मुलाचे नाव VIRAT अन सोहळ्यात RCB थीमचा जलवा! (Photo Credit- X)
संबंधित कुटुंब हे आरसीबी आणि विराट कोहलीचे मोठे चाहते आहेत. आपल्या लाडक्या मुलाचा नामकरण सोहळा अविस्मरणीय करण्यासाठी त्यांनी संपूर्ण कार्यक्रमाचे नियोजन आरसीबीच्या अधिकृत लाल आणि काळ्या (Red and Black) थीममध्ये केले होते. सजावटीपासून ते कपड्यांपर्यंत सर्व काही आरसीबीच्या रंगात रंगलेले दिसले. पालकांच्या मते, ते दोघेही आरसीबीचे ‘कट्टर’ समर्थक असून विराट कोहलीला आपला आदर्श मानतात, त्यामुळेच त्यांनी आपल्या मुलाचे नावही ‘विराट’ ठेवण्याचा निर्णय घेतला.
View this post on Instagram
हा रंजक व्हिडिओ gaurimahadik1 नावाच्या इंस्टाग्राम हँडलवरून शेअर करण्यात आला आहे. या व्हिडिओमध्ये एक अनोख्या पद्धतीने नाव जाहीर करताना दांपत्य दिसत आहे. मुलाचे नाव केवळ तोंडी न सांगता, त्यांनी आरसीबीची एक छोटी जर्सी उघडून त्यावर लिहिलेले ‘विराट’ हे नाव कॅमेऱ्यासमोर आणले. ही ‘रिव्हिलिंग’ स्टाईल सोशल मीडिया युजर्सच्या पसंतीस पडली असून, क्रिकेट प्रेमी या व्हिडिओवर प्रेमाचा वर्षाव करत आहेत.
रॉयल चॅलेंजर्स बेंगळुरूचे चाहते हे क्रिकेट जगतातील सर्वात निष्ठावान आणि कल्पक समर्थक मानले जातात. संघाचा विजय असो वा पराभव, फॅन्सची टीमप्रती असलेली भावना कधीच कमी होत नाही. कधी घराच्या भिंती आरसीबीच्या रंगात रंगवणे, तर कधी लग्नाच्या पत्रिकेत आरसीबीचा लोगो वापरणे, अशा अनेक घटना यापूर्वीही समोर आल्या आहेत. आता आपल्या मुलाचे नाव ‘विराट’ ठेवून या फॅन्सनी चाहत्यांच्या निष्ठेचा एक नवा अध्याय लिहिला आहे.
Viral News : …अन् फुकटात चहा प्या, गॅस टंचाईवर पुणेरी जुगाड; पाटी वाचून पोट धरुन हसाल
