शनिवार, 17 ऑक्टोबर 2026
Viral Video: भारतात सहज मिळतो, पण अमेरिकेत चक्क (फोटो सौजन्य- सोशलमीडिया)
kokan_to_america पेजवरील व्हिडीओ सोशल मीडियावर तुफान व्हायरल.Curry Leaves Price in America: आपण नेहमी म्हणतो भारतात खूप महागाई वाढली आहे. भाज्या महाग झाल्या, सगळं महाग झालं. पण परदेशात वस्तू काही स्वस्त नाहीत. उलट भारतात जी गोष्ट 5-10 रुपयांना फुकट मिळते मात्र, परदेशात राहणाऱ्या व्यक्तींना त्याच भाज्यासाठी 4-5 डॉलर मोजावे वागतात. असाच एक व्हिडीओ सध्या सोशल मीडियावर खूप व्हायरल होत आहे आणि तो बघून सगळेच थक्क झाले आहेत.
हा व्हिडीओ kokan_to_america या इंस्टाग्राम पेजवर एका मराठी महिलेने शेअर केला आहे. ती महिला अमेरिकेत राहते आणि तिने तिथला आठवडी बाजार कसा असतो हे दाखवले आहे. व्हिडीओमध्ये दिसतंय त्या बाजारात आपल्यासारख्याच भाज्या कारली, भेंडी, वांगी, शेवग्याच्या शेंगा, पालक आहेत. भारतीय भाज्या फळांच्या स्टॉलवर सफरचंद, पेरू, डाळिंब, कलिंगड सगळी ताजी फळं पण आहेत.तिने भाजी घेतली, कोथिंबीर घेतली आणि नेहमीप्रमाणे आपल्या भारतीय सवयीनुसार तिने दुकानदाराला विचारलं, “काका, दोन काड्या कडीपत्ता फ्रीमध्ये द्याल का?” आपल्याकडे कोथिंबिरीसोबत कडीपत्ता फुकट देतातच. पण तिथे जे उत्तर मिळालं ते ऐकून तिला पण धक्का बसला.
दुकानदार सरळ म्हणाला, कडीपत्ता हवा असेल तर 4 डॉलर द्यावे लागतील म्हणजेच आपले जवळपास 350 रुपये आहेत. त्यानंतर दुकानदाराने तिला एक टोला मारला. तो म्हणाला की, “हे कॅलिफोर्नियाचं गोल्ड आहे.”
व्हिडिओ पाहून नेटकरी आवाक् झाले. हा व्हिडिओ हजारो लोकांनी बघितला आणि सगळे जण हेच बोलत आहेत की, भारतात कडीपत्ता कुणी विकतच घेत नाही. भाजीवालाच कोथिंबिरीसोबत मूठभर कडीपत्ता फुकट टाकून देतो. अनेकांच्या घराच्या अंगणात किंवा कुंडीत कडीपत्त्याचं झाड असतं. 10 रुपयात पिशवी भरून मिळतो. पण अमेरिकेत त्याच कडीपत्त्यासाठी 350 रुपये.खरं तर यामागचं कारण पण तसंच आहे. कडीपत्ता हा आपल्या भारतीय जेवणातला मुख्य भाग आहे. फोडणीत कडीपत्ता नसेल तर जेवणाला चवच येत नाही.
त्यामुळे भारतात त्याचं उत्पादन खूप मोठ्या प्रमाणात होतं. प्रत्येक शेताच्या बांधावर, घराच्या परसात कडीपत्त्याची झाडं असतात. त्यामुळे तो सहज मिळतो. पण अमेरिकेत त्याची गोष्ट वेगळी आहे. अमेरिकन लोकांच्या जेवणात कडीपत्त्याचा वापरच होत नाही. तो फक्त इंडियन स्टोअर किंवा आशियाई बाजारातच मिळतो. त्याला तिकडे आणण्यासाठी खर्च येतो, त्यामुळे त्याची किंमत आपोआप वाढते.
तिकडे कडीपत्ता फुकट मिळत नाही, त्यासाठी पैसे मोजावे लागतात.हा व्हिडीओ बघितल्यावर एक गोष्ट नक्की लक्षात येते की आपल्या भारतात ज्या गोष्टी आपल्याला अगदी सहज आणि स्वस्त मिळतात, त्यांची किंमत परदेशात किती जास्त आहे. त्या महिलेचा व्हिडीओ सध्या सगळीकडे चर्चेत आहे.
