सोमवार, 26 ऑक्टोबर 2026
Viral Video: (फोटो सौजन्य- सोशलमीडिया)
Boy Helps Sick Mother: आई घरात आजारी पडली की संपूर्ण घराचं गणितच बिघडतं. रोज सकाळी उठून सगळ्यांसाठी डबा, नाश्ता, जेवण बनवणारी आई जेव्हा अंथरुणाला असते, तेव्हाच तिची खरी किंमत समजते. अशावेळी जर घरातल्या मुलाने पुढे येऊन म्हणावं की, “आई तू आराम कर, आजचं जेवण मी बनवतो,” तर त्यापेक्षा अधिक आनंदाचा क्षण आईसाठी कोणताच नसेल. असाच एक व्हिडिओ सध्या सोशल मीडियावर प्रचंड व्हायरल होत असून लोकांच्या मनाला भिडत आहे.
आई आजारी असताना 14 वर्षाच्या मुलाने किचन सांभाळावा, त्यांची पूर्ण जबाबदारी घेतली आणि संपूर्ण जेवण तयार केले. त्याच्या या कृतीचा व्हिडिओ त्याच्या आईनेच सोशल मीडियावर शेअर करत सगळीकडून त्याच्यावर कौतुकाचा वर्षाव होत आहे. Viral Video:
हा व्हिडिओ निशा तनवर नावाच्या महिलेने तिच्या इंस्टाग्रामवर शेअर केला आहे. व्हिडिओमध्ये तिचा 14 वर्षांचा मुलगा रूचित किचनमध्ये पीठ मळताना दिसत आहे. निशाने सांगितलं की तिला खूप सर्दी, खोकला झाला होता, खूप थकवा आणि अशक्तपणा जाणवतं होता.
बेडवरुन उठणं पण कठीण वाटत होतं. अशा वेळी रूचितने स्वतःहून पुढे येऊन “मी करतो” असं सांगितलं. व्हिडिओत तो अगदी सफाईदारपणे पीठ मळतोय, चपात्या लाटतोय. बघून वाटतच नाही की तो पहिल्यांदाच किचनमध्ये आलाय.
Katihar Viral Video : बिहारच्या कटिहारमधील दसरा जत्रेत अपघात: ‘ब्रेक डान्स’ राईडवरून प्रवासी खाली
रूचितच्या आईने सांगितलं की, रूचितला फक्त पीठ मळताच येत नाही, तर त्याला चपात्या पण छान बनवता येतात. एवढंच नाही तर तो भाजी पण बनवायला शिकतोय. हळूहळू तो किचनमधली बाकीची कामं पण शिकतोय. त्याच्यासाठी किचनमध्ये जाणं हे काही नवीन नाही, तो आधीपासूनच आईला मदत करत असतो.
आपल्याकडे अजूनही बऱ्याच घरांमध्ये असं चित्र असतं की मुलींना लहानपणापासूनच किचनची कामं शिकवली जातात, पण मुलांना मात्र लांब ठेवलं जातं. “तू हे करु नको ताई करेल तू कशाला किचनमध्ये आलास” हे असं अनेकदा महिला आपल्या मुलांना सांगतात.
घरकाम करणं ही काही लाजेची गोष्ट नाही. स्वतःच्या घराची जबाबदारी घेणं, आईला मदत करणं यातच खरं मोठेपण आहे. घर फक्त आईचं किंवा बहिणीचं नसतं, ते घरात राहणाऱ्या प्रत्येकाचं असतं. त्याची काळजी घेणं पण प्रत्येकाचं काम आहे.
हा व्हिडिओ व्हायरल झाल्यावर लोकांनी रूचितचं नाही तर त्याच्या आईचे पण खूप कौतुक केलं. कारण मुलावर असे संस्कार करणं सोपं नाही. मुलाला लहानपणापासूनच सगळी कामं शिकवणं, मुलगा-मुलगी असा भेदभाव न करणं हे त्या आईने केलं आहे. कमेंटमध्ये लोक म्हणत आहेत की, “प्रत्येक आईने आपल्या मुलाला असंच शिकवलं पाहिजे.” मुलीप्रमाणे मुलांना देखील घरातल्या कामांमध्ये विशेषत:हा किचन सांभाळला दिला गेला पाहिजे.”
खरंच, या छोट्या व्हिडिओने समाजाला एक खूप मोठा संदेश दिला आहे. मुलांनाही स्वयंपाक शिकवा, त्यांना घरकामाची सवय लावा. उद्या ते एकटे राहिले तरी त्यांना कोणावर अवलंबून राहावं लागणार नाही आणि घरच्यांना मदत पण करता येईल. रूचितसारखी मुलं आजकाल खूप कमी बघायला मिळतात आणि म्हणूनच त्याचं कौतुक जास्त होत आहे.
