शाळेत चिमुकलींवर अत्याचार, आंदोलनाला हिंसक वळण

बदलापुरातील अल्पवयीन मुलीच्या अत्याचार प्रकरणी शहरात बंद पुकारण्यात आला होता मात्र अचानक या बंदला हिंसक वळण प्राप्त झालं आहे. संतप्त झालेल्या नागरिकांनी शाळेच गेट तोडून शाळेमध्ये प्रवेश केला आणि शाळेतील वस्तूंची नासधूस केली. शाळेला आतल्या बाजूस असलेल्या संरक्षण भिंत देखील तोडून संतप्त आंदोलकांनी थेट शाळेत प्रवेश करून शाळेतील वस्तूंची तोडफोड केली यावेळी पोलिसांनी त्यांना अडवण्याचा प्रयत्न केला मात्र जमाव नियंत्रणाच्या बाहेर गेल्याने पोलिसांनादेखील हे आवरणं शक्य झालं नाही.