वैभव सूर्यवंशीची गोलंदाजीत कमाल (फोटो सौजन्य - X.com)
बंगळूरू येथील सेंटर ऑफ एक्सलन्स (CoE) मध्ये ईस्ट झोन आणि नॉर्थ ईस्ट झोन यांच्यातील उपांत्यपूर्व फेरीच्या सामन्यात, वैभवने २८ व्या षटकाच्या दुसऱ्या चेंडूवर लिंगडोहला आणि त्यानंतर पाचव्या चेंडूवर नवीन फलंदाज लेमटूरला बाद केले. एकाच षटकात दोन बळी घेतल्यानंतर वैभवची प्रतिक्रिया पाहण्यासारखी होती. मोठा फटका खेळण्याच्या प्रयत्नात लिंगडोह सर्कलच्या आत झेलबाद झाला, तर लेमटूरचा झेल यष्टीरक्षक आणि संघाचा कर्णधार असलेल्या इशान किशनने घेतला.
वैभव सूर्यवंशी फलंदाजीत फार काही करू शकला नाही, त्याने सहा चेंडूंमध्ये केवळ आठ धावा केल्या. ह्या आठ धावा दोन चौकारांच्या साहाय्याने केल्या गेल्या. शहबाज अहमदने १६७ धावा केल्या. मात्र गेल्या काही दिवसांपासून वैभव आपल्या बॅटसह योग्य कामगिरी करू शकलेला नाही. तसंच या सामन्यात तो उपकर्णधार असून अनेकांनी या निर्णयाबाबतही प्रश्नचिन्ह उपस्थित केले होते. पण असं असूनही वैभव सूर्यवंशीने आपला नैसर्गिक खेळ खेळावा यासाठी सगळ्या दिग्गजांनीही सूचना केल्या आहेत.
प्रथम फलंदाजी करताना, ईस्ट झोनने पहिल्या डावात ४६७ धावा केल्या आणि त्यानंतर नॉर्थईस्ट झोनला केवळ १११ धावांवर बाद केले. त्रिपुराचा मध्यमगती गोलंदाज अभिजीत सरकारने ९.५ षटकांत २० धावा देऊन पाच बळी घेतले, तर शहबाजने २० धावा देऊन तीन बळी घेतले. यामुळे ईस्ट झोनला कमकुवत नॉर्थईस्ट झोनवर फॉलो-ऑन लादण्यास भाग पडले. हा अहवाल लिहीपर्यंत फॉलो-ऑननंतर नॉर्थईस्ट झोनने १२८ धावांत आठ गडी गमावले होते. हवामानाने अडथळा आणला नाही तर, ईस्ट झोन आजचा सामना गमावेल.
Duleep Trophy: BCCI ने दलिप ट्रॉफी फायनलची जागा बदलली, आता बंगळुरू नाही तर ‘इथे’ रंगणार सामना
.png "Videos"){kind=small}
