Vijay Kumbhar : माजी मंत्री अब्दुल सत्तार यांनी शासकीय अनुदान लाटल्याचा गंभीर आरोप | Marathi News

Follow Us:

माजी मंत्री अब्दुल सत्तार यांनी मंत्रिमंडळाच्या बैठकीत मंजूर न झालेला प्रस्ताव मंजूर असल्याचे भासवून शासकीय अनुदान लाटल्याचा गंभीर आरोप माहिती अधिकारी कार्यकर्ते विजय कुंभार यांनी केला आहे. या आरोपांमुळे उपमुख्यमंत्री एकनाथ शिंदे यांच्या नेतृत्वातील मंत्रिमंडळातील सदस्य आणि शिवसेनेचे नेते अब्दुल सत्तार यांच्या अडचणींत चांगलीच वाढ होण्याची शक्यात आहे. मंत्रिमंडळाच्या बैठकीत मंजूर न झालेला प्रस्ताव मंजूर असल्याचे भासवून शासकीय अनुदान लाटले आहे. धार्मिक अल्पसंख्याक विद्यार्थ्यांसाठीच्या योजनेंतर्गत, 2015 पासून 2 लाख रुपये वार्षिक अनुदान दिले जात होते. तथापि, 4 ऑक्टोबर 2024 रोजी झालेल्या बैठकीत अनुदान वाढीबाबत कोणताही प्रस्ताव नव्हता, तरीही तो प्रस्ताव मंजूर झाल्याचे भासवून 7 ऑक्टोबर रोजी अनुदान 10 लाख रुपयांपर्यंत वाढवले गेले आणि 16 शाळांना मंजूरही झाले. या शाळांचा संबंध अब्दुल सत्तार यांच्याशी असल्याचा संशय असून, संपूर्ण प्रक्रिया अवघ्या 6 दिवसांत पूर्ण करण्यात आली. हे प्रकरण बेकायदेशीर असल्याने संपूर्ण चौकशी करून जबाबदार अधिकाऱ्यांवर कारवाई करण्याची मागणी माहिती अधिकार कार्यकर्ते विजय कुंभार यांनी केली आहे.