धक्कादायक! घराबाहेर उभ्या असलेल्या महिलेला गुंडांनी काठ्यांनी केली मारहाण, रक्तरंजित झाले शरीर अन् घटनेचे सीसीटिव्ही फुटेज Viral

Women Brutally Beaten In Shivpuri : भररस्त्यात काठ्यांनी महिलेवर हल्ला करण्यात आला ज्यात तिची प्रकृती गंभीर आहे. पोलिसांकडे तक्रार करुनही महिलेसोबत घडलेला हा प्रकार सुरक्षा आणि प्रशासनाच्या कारवाईवर गंभीर प्रश्न उपस्थित करतो.

• रात्रीच्या वेळी घडलेल्या एका धक्कादायक घटनेचा सीसीटीव्ही व्हिडिओ सोशल मिडियावर मोठ्या प्रमाणात व्हायरल झाला आहे.
• जुन्या वादातून निर्माण झालेल्या तणावाने अचानक हिंसक रूप घेतल्याने परिसरात भीतीचे वातावरण पसरले.
• घटनेनंतर सुरक्षा व्यवस्था आणि प्रशासनाच्या भूमिकेवर गंभीर प्रश्न उपस्थित केले जात आहेत.

मध्य प्रदेशच्या शिवपुरी परिसरातून एक धक्कादायक व्हिडिओ समोर आला आहे ज्यात काही लोक रस्त्यावर उभ्या असलेल्या महिलेला मारहाण करताना दिसून आले. बुधवारी या घटनेचा व्हिडिओ सोशल मिडियावर शेअर करण्यात आला होता ज्यानंतर काही क्षणातच त्याने लोकांचे लक्ष वेधून घेतले. व्हिडिओमध्ये काही लोक अचानक काठी घेऊन महिलेच्या दिशेने येतात. ती त्यांना प्रतिकार करेल याआधीच तिला जमिनीवर लोळवत काठीने तिच्यावर प्रहार केला जातो. हा सर्व प्रकार जवळच लावण्यात आलेल्या सीसीटिव्ही कॅमेरात कैद झाला आणि हेच फुटेज आता सोशल मिडियावर व्हायरल झाले आहे. चला घटनेविषयीची सविस्तर माहिती जाणून घेऊया.

हवेत अडकलेल्या 300 पर्यटकांसाठी जवान ठरले देवदूत! जीव धोक्यात घालून केलं थरारक रेस्क्यू; Video Viral

काय आहे प्रकरण?

व्हायरल व्हिडिओमध्ये आपण पाहू शकतो यात दिसते की, रात्रीच्या सुमारास महिला आपल्या घराबाहेर रस्त्यावर उभी असते. याचवेळी काही लोक तिच्या दिशेने काठी घेऊन येतात आणि महिलेला काही समजेल याआधीच ते तिला काठाने मारायला सुरुवात करतात. एक व्यक्ती महिलेच्या डोक्यावर काठीने प्रहार करतो ज्यानंतर ती जमिनीवर पडते. महिला वेदनेने कळवळत त्यांच्याकडे दयेची विनवणी करते पण कुणीही तिच काही ऐकत नाही आणि एकामागून एक तिच्यावर काठीने प्रहार केला जातो. या घटनेत महिलेला गंभीर दुखापत झाल्याची माहिती आहे.

मध्य प्रदेश के शिवपुरी से एक वीडियो वायरल हो रहा है. जिसमें दबंग गुंडे लड़की को पीट पीट कर मरणासन्न अवस्था में कर दिए हैं।
लड़की का नाम आरती प्रजापति बताया जा रहा है। सुना है शिवपुरी जिले में नई एसपी साहिबा आयीं हैं।
जिन्हें लेडी सिंघम के नाम से जाना जाता है. pic.twitter.com/lUGWI1YEtu — Arun Banpuri (@BanpuriArun) May 27, 2026

गोव्याच्या फ्लाईटमध्ये प्रियकराचा गेम ओव्हर! एकाच प्रवासात समोर आल्या तीन गर्लफ्रेंड्स, विमानातच सुरु झाला गोंधळ; Video Viral

पिडित महिलेचे नाव आरती प्रजापती असून तिला या मारहाणीनंतर रुग्णालयात दाखल करण्यात आले आहे. या हाणामारीचे मूळ कारण हे जुने वैर असल्याचे स्पष्ट झाले आहे. माहितीनुसार, आरतीने अलिकडेच आरोपींवर गंभीर आरोप केले होते. तिने प्रशासनाकडे आपल्या जीवाला धोका असल्याची भिती व्यक्त केली होती. ज्या लोकांची तिला भिती होती त्याच लोकांनी तिला मारहाण केल्याचे समोर आले आहे. या घटनेचा व्हिडिओ व्हायरल होताच लोकांनी आता तीव्र संताप व्यक्त केला आहे. तक्रार करुनही महिला भीषण हल्ल्याची बळी पडली ज्यामुळे सुरक्षा व्यवस्था आणि प्रशासनाच्या कारवाईवर गंभीर प्रश्नचिन्ह उपस्थित होत आहेत. सध्या पोलिस या घटनेचा तपास करत असून आरोपींवर लवकरात लवकर कायदेशीर कारवाई होण्याची आशा आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.