विराट कोहलीपासून ते सचिन तेंडुलकरपर्यंत, या भारतीय क्रिकेटपटूंची आहेत स्वतःची रेस्टॉरंट्स, कुटुंबासह जरूर भेट द्या

जर तुम्ही क्रिकेटचे चाहते असाल तर आम्ही तुम्हाला अशा रेस्टॉरंट्सबद्दल सांगणार आहोत ज्यांचे मालक प्रसिद्ध भारतीय क्रिकेटर्स आहेत. इथे तुम्ही आपल्या कुटुंबासह उत्कृष्ट जेवणाचा आस्वाद घेऊ शकता.

भारतीयांचे क्रिकेटसाठीचे वेड काही लपून राहिले नाही. जगभर क्रिकेटचे सामने रंगतात आणि चाहते फार आवडीने ते पाहतात. मात्र तुम्हाला माहिती आहे का? मैदानावर आपली कामगिरी फत्ते करणारे क्रिकेटपटू प्रसिद्ध रेस्टॉरंटचेही मालक आहेत. जर तुम्ही क्रिकेटचे चाहते असाल आणि खाण्यापिण्याचे शौकीन असाल तर तुम्ही या रेस्टॉरंट्सना एकदा तरी नक्कीच भेट द्यायला हवी. हे रेस्टॉरंट स्वतः क्रिकेटपटूंनी उघडले आहेत. येथे तुम्ही तुमचे कुटुंब आणि मित्रांसोबत लंच आणि डिनरसाठी जाऊ शकता आणि अप्रतिम स्वादाचा आनंद लुटू शकता. आम्ही तुम्हाला सांगतो, क्रिकेट चाहत्यांना इथे यायला फार आवडते. चला तर मग यात यादीत कोणाकोणाचा समावेश आहे ते जाणून घेऊया.

Flower Pot Of India: एक अशी जागा जिचा तुम्ही कधी स्वप्नातही विचार नसेल; हजारो फुलांच्या सानिध्यात जणू स्वर्गच वसे इथे…

One8 Commune

टीम इंडियाचा महान फलंदाज आणि माजी कर्णधार विराट कोहलीच्या नावावर एक प्रसिद्ध रेस्टॉरंट आहे, ज्याचे नाव One8 Commune असे आहे. हे रेस्टॉरंट 2017 मध्ये सुरू झाले होते. दिल्ली, मुंबई, बंगळुरू, पुणे, हैदराबाद, कोलकाता यांसारख्या भारतातील मोठ्या शहरांमध्ये या रेस्टॉरंटचे अनेक आऊटलेट्स उघडले आहेत. अलीकडेच नोएडा आणि इंदूरमध्ये रेस्टॉरंटच्या नवीन शाखा सुरू झाल्या आहेत. तुम्ही इथे चांगला वेळ घालवू शकता.

डाइन फाइन रेस्टॉरंट

पुणे शहरात झहीर खानचे ‘डाईन फाइन’ नावाचे रेस्टॉरंट वसले आहे, इथे तुम्ही अनेक चविष्ट पदार्थांचा आस्वाद घेऊ शकता. हे रेस्टॉरंट 2005 मध्ये सुरू झाले होते. तेव्हापासून आजतागायत या रेस्टॉरंटने खाद्यप्रेमींमध्ये एक खास ओळख निर्माण केली आहे. आम्ही तुम्हाला सांगतो, काही वर्षांनंतर, रेस्टॉरंटमध्ये उत्तम जेवणाच्या वातावरणासह स्पोर्ट्स बार सेटअपचेही उद्घाटन करण्यात आले.

एलेवन्स रेस्टॉरंट

माजी क्रिकेटपटू आणि महान फलंदाज कपिल देव यांचे पाटण्यात ‘इलेव्हन्स’ नावाचे स्वतःचे रेस्टॉरंट आहे. क्रिकेट थीमवर आधारित या ठिकाणी लोकांची मोठी गर्दी जमते. तुम्ही तुमच्या कुटुंबासह किंवा मित्रांसह येथे उत्कृष्ट जेवणाचा आनंद घेऊ शकता. या रेस्टॉरंटमध्ये भारतीय, पॅन आशियाई आणि कॉन्टिनेंटल यांसारखे पदार्थ उपलब्ध आहेत.

Jaddu’s Food Field

रवींद्र जडेजाने गुजरात शहरात ‘जड्डूज फूड फील्ड’ हे रेस्टॉरंट उघडले आहे. हे रेस्टॉरंट राजकोटमध्ये वसले आहे, हे रेस्टॉरंट क्रिकेटप्रेमींसाठी आवडते हँगआउट पॉइंट आहे. या रेस्टॉरंटमध्ये भारतीय, थाई, चायनीज, मेक्सिकन आणि इटालियन अशा पदार्थांचा आस्वाद घेतला जाऊ शकतो.

Travel: जगाच्या कोपऱ्यात वसलंय एक रहस्यमयी गाव, इथे जाताच गायब होतात लोक; सरकारनेही केलेत हात वर

तेंडुलकर

क्रिकेटचा देव मानला जाणारा सचिन तेंडुलकरने मुंबईत काही ठिकाणी आपल्या ‘तेंडुलकर’ या रेस्टॉरंटच्या अनेक शाखा उघडल्या आहेत. अलीकडेच त्यांनी बंगळुरूमध्ये दोन ठिकाणी त्यांचे आऊटलेट्स उघडले आहेत. या रेस्टॉरंटची सर्वात खास गोष्ट म्हणजे आतील भागात तुम्ही क्रिकेटच्या इतिहासाची झलक पाहू शकता आणि उत्तम जेवणाचा आनंद घेऊ शकता.