ऑस्ट्रेलियाच्या पंतप्रधानांनी 62 व्या वर्षी थाटला संसार; 17 वर्षांनी लहान मुलीशी केले लग्न (फोटो सौजन्य: सोशल मीडिया)
पंतप्रधान अँथनी अल्बानीज यांनी २०२४ मध्ये व्हॅलेंटाईन डे दिवशी जोडी हेडनला प्रपोज केले होते. दरम्यान त्यांनी शनिवारी कॅनबेरा येथे लग्नगाठ बांधली. अल्बानवीज यांनी जेव्हा जोडी हेडनला प्रपोज केले होते, तेव्हा त्यांनी जाहीर केले की, त्यांना तो जोडीदार सापडला आहे, जो आयुष्यभर त्यांच्यासोबत राहू इच्छितो. अल्बानीज पाच वर्षांपूर्वी एका बिझनेस ट्रिपदरम्यान जोडी हेडनला भेटले होते. तेव्हा दोघांच्या मैत्री झाली आणि नंतर मैत्रीचे प्रेमात रुपांतर झाले. अल्बानीज यांचे हे दुसरे लग्न आहे.
४५ वर्षीय जोडी हेडन या पेशाने वकिल आहेत. त्या ऑस्ट्रेलियाच्या वित्तीय सेवा व्यावसायिक आणि महिलांच्या हक्कांसाठी लढणाऱ्या वकिल म्हणून ओळखल्या जातात. त्यांनी बँकिंग आणि वित्त कंपन्यांसाठी विष वर्षे काम केले आहे. सध्या त्या धोरणात्मक नेतृत्त्वामध्ये भूमिका बजावताना दिसता. २०२२ मध्ये त्यांची महिला अधिकारी म्हणून म्हणून नियुक्ती झाली आहे. तसेच त्यांनी यापूर्वी NSW पब्लिक सर्व्हिस असोसिएशनची युनियन डेलिगेट म्हणून काम पाहिले आहे.
अशी आहे अल्बानीज आणि हेडनची प्रेमकहाणी
अल्बानीज आणि हेडन यांची मार्च २०२० मध्ये मेलबर्न येथे एका बिझनेस डिनरमध्ये ओळख झाली होती. हेडन यांनी २०२२ आणि २०२५ च्या ऑस्ट्रेलियान संघीय निवडणूकीदरम्यान अल्बानीज यांना आपला पाठिंबा दिला होता. दोघांमध्ये सुरुवातील मैत्री होती. दरम्यान २०२४ मध्ये अल्बानीज यांनी हेडनला व्हॅलेंटाईन डे दिवशी प्रपोज केले. नंतर दोघेही २९ नोव्हेंबर २०२५ रोजी विवाहबद्ध झाले.
अल्बानीज यांचे यापूर्वी देखील लग्न झाले आहे. त्यांनी NSW च्या माजी अध्यक्षा कार्मेल टेब्बट यांच्यासी लग्न केले होते. जवळपास २० वर्षे दोघांनी संसार थाटला, परंतु काही कारणास्तव २०१९ मध्ये दोघे वेगळे झाले. पंतप्रधान अँथनी अल्बानीज यांना त्यांच्या पहिल्या पत्नीपासून नाथन नावाचा एक मुलगा आहे.
Married💍❤️💍 pic.twitter.com/mSzojtBF2I — Anthony Albanese (@AlboMP) November 29, 2025
जागतिक व्यासपीठावर नवे टेक-त्रिकुट! भारत-ऑस्ट्रेलिया-कॅनडाची ACITI भागीदारीची मोठी घोषणा
