बांगलादेश ISKCON वाद विकोपाला; सचिव बेपत्ता, चिन्मय दासांना प्रसाद देण्यासाठी गेलेल्या दोन हिंदूंनाही अटक

चिन्मय कृष्ण दासच्या अटकेचा वाद शमला नाही तोच कोलकाता इस्कॉनचे उपाध्यक्ष राधारमण दास यांनी दावा केला आहे की चिन्मय दाससाठी प्रसाद घेऊन गेलेल्या दोन भाविकांना मंदिरात परतताना अटक करण्यात आली.

बांगलादेश ISKCON वाद विकोपाला; सचिव बेपत्ता, चिन्मय दासला प्रसाद देण्यासाठी गेलेल्या दोन हिंदूंनाही अटक ( फोटो सौजन्य : सोशल मीडिया)

Follow Us:

Follow Us:

ढाका : बांगलादेशमध्ये अटक करण्यात आलेल्या चिन्मय कृष्णा दासवर इस्कॉनने आपली भूमिका स्पष्ट केली आहे. बांगलादेशी हिंदू संत चिन्मय कृष्ण दास यांना पाठिंबा देत असल्याचे इस्कॉनने आधीच सांगितले आहे. कोलकाता इस्कॉनचे उपाध्यक्ष राधारमण दास यांनी चिन्मय दासचा सचिव बेपत्ता असल्याचा दावा केला असताना चिन्मय कृष्ण दासच्या अटकेचा वाद शमला नाही, तर दोन भाविक त्यांना प्रसाद देण्यासाठी जात होते, ज्यांना बांगलादेश पोलिसांनी ताब्यात घेतले आहे. चिन्मय कृष्ण दासच्या अटकेचा वाद शमला नाही तोच कोलकाता इस्कॉनचे उपाध्यक्ष राधारमण दास यांनी दावा केला आहे की चिन्मय दाससाठी प्रसाद घेऊन गेलेल्या दोन भाविकांना मंदिरात परतताना अटक करण्यात आली असून चिन्मय दासचा सचिवही बेपत्ता आहे.

सोशल मीडिया प्लॅटफॉर्म X वर पोस्ट करत त्यांनी लिहिले की, एक वाईट बातमी आली आहे. चिन्मय दाससाठी प्रसाद घेऊन गेलेल्या दोन भाविकांना मंदिरात परतत असताना अटक करण्यात आली असून चिन्मय दासचा सचिवही बेपत्ता आहे.

इस्कॉनशी संबंधित 17 लोकांची बँक खाती गोठवली

बांगलादेशच्या आर्थिक अधिकाऱ्यांनी इस्कॉनचे माजी सदस्य चिन्मय कृष्ण दास आणि संस्थेशी संबंधित 17 इतर लोकांच्या बँक खात्यांमधून 30 दिवसांसाठी व्यवहारांवर बंदी घातली आहे. मीडिया रिपोर्ट्सनुसार, बांगलादेश फायनान्शियल इंटेलिजेंस युनिट (BFIU) ने ही कारवाई केली आहे.

जागतिक बातम्या वाचण्यासाठी येथे क्लिक करा : पुतिनच्या इशाऱ्यामुळे भयंकर नरसंहार इंग्लंडपर्यंत पोहोचणार; 32 देशांचे धाबे दणाणले, वाचा सविस्तर

चिन्मय कृष्ण दास याला या आठवड्यात देशद्रोहाच्या आरोपाखाली अटक करण्यात आली होती. त्याच्यासह अन्य 18 जणांविरुद्ध चितगावमधील कोतवाली पोलिस ठाण्यात 30 ऑक्टोबर रोजी गुन्हा दाखल करण्यात आला होता. न्यू मार्केट परिसरात हिंदू समाजाच्या रॅलीदरम्यान बांगलादेशच्या राष्ट्रध्वजाचा अवमान झाल्याचा आरोप आहे.

प्रकरणाची सुरुवात कशी झाली?

चितगाव येथे ‘सनातन जागरण जोत’चे प्रवक्ते चिन्मय कृष्ण दास यांच्यावर देशद्रोहाचा गुन्हा दाखल करण्यात आला आहे. गेल्या महिन्यात भगवा ध्वज फडकावून बांगलादेशच्या राष्ट्रध्वजाचा अपमान केल्याचा आरोप त्यांच्यावर आहे. यानंतर, हिंदू समुदायाच्या निषेधाच्या पार्श्वभूमीवर, दास यांना मंगळवारी चितगाव न्यायालयात हजर करण्यात आले, तेथून त्यांची रवानगी तुरुंगात करण्यात आली.

जागतिक बातम्या वाचण्यासाठी येथे क्लिक करा : बांगलादेशातील ISKCON वर मोठी अपडेट ; चिन्मय कृष्णासह 17 जणांची बँक खाती गोठवली

न्यायालयाच्या आवारात दासच्या हजेरीदरम्यान हिंसाचार झाला, परिणामी 32 वर्षीय वकील सैफुल इस्लाम अलिफ यांचा मृत्यू झाला. या घटनेनंतर कट्टरतावादी गट वकिलाच्या मृत्यूसाठी दास यांच्या समर्थकांना जबाबदार धरत आहेत. दुसरीकडे, इस्कॉन आणि इतर हिंदू संघटनांनी हे आरोप फेटाळून लावले असून न्यायालयाच्या आवारातील हिंसाचारात एकाही हिंदूचा सहभाग नसल्याचे स्पष्ट केले आहे. सध्या या प्रकरणामुळे बांगलादेशातील धार्मिक आणि सामाजिक तणाव आणखी वाढतो आहे.

Web Title: Bangladesh iskcon controversy escalates secretary goes missing two hindus who went to offer prasad to chinmaya das arrested nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com