राष्ट्रीय सुरेक्षसाठी ग्रीनलॅंड खरेदी करण्याचा ट्रम्पचा प्रस्ताव; पंतप्रधान म्यूट एगेडे यांचा तीव्र विरोध म्हणाले, ‘आम्ही बिकाऊ…

डोनाल्ड ट्रम्प, अमेरिकेचे नवनिर्वाचित अध्यक्ष, सध्या त्यांच्या शपथविधीपूर्वी कोणत्या ना कोणत्या विधानामुळे चर्चेचा विषय बनत आहेत. त्यांनी पुन्हा एकदा डेन्मार्कच्या ग्रीनलॅंडला खरेदी करण्याचा प्रस्ताव मांडला आहे.

डोनाल्ड ट्रम्प आणि ग्रीनलॅंड( फोटो सौजन्य: सोशल मीडिया)

Follow Us:

Follow Us:

वॉश्गिंटन: डोनाल्ड ट्रम्प, अमेरिकेचे नवनिर्वाचित अध्यक्ष, सध्या त्यांच्या शपथविधीपूर्वी कोणत्या ना कोणत्या विधानामुळे चर्चेचा विषय बनत आहेत. त्यांनी जगभरातील मित्र देश आणि शेजारील देशांना चांगलेच हादरवून टाकले आहेत. 2019 मध्ये, ट्रम्प यांनी ग्रीनलँडला अमेरिकेच्या नियंत्रणाखाली आणण्याची इच्छा व्यक्त केली होती. नुकतेच, त्यांनी पुन्हा एकदा ग्रीनलँडवर अमेरिकेचे नियंत्रण असणे आवश्यक असल्याचे म्हटले आहे.

ट्रम्प यांनी आपल्या सोशल मीडियावर म्हटले आहे की, राष्ट्रीय सुरक्षा आणि जागतिक स्वातंत्र्यासाठी ग्रीनलँडवर अमेरिकेचे नियंत्रण अत्यंत महत्त्वाचे आहे. ट्रम्प यांचे हे विधान सध्या चर्चेचा विषय बनलेला आहे. कॅनडा आणि मेक्सिकोला अमेरिकेचा भाग बनण्याचा सल्ला दिल्यानंतर आता ग्रीनलॅंडला देखील ट्रम्प यांनी प्रस्ताव दिला आहे.

ग्रीनलॅंड बेट 

ग्रीनलँड हे एक मोठे बेट आहे. हे बेट उत्तर अटलांटिक महासागरात स्थित असून डेनमार्कच्या नियंत्रणाखाली असलेले स्वायत्त क्षेत्र आहे. याचे क्षेत्रफळ 21 लाख चौ. किमी आहे. तसेच या बेटावर सुमारे 57,000 लोक राहतात. ग्रीनलँडच्या पृष्ठभागावर 85% बर्फाच्छादन आहे आणि याच्या अंतर्गत खनिजांचा खजिना आहे. यामध्ये नियोडायनियम, युरेनियम आणि इतर दुर्लभ खनिजांचा समावेश आहे. हे खनिज इलेक्ट्रिक वाहनांच्या उत्पादनात महत्त्वपूर्ण भूमिका बजावतात.

जागतिक घडामोडी संबंधित बातम्या- Lawrence Bishnoi: ‘राम-राम, जय श्री राम’,लॉरेन्स बिश्नोई टोळीची आता कॅलिफोर्नियात दहशत; स्टॉकटनमधील गोळीबाराची घेतली जबाबदारी

ग्रीनलॅंडच्या पंतप्रधानांचा ट्रम्प प्रस्तावाला विरोध

डोनाल्ड ट्रम्प यांच्या ग्रीनलँडवर अमेरिकेचे नियंत्रण ठेवण्याच्या इशाऱ्यावर ग्रीनलँडचे पंतप्रधान म्यूट एगेडे यांनी तीव्र विरोध केला आहे. त्यांनी म्हटले आहे की, “ग्रीनलँड आमचे आहे. आम्ही बिकाऊ नाही आणि कधीच विकले जाणार नाही. आम्ही स्वातंत्र्याच्या लढाईत खूप संघर्ष केला आहे.”

यापूर्वी देखील ग्रीनलॅंड खरेदीचा अमेरिकेचा प्रस्ताव

मिळालेल्या माहितीनुसार अमेरिकेने पहिल्यांदाच ग्रीनलँड खरेदी करण्याची इच्छा व्यक्त केलीली नाही. 1946 मध्ये, अमेरिकेचे तत्कालीन अध्यक्ष हैरी ट्रूमन यांनी डेनमार्कला 100 मिलियन डॉलर देऊन ग्रीनलँड खरेदी करण्याचा प्रस्ताव दिला होता. ग्रीनलँडच्या उत्तर-पश्चिम भागात अमेरिकेची वायूसेना तळ आहे, जिथे सुमारे 600 सैनिक तैनात आहेत.

कॅनडा आणि मॅक्सिकोला अमेरिकेचा भाग बनवण्याची ऑफर 

ट्रम्प यांनी यापूर्वी कॅनडा आणि मेक्सिकोला अमेरिकेचा भाग बनवण्याची ऑफर दिली होती. तसेच, पनामा नहरावर पुन्हा अमेरिकेचे नियंत्रण ठेवण्याची धमकी दिली होती. यामुळे पनामाच्या अध्यक्ष जोस राउल मुलिनो यांनी ट्रम्प यांना कडक शब्दात प्रत्युत्तर दिले होते, ज्यात पनामाच्या स्वातंत्र्यावर कोणताही समझौता होणार नाही, असे स्पष्ट केले होते. ग्रीनलँड आणि त्याच्या सामरिक आणि आर्थिक महत्त्वामुळे, जगभरात याच्या आसपासचे राजकारण अधिकच तापत आहे.

जागतिक घडामोडी संबंधित बातम्या- पाकिस्तानच्या माजी नौैदल अधिकाऱ्याच्या ‘या’ दाव्यामुळे वाढली भारताची चिंता; जाणून घ्या नेमकं काय म्हणाले?

Web Title: Donald trump again calls to buy greenland for us national security nrss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com