रीलच्या नादात पवित्रतेची सीमारेषा ओलांडली? लाल साडी, हातात मडकं अन् महिलेने थेट स्मशानात जाऊन बनवली रील; Video Viral

Women Dance Video : व्हायरल होण्याच्या नादात महिलेने सर्व मर्यादा ओलांडल्या... लाल साडी, खुले केस अन् कलश हातात घेऊन बॉलिवूड गाण्यावर केला डान्स. युजर्स म्हणाले ताईंना भुतांसोबत रोमान्स करायचा आहे.

• लाल साडी घालून आणि अस्थिकलश हातात घेऊन महिलेने स्मशानात रील शूट केली.
• बॉलिवूड गाण्यावर डान्स करत तिने अनोखी रील बनवली जिला पाहून युजर्स थक्क झाले.
• पवित्र स्थळाचा अपमान केल्याच्या आरोपामुळे युजर्समध्ये प्रचंड संताप असून कमेंट सेक्शनमध्ये तीव्र प्रतिक्रिया उमटत आहेत.

सोशल मीडियावर दररोज अनेक व्हिडिओज व्हायरल होत असतात. स्वतःला व्हायरल करण्यासाठी लोक काय करतील याचा नेम नाही. पण यावेळी मात्र एका महिलेने हद्दच पार केली. पूर्वी लोकांना गार्डनमध्ये, मॉलमध्ये, मोकळ्या रस्त्यावर व्हिडिओ शूट करायला आवडत होते पण आता मात्र लोक काही ना काही विचित्र ठिकाणी रील बनवून लोकांचे व्युज मिळवू पाहतात. अलीकडे एका महिलेची रील सोशल मीडियावर प्रचंड व्हायरल होताना दिसून आली आहे. रीलमध्ये महिला लाल साडी घालून गाण्यावर डान्स करत आहे. इथपर्यंत सर्व सामान्य आहे पण महिलेचे या रीलसाठी जो लोकेशन निवडला तो सध्या चर्चेचा विषय बनला आहे. आम्ही तुम्हाला सांगतो की, महिलेने दुसऱ्या तिसऱ्या कोणत्या ठिकाणी नाही तर चक्क स्मशानभूमीत जाऊन रील शूट केली आहे.

हा कसला स्टंट! काही भेटलं नाही म्हणून स्वतःच्याच मैत्रिणीला लाथ मारत ट्रेनमधून लोटलं, दिल्ली मेट्रोचा Video Viral

काय घडलं व्हिडिओत?

व्हायरल व्हिडिओमध्ये महिला लाल साडी घालून अस्थिकलशासह एका “तेरी अदाओं पर मारती हूं” गाण्यावर डान्स करताना दिसते. सुंदर साडी, मेकअप आणि कलश घेऊन महिलेने केलेला डान्स लोकांचे लक्ष तर वेधतो पण शमशानाचे पवित्र न जपल्याने युजर्सच्या भावना दुखावतो. लोक व्हिडिओतील दृश्ये पाहून चांगलेच संतापले असून अनेकांनी कमेंट्समध्ये महिलेच्या या कृत्यावर आपला राग व्यक्त केला आहे. व्हिडिओमध्ये ही रील स्मशानात शूट झाल्याचा दावा करण्यात आला असला तरी कमेंट्समध्ये काहींनी ते स्मशान नसून सामान्य ठिकाण असल्याचे म्हटले आहे.

See more

इतकी वर्षे अज्ञात… जगापासून दूर असलेली अमेझॉनची रहस्यमय जमात प्रथमच कॅमेरात कैद, दृश्यांनी सोशल मीडियावर उडवली खळबळ; Video Viral

दरम्यान हा व्हिडिओ @sonarasania नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “आता ही काय शमशानात सर्वांना उठवूनच ऐकणार आहे” तर दुसऱ्या युजरने लिहिले आहे, “ताई तुला यासाठी दुसरी कोणती जागा नाही का मिळाली?” आणखीन एका युजरने लिहिले आहे, “तिला भुतांसोबत रोमान्स करायचा आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.