शनिवार, 31 ऑक्टोबर 2026
पालकमंत्री प्रकाश आबिटकर यांच्या हस्ते सुविधांचे उद्घाटन (Photo - X)
कोल्हापूर : आता महागड्या वैद्यकीय तपासण्यांसाठी खासगी रुग्णालयांचे उंबरठे झिजवण्याची गरज कमी होणार आहे. कोल्हापूरच्या कसबा बावडा येथील सेवा रुग्णालयात अत्याधुनिक आरोग्य सुविधा सुरू करण्यात आल्या आहेत. यामध्ये MRI, CT Scan, IPHL लॅब आणि यलो फीवर लसीकरण केंद्राचा समावेश आहे. सार्वजनिक आरोग्य मंत्री तथा कोल्हापूरचे पालकमंत्री प्रकाश आबिटकर यांच्या हस्ते या सुविधांचे लोकार्पण करण्यात आले. (Prakash Abitkar)
शासकीय रुग्णालयांमध्येही खासगी रुग्णालयांच्या तोडीच्या सुविधा उपलब्ध व्हाव्यात, हा शासनाचा प्रयत्न असल्याचे मंत्री प्रकाश आबिटकर यांनी सांगितले. सर्वसामान्य नागरिकांना मोफत किंवा माफक दरात दर्जेदार उपचार मिळावेत, यावर आरोग्य विभागाचा भर असल्याचे त्यांनी स्पष्ट केले.
या कार्यक्रमाला खासदार शाहू महाराज छत्रपती, राज्य नियोजन मंडळाचे कार्यकारी अध्यक्ष राजेश क्षीरसागर, महापौर रुपाराणी निकम यांच्यासह अनेक मान्यवर उपस्थित होते.
उजनीतील ऊर्जा प्रकल्पांविरोधात जनक्षोभ! महामार्गावर रास्ता रोको; Rohit Pawar आक्रमक, म्हणाले…
कोल्हापूरला मेडिकल हब म्हणून विकसित करण्यासाठी शासकीय रुग्णालयांमध्ये टप्प्याटप्प्याने अत्याधुनिक सुविधा उपलब्ध करून दिल्या जात आहेत. सेवा रुग्णालयात आगामी काळात कॅन्सर निदान आणि उपचार सुविधाही सुरू करण्याचे नियोजन आहे.
याशिवाय ब्रेन स्ट्रोक सेंटर, कॅन्सर सर्जरीसाठी ऑन्कोलॉजी विभाग आणि कॅथलॅब सुरू करण्याची तयारी असल्याची माहिती आबिटकर यांनी दिली.
शेंडा पार्क येथे मित्रा संस्थेच्या सहकार्याने ५०० बेडचे सुपर स्पेशालिटी रुग्णालय उभारण्याचे नियोजन आहे. तसेच २०० बेडचे कॅशलेस रुग्णालय सुरू करण्यासाठीही प्रयत्न सुरू आहेत. गडहिंग्लज उपजिल्हा रुग्णालयाची क्षमता १०० वरून २०० बेडपर्यंत वाढवण्यात येणार आहे. इचलकरंजीच्या आयजीएम रुग्णालयातही अत्याधुनिक सुविधा उपलब्ध केल्या जाणार आहेत.
सेवा रुग्णालयात यलो फीवर लसीकरण केंद्र सुरू झाल्याने कोल्हापूरसह आसपासच्या पाच ते सहा जिल्ह्यांतील नागरिकांना याचा लाभ घेता येणार आहे.
खासदार शाहू महाराज छत्रपती यांनी या सुविधांचा लाभ सर्वसामान्य रुग्णांना होईल, अशी अपेक्षा व्यक्त केली. तर राजेश क्षीरसागर यांनी खासगी रुग्णालयांमधील महागड्या तपासण्यांचा आर्थिक भार कमी होण्यास या सुविधांची मदत होईल, असे सांगितले.
एकंदरीत, सेवा रुग्णालयातील या नव्या सुविधांमुळे कोल्हापूर आणि परिसरातील रुग्णांसाठी उपचारांच्या नव्या सोयी उपलब्ध झाल्या आहेत. आता या सुविधा प्रत्यक्षात किती प्रभावीपणे रुग्णांपर्यंत पोहोचतात, हे महत्त्वाचे ठरणार आहे.
Pune Water: विरोधात असताना आंदोलन, आता सत्तेत मौन; पुणेकरांवर एक दिवसाआड पाणीपुरवठ्याचे संकट?
Ans: सेवा रुग्णालयात अत्याधुनिक MRI, CT Scan, IPHL लॅब आणि यलो फीवर लसीकरण केंद्र सुरू करण्यात आले आहे.
Ans: कोल्हापूर शहर आणि जिल्ह्यासह आसपासच्या पाच ते सहा जिल्ह्यांतील नागरिकांना या सुविधांचा लाभ होणार आहे.
Ans: ब्रेन स्ट्रोक सेंटर, कॅन्सर सर्जरीसाठी ऑन्कोलॉजी विभाग, कॅथलॅब आणि शेंडा पार्क येथे ५०० बेडचे सुपर स्पेशालिटी रुग्णालय उभारण्याचे नियोजन आहे.
