच्यातील मालिकेतील तिसरा आणि अंतिम सामना बेंगळुरूच्या एम चिन्नास्वामी स्टेडियमवर खेळवला जात आहे. रोहित शर्माच्या नेतृत्वाखालील भारतीय क्रिकेट संघाने पहिले 2 सामने जिंकून मालिका जिंकली आहे. मात्र, रोहित सेनेला तिसरी टी-२० जिंकून अफगाणिस्तानला क्लीन स्वीप करायचे आहे. बेंगळुरूमध्ये नाणेफेक आधीच झाली आहे. भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे. तिसऱ्या T20 साठी भारतीय संघात 3 मोठे बदल करण्यात आले आहेत. अक्षर पटेल, अर्शदीप सिंग आणि जितेश शर्मा यांना तिसऱ्या टी-२०साठी संघातून वगळण्यात आले आहे.

अफगाणिस्तानविरुद्धच्या तिसऱ्या आणि शेवटच्या टी-२० सामन्यात जितेश शर्माच्या जागी भारतीय संघाचा अनुभवी यष्टीरक्षक फलंदाज संजू सॅमसनला संधी देण्यात आली आहे. संजूला ही सुवर्णसंधी मिळाली आहे. या सामन्यात त्याची फलंदाजी आली तर त्याला स्वत:ला सिद्ध करावे लागेल, कारण यानंतर भारत आयपीएलनंतर थेट टी-२० विश्वचषक स्पर्धेत आपला पुढचा टी-२० खेळणार आहे. विकेटकीपिंगसाठी खूप स्पर्धा आहे. अशा परिस्थितीत संजूला तो वर्षानुवर्षे आयपीएलमध्ये करत असलेला पराक्रम गाजवावा लागेल.

संजू सॅमसनशिवाय कुलदीप यादवचाही तिसऱ्या टी-२०मध्ये समावेश करण्यात आला आहे. अक्षर पटेलच्या जागी कुलदीपला संधी देण्यात आली आहे. यादव बेंगळुरूच्या खेळपट्टीवर कहर करू शकतात. टीम इंडियाने वेगवान गोलंदाजाच्या रूपात तिसरा बदल केला आहे. डावखुरा वेगवान गोलंदाज अर्शदीप सिंगच्या जागी आवेश खानला संधी मिळाली आहे.

भारतीय खेळाडू 11 खेळाडू : यशस्वी जैस्वाल, रोहित शर्मा (कर्णधार), विराट कोहली, शिवम दुबे, संजू सॅमसन (यष्टीरक्षक), रिंकू सिंग, कुलदीप यादव, वॉशिंग्टन सुंदर, रवी बिश्नोई, आवेश खान, मुकेश कुमार.