DeepSeek चा वापर केल्यास होणार 20 वर्षांचा तुरुंगवास! या देशाने घेतला मोठा निर्णय, जाणून घ्या सविस्तर

ऑस्ट्रेलिया आणि इटलीनंतर अमेरिकाही डीपसीकवर बंदी घालण्याचा विचार करत आहे. जर कोणी ते वापरताना आढळले तर त्याला मोठा दंड आणि तुरुंगवासाची शिक्षा भोगावी लागू शकते. डीपसीक ही एक चिनी स्टार्टअप आहे.

DeepSeek चा वापर केल्यास होणार 20 वर्षांचा तुरुंगवास! या देशाने घेतला मोठा निर्णय, जाणून घ्या सविस्तर

Follow Us:

Follow Us:

यूएस नेव्ही, इटली, आयर्लंड आणि ऑस्ट्रेलिया या देशांनी आतापर्यंत चीनचा AI चॅटबोट असलेल्या DeepSeek वर बंदी घातली आहे. यानंतर आणखी एका देशाने DeepSeek वर बंदी घालण्याचा निर्णय घेतला आहे. त्यामुळे आता DeepSeek ला अनेक अडचणींचा सामना करावा लागाणार आहे. कारण काही दिवसांपूर्वीच DeepSeek ने चॅटजीपीटीपेक्षा अव्वल स्थान गाठलं होतं. मात्र आता अनेक देशांमधील बंदीमुळे DeepSeek ला मोठं नुकसान सहन करावं लागणार आहे.

DeepSeek चं काळ सत्य उघड! चीन सरकारला पाठवला जातोय सर्व डेटा, नेमकं प्रकरण काय?

काही दिवसांपूर्वीच चीनचा AI चॅटबोट असलेल्या DeepSeek ने अमेरिकेत चॅटजीपीटीला मागे टाकलं होतं. त्यानंतर आता अमेरिकेतच DeepSeek वर बंदी घालण्याचा विचार केला जात आहे. अहवालानुसार, काही अमेरिकन कायदेकर्त्यांनी सरकारी उपकरणांमध्ये चिनी एआय चॅटबॉट्सच्या वापरावर बंदी घालण्यासाठी एक विधेयक मांडले आहे.अनेक अमेरिकन सिनेटर सरकारी उपकरणांवर या चिनी एआय चॅटबॉटवर बंदी घालणारा कायदा आणण्याचा प्रयत्न करत आहेत. जर कोणी DeepSeek वापरताना आढळले तर त्याला दंड होऊ शकतो आणि तुरुंगातही जावे लागू शकते. (फोटो सौजन्य – Pinterest)

विधेयकात काय म्हटलं आहे?

अहवालानुसार, अमेरिकेत DeepSeek एआयवर बंदी घालण्याची योजना आहे. जर हा कायदा लागू झाला तर DeepSeek वापरणाऱ्यांना तुरुंगवास आणि मोठा दंड होऊ शकतो. द इंडिपेंडेंटच्या वृत्तानुसार, जर हे विधेयक मंजूर झाले आणि कोणीही DeepSeek वापरताना आढळले तर त्यांना 10 लाख डॉलर्स (सुमारे 6.5 कोटी रुपये) पर्यंत दंड होऊ शकतो. एवढेच नाही तर या नियमाचे उल्लंघन करणाऱ्याला 20 वर्षांपर्यंत तुरुंगवासही होऊ शकतो. विधेयकानुसार, डीपसीकच्या वापरावर केवळ सरकारी उपकरणांवरच नव्हे तर खाजगी कंपन्यांमध्येही बंदी घातली जाण्याची शक्यता आहे. जर कोणत्याही कंपनीने या एआयचा वापर केला तर तिला 100 दशलक्ष डॉलर्स (सुमारे 8 अब्ज रुपये) पर्यंत दंड भरावा लागू शकतो.

अमेरिकेच्या या निर्णयाचं कारण काय?

चीनी अ‍ॅप अमेरिकन नागरिकांचा डेटा चीनी सरकारला देतात, असा आरोप केला जात आहे. याच आरोपमुळे अमेरिकेन यापूर्वी चीनी अ‍ॅप टीकटॉकवर बंदी घातली आहे आणि पुन्हा एकदा त्याच कारणामुळे चीनचा AI चॅटबोट DeepSeek वर बंदी घालण्याचा विचार केला जात आहे. अमेरिकन सरकारचा असा विश्वास आहे की DeepSeek एआय अमेरिकन नागरिकांचा डेटा चीनी सरकारला देऊ शकते.

हे विधेयक अमेरिकेचे रिपब्लिकन सिनेटर जोश हॉली यांनी मांडले आहे. त्यांनी DeepSeek एआयच्या सुरक्षा, गोपनीयता आणि नीतिमत्तेबद्दल गंभीर प्रश्न उपस्थित केले आहेत. त्यामुळे आता लवकरच टीकटॉकप्रमाणे DeepSeek देखील अमेरिकेत बॅन केला जाण्याची शक्यता आहे.

इटलीनंतर ‘या’ देशानेही DeepSeek AI वर घातली बंदी, आता सरकारी डिव्हाईसमध्ये नाही होणार वापर

ऑस्ट्रेलियाने अलिकडेच सर्व सरकारी प्रणाली आणि उपकरणांमधून DeepSeek एआय काढून टाकण्याचे आदेश दिले आहेत. याशिवाय यूएस नेव्हीने देखील त्यांच्या कर्मचाऱ्यांना DeepSeek चा वापर करण्यास मनाई केली आहे. एवढेच नव्हे तर इटली आणि आयर्लंडने देखील DeepSeek वर बंदी घातली आहे. त्यामुळे अमेरिकेपूर्वी अनेक देशांनी DeepSeek वर बंदी घालण्याचा निर्णय घेतला आहे. शिवाय भारत सरकारने त्यांच्या कर्मचाऱ्यांना DeepSeek आणि चॅटजीपीटीचा वापर करण्यावर बंदी घातली आहे.

Web Title: Tech news us is planning to ban deepseek for government devices know in details

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com