Bilawal Bhutto threatens Indus water or Indian blood
Bilawal Bhutto Indus threat : जम्मू आणि काश्मीरमधील पहलगाम येथे घडलेल्या क्रूर दहशतवादी हल्ल्यानंतर भारताने पाकिस्तानविरोधात कठोर पावले उचलण्यास सुरुवात केली आहे. यात सर्वात मोठा निर्णय म्हणजे सिंधू नदी कराराचा एकतर्फी स्थगिती. या पार्श्वभूमीवर पाकिस्तानमध्ये मोठा खवळलेला सूर निर्माण झाला असून, पाकिस्तान पीपल्स पार्टीचे अध्यक्ष बिलावल भुट्टो यांनी चिथावणीखोर आणि बेताल वक्तव्ये करत भारताला थेट धमकी दिली आहे.
जम्मू-काश्मीरच्या पहलगाम परिसरात झालेल्या दहशतवादी हल्ल्यात २६ निष्पाप नागरिकांचे बळी गेले. दहशतवाद्यांनी हे पर्यटक त्यांच्या धर्मावरून ओळखून निवडकपणे ठार केले, ही बाब अतिशय संतापजनक आणि अमानवी आहे. या हल्ल्याला पाकिस्तानपुरस्कृत दहशतवाद कारणीभूत असल्याचे मानून भारत सरकारने तातडीने कठोर निर्णय घेतले. यामध्ये सिंधू पाणी करार थांबवणे, पाकिस्तानसोबतचे काही प्रकल्प स्थगित करणे यांचा समावेश आहे.
या घडामोडींनंतर पाकिस्तानकडून प्रतिक्रिया येणे अपेक्षित होतेच, पण बिलावल भुट्टोंची भाषा अत्यंत आक्षेपार्ह ठरली आहे. त्यांनी ट्विटरवर लिहिले की, “भारताने सिंधू पाणी करार एकतर्फी थांबवला असून, त्यांनी स्पष्ट मान्य केले आहे की सिंधू आमची आहे. मी सुक्कुर येथे उभा राहून सांगतो की सिंधू आमची आहे आणि आमचीच राहील – मग या सिंधूमध्ये पाणी वाहो वा रक्त.”
हे विधान केवळ भडकावणारे नसून द्वेषजन्य आणि युद्धाची भाषा बोलणारे आहे, असे आंतरराष्ट्रीय तज्ज्ञांचे म्हणणे आहे. भारताने मात्र शांतपणे या वक्तव्याकडे दुर्लक्ष करत, आपल्या राष्ट्रीय सुरक्षेच्या धोरणांवर लक्ष केंद्रीत केले आहे.
जागतिक घडामोडी संबंधित बातम्या वाचण्यासाठी येथे क्लिक करा : ‘अमेरिकेचा पाठिंबा कुणाला? ‘ Tammy Bruce यांच्या उत्तराने पाकिस्तानच्या पत्रकाराची बोलतीच बंद
सिंधू करारावर भारताने आक्रमक पवित्रा घेतल्यानंतर पाकिस्तान सरकारने पंजाब प्रांतातील वादग्रस्त चोलिस्तान कालवा प्रकल्प तात्पुरता थांबवला आहे. या प्रकल्पाचे उद्घाटन लष्करप्रमुख असीम मुनीर आणि मुख्यमंत्री मरियम नवाज यांनी केले होते. मात्र, सिंध प्रांतातील जनतेने आणि पाकिस्तान पीपल्स पार्टीने या प्रकल्पाला विरोध दर्शवला होता, कारण सिंधमध्ये आधीच पाण्याची टंचाई आहे आणि या प्रकल्पामुळे ती आणखी गंभीर होणार आहे.
या प्रकरणामुळे पाकिस्तानच्या अंतर्गत राजकीय व सामाजिक मतभेद उघड झाले आहेत. केंद्रातील पीएमएल-एन सरकार आणि पीपीपी यांच्यात तणाव निर्माण झाला असून, सिंध प्रांतातील आंदोलने उग्र रूप घेत आहेत.
“میں آپ سب کو مبارک باد پیش کرتا ہوں کہ جس مقصد کیلئے پاکستان پیپلز پارٹی کے کارکن احتجاج کررہے تھے، شاہراہوں سے لے کر ایوان تک کہ ہمیں سندھو پر نئی نہریں منظور نہیں ہیں۔ کل وزیر اعظم سے ملاقات میں یہ بات طے ہوچکی کہ آپ کی مرضی کے بغیر کوئی نئی نہر نہیں بنے گی۔ یہ پرامن جمہوری… pic.twitter.com/I8sF0IFLXh — PPP (@MediaCellPPP) April 25, 2025
credit : social media
भारताने सिंधू पाणी कराराचा वापर राजकीय दबाव निर्माण करण्यासाठी नव्हे, तर राष्ट्रीय सुरक्षेसाठी आवश्यक निर्णय म्हणून केला आहे. भारताने हे करारविषयक निर्णय आंतरराष्ट्रीय कायद्याच्या चौकटीत घेतले असून, जागतिक समुदायही पाकिस्तानमधील वाढता दहशतवाद आणि भारताच्या संयमित पण कठोर प्रतिसादाची दखल घेत आहे.
जागतिक घडामोडी संबंधित बातम्या वाचण्यासाठी येथे क्लिक करा : पहलगाम दहशतवादी हल्ल्यावर न्यू यॉर्क टाईम्सचा वादग्रस्त अहवाल; अमेरिकन समितीकडून तीव्र प्रतिक्रिया
बिलावल भुट्टोंच्या ‘रक्ताच्या’ भाषेने पाकिस्तानची आंतरराष्ट्रीय प्रतिमा अजूनच मलीन झाली आहे. भारताने मात्र ठाम आणि शिस्तबद्ध धोरण राबवत, दहशतवादाला कोणतीही सहनशीलता न दाखवण्याचा निर्णय घेतला आहे. सिंधूवरून निर्माण झालेला हा संघर्ष केवळ जलनीतीचा नव्हे, तर राष्ट्रीय अस्मिता आणि सुरक्षिततेचा प्रश्न बनला आहे. पुढील काळात या संघर्षाचे आंतरराष्ट्रीय परिणामही उमटण्याची शक्यता नाकारता येत नाही.
.png "Videos"){kind=small}
