Asian Games 2026: टीम इंडियाच्या कोचिंगमध्ये मोठा बदल; गौतम गंभीर नाही, VVS Laxman सांभाळणार टीम इंडियाची धुरा?

VVS Laxman Team India Head coach for Asian Games 2026: वृत्तानुसार, आगामी आशियाई खेळांसाठी टीम इंडियाच्या मुख्य प्रशिक्षकपदी व्हि.व्हि. एस लक्ष्मणची नियुक्ती करण्यात येणार आहे.

• BCCIचा नवा प्लॅन
• टीम इंडियाच्या हेड कोचपदी व्हीव्हीएस लक्ष्मण
• Asian Games 2026 मध्ये सांभाळणार जबाबदारी

जपानमधील आयची-नागोया येथे १९ सप्टेंबरपासून सुरू होणाऱ्या आशियाई खेळ २०२६( Asian Games 2026) मध्ये क्रिकेटचाही समावेश करण्यात आला आहे. या स्पर्धेसाठी भारतीय संघाची घोषणा आधीच झाली असून, त्याचे कर्णधारपद श्रेयस अय्यरकडे सोपवण्यात आले आहे. काही मीडिया वृत्तानुसार, आशियाई खेळांमध्ये गौतम गंभीर हे भारतीय संघाचे मुख्य प्रशिक्षक असणार नाहीत. त्यांच्या जागी, माजी भारतीय क्रिकेटपटू आणि बीसीसीआय सेंटर ऑफ एक्सलन्सचे (CoE) प्रमुख, व्हीव्हीएस लक्ष्मण, संघाच्या मुख्य प्रशिक्षकपदाची जबाबदारी स्वीकारतील.

Women’s Asia Cup 2026 च्या पॉइंट्स टेबलमध्ये मोठा ट्विस्ट! पाकिस्तानचा थायलंडवर दणदणीत विजय; तरीही गुणतालिकेत भारतच नंबर-1

व्हीव्हीएस लक्ष्मण टीम इंडियाचे मुख्य प्रशिक्षक

वृत्तानुसार, माजी भारतीय क्रिकेटपटू व्हीव्हीएस लक्ष्मण २०२६ च्या आशियाई खेळांसाठी भारतीय संघाचे मुख्य प्रशिक्षक असतील. ते गौतम गंभीर यांच्या जागी हंगामी प्रशिक्षक म्हणून पदभार स्वीकारतील. लक्ष्मण यांनी यापूर्वीही अनेक वेळा भारतीय संघाला प्रशिक्षण दिले आहे. सप्टेंबर आणि ऑक्टोबरमध्ये भारतीय संघाचे वेळापत्रक खूप व्यस्त असण्याची शक्यता आहे. त्यामुळेच, विविध स्पर्धांनुसार प्रशिक्षण कर्मचाऱ्यांच्या जबाबदाऱ्या विभागल्या गेल्या आहेत. भारतीय संघ सर्वप्रथम १३ ते १७ सप्टेंबर दरम्यान अफगाणिस्तानविरुद्ध टी-२० मालिका खेळेल.

त्यानंतर संघ २७ सप्टेंबर ते १७ ऑक्टोबर दरम्यान मायदेशात वेस्ट इंडिजविरुद्ध एकदिवसीय आणि टी-२० सामन्यांची मालिका खेळेल. या व्यस्त वेळापत्रकातही, मुख्य प्रशिक्षक गौतम गंभीर वेस्ट इंडिजविरुद्धच्या मालिकेसाठी वरिष्ठ भारतीय संघासोबत असतील. दरम्यान, आशियाई क्रीडा स्पर्धेत सहभागी होणाऱ्या भारतीय संघाच्या प्रशिक्षणाची जबाबदारी लक्ष्मण स्वीकारतील.

टीम इंडिया सज्ज

आशियाई खेळ सप्टेंबर महिन्याच्या अखेरीस होणार आहेत. भारतीय संघ आशियाई खेळांसाठी सज्ज आहे. यावेळी पुरुष आणि महिला दोन्ही क्रिकेट संघ सहभागी होणार आहेत. भारतीय संघ थेट उपांत्यपूर्व फेरीत खेळेल. भारताव्यतिरिक्त पाकिस्तान, श्रीलंका आणि बांग्लादेश यांनीही थेट उपांत्यपूर्व फेरीतील आपले स्थान निश्चित केले आहे.

कोचिंग स्टाफमध्ये कोणाला मिळणार संधी?

२०२६ च्या आशियाई खेळ स्पर्धेत व्हीव्हीएस लक्ष्मण भारतीय संघाचे मुख्य प्रशिक्षक म्हणून काम पाहतील. तसेच, कोचिंग स्टाफमध्ये अनुभवी खेळाडू सुनील जोशी, ऋषिकेश कानिटकर आणि सुभदीप घोष यांचा सहायक प्रशिक्षक म्हणून समावेश असेल. २०२६ च्या आशियाई क्रीडा स्पर्धेतील पुरुषांची क्रिकेट स्पर्धा २४ सप्टेंबर ते ३ ऑक्टोबर दरम्यान, तर महिलांची स्पर्धा १७ ते २२ सप्टेंबर दरम्यान खेळवली जाईल. पुरुष गटात दहा आणि महिला गटात आठ संघ सहभागी होतील. ही स्पर्धा टी-२० स्वरूपात खेळवली जाईल.

33व्या वर्षी Quinton de Kock चा शतकी धमाका; गेल-कोहलीच्या एलिट क्लबमध्ये दिमाखात एन्ट्री