WTC 2025 Final : जगातील सर्वात कमी उंचीच्या ‘या’ ५ क्रिकेटपटूंनी गाजवले मैदान!  Temba Bavuma चाही आहे समावेश.. 

वर्ल्ड टेस्ट चॅम्पियनशिपच्या अंतिम सामन्यात साऊथ आफ्रिकेनेऑस्ट्रेलियाला ५ विकेट्सने पराभूत करून इतिहास रचला आहे. या विजयात कर्णधार टेम्बा बावुमाने महत्वाची भूमिका बाजवली. आता लोक त्याच्या उंचीची चर्चा करत आहेत.

टेम्बा बावुमा(फोटो-सोशल मीडिया)

Follow Us:

Follow Us:

WTC 2025 Final :  वर्ल्ड टेस्ट चॅम्पियनशिपच्या अंतिम सामना ऑस्ट्रेलिया आणि दक्षिण आफ्रिका या दोन संघात खेळला गेला.  साऊथ आफ्रिकेने हा सामना ५ विकेट्सने जिंकून इतिहास रचला आहे. १९९८ नंतर पहिल्यांदा आयसीसीची स्पर्धा जिंकली आहे.  या सामन्यात दक्षिण आफ्रिकेचा स्टार सलामीवीर एडेन मार्करामने एक अद्भुत खेळी केली आणि शतक ठोकून आपल्या संघाचा विजय निश्चित केला. तसेच संघाचा कर्णधार टेम्बा बावुमाने देखील शानदार अर्धशतक ठोकत विजयात मोठी भूमिका बजावली. टेम्बा बावुमाच्या शारीरिक उंचीवरुन त्याला बऱ्याच वेळा ट्रॉल करण्यात आले होते. आता तर त्याची ऊंची नेमकी किती म्हणून लोक आता गुगलवर सर्च करू लागले आहेत. तसेच बवुमासह जगात असे इतरही कमी उंची असलेले क्रिकेटपटु आहेत. त्यांची आपण माहिती घेणार आहोत.

जगातील ५ सर्वात लहान क्रिकेटपटू खालीलप्रमाणे

       खेळाडूंचे नाव      उंची (फूट)          संघ

1. मोमिनुल हक          ५’३”              बांगलादेश
2. मुशफिकुर रहीम    ५’३”              बांगलादेश
3. टेम्बा बावुमा            ५’४”             दक्षिण आफ्रिका
4. पृथ्वी शॉ                  ५’४”             भारत
5. केदार जाधव            ५’४”             भारत

टेम्बा बावुमा (दक्षिण आफ्रिका) 

टेम्बा बावुमा उंचीने लहान आहे, परंतु त्याची उंची त्याच्या फलंदाजीवर कोणताही परिणाम करत नसल्याचे दिसते. तो गोलंदाजांना त्याच्याविरुद्ध गोलंदाजी करण्यासाठी त्यांची लाईन आणि लेंथ समायोजित करावी लागते, याचा तो त्याच्या उंचीने चांगलाच फायदा घेतो.

पृथ्वी शॉ (भारत)

भारताचा क्रिकेटपटू  पृथ्वी शॉची तुलना महान सचिन तेंडुलकरशी केली जात असे. कारण, त्याची फलंदाजीची रणनीती मास्टर ब्लास्टरसारखीच होती, तो सचिन इतकाच उंच आहे.

केदार जाधव (भारत)

केदार जाधव त्याच्या गोलंदाजीच्या वेगामुळे भारतासाठी एक मौल्यवान गोलंदाजीचा पर्याय म्हणून पुढे आला  होता, जो त्याला त्याच्या उंचीमुळे मिळाला. त्याच्या ५९ एकदिवसीय सामन्यांमध्ये त्याने २७ विकेट्स घेतल्या आहेत आणि ४३ च्या सरासरीने १,१०० धावा केल्या आहेत.

मोमिनुल हक(बांगलादेश)

बांगलादेशचा डावखुरा खेळाडू फिरकी गोलंदाजांविरुद्ध एक उत्तम फलंदाज आहे.  त्याच्या यशाचे श्रेय त्याची ५’३ फूट उंची आणि कुशल फूटवर्कला दिले जाते.

मुशफिकुर रहीम(बांगलादेश)

बांगलादेशच्या महान फलंदाजांपैकी एक असणारा मुशफिकुर रहीम ५’३ फूट उंचीचा खेळाडू आहे. झिम्बाब्वेविरुद्ध त्याने केलेली नाबाद २१९ धावांची खेळी बांगलादेशच्या फलंदाजाने केलेल्या सर्वोच्च कसोटी धावसंख्येचा विक्रम आहे. जी एक अविस्मरणीय अशी खेळी आहे.

wtc फायनलमध्ये दक्षिण आफ्रिकेचा कांगारूंवर दणदणीत विजय

ऑस्ट्रेलिया आणि दक्षिण आफ्रिका या दोन संघात वर्ल्ड टेस्ट चॅम्पियनशिपच्या अंतिम सामना पार पडला. सगळ्या क्रीडा जगताच्या नजरा या फायनल सामान्याकडे लागून होत्या. साऊथ आफ्रिकेने हा सामना ५ विकेट्सने जिंकून इतिहास रचला आहे. १९९८ नंतर पहिल्यांदा आयसीसीची स्पर्धा जिंकली आहे. ऑस्ट्रेलियाच्या २८१ च्या टार्गेटला साऊथ आफ्रिका संघाने एडन मारक्रमच्या १३६ धावांच्या   जोरावर पूर्ण केले आणि वर्ल्ड टेस्ट चॅम्पियनशिप २०२५ चे जेतेपद आपल्या नावावर केले आहे. एडण मारक्रम आणि साऊथ आफ्रिका संघाचा कर्णधार टेंबा बवुमा ही जोडी या विजयाचे शिल्पकार ठरले आहेत.

Web Title: These 5 shortest cricketers in the world including temba bavuma have graced the field

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com