पॅलेस्टिनी दहशतवादी संघटना हमास आणि इस्रायल यांच्यात सुरू असलेल्या युद्धाला (Israel Hamas War) 50 दिवस पुर्ण झाले आहे आहे. मोठ्या प्रमाणावर झालेला नरसंहार पाहता आता 47 दिवसांच्या इस्रायल-हमास युद्धानंतर (Israel Hamas War) अखेर युद्धविराम ( ceasefire ) झाला आहे. बुधवारपासून सुरू असलेल्या युद्धविरामचा शनिवारी दुसरा दिवस आहे. हमासने युद्धबंदीच्या पहिल्याच दिवशी २४ ओलिसांची सुटका केली. यापैकी 13 इस्रायली नागरिक होते. थायलंडमधील 10 आणि फिलिपाइन्समधील एक नागरिकाची सुटका करण्यात आली. सर्व २४ ओलिस इस्रायलला पोहोचले आहेत. ओलिसांची दुसरी तुकडी हमासकडून शनिवारी सोडण्यात येणार आहे. ज्या लोकांची सुटका केली जाईल त्यांची यादी इस्रायली अधिकाऱ्यांना मिळाली आहे.
[read_also content=”विश्वचषक ट्रॉफीवर पाऊल ठेवल्याबद्दल मिचेल मार्श विरुद्ध भारतात एफआयआर, 140 कोटी भारतीयांच्या भावना दुखावल्याचा आरोप! https://www.navarashtra.com/sports/fir-in-india-against-mitchell-marsh-for-stepping-on-world-cup-trophy-nrps-483604.html”]
7 ऑक्टोबर रोजी हमासने इस्रायलवर हल्ला केला. या काळात 200 हून अधिक लोकांना बंधक बनवून गाझा येथे आणण्यात आले. हमासच्या हल्ल्यात इस्रायलमध्ये 1200 लोक मारले गेले. त्यानंतर इस्रायलने युद्धाची घोषणा केली होती. इस्रायलच्या हल्ल्यात 13 हजारांहून अधिक पॅलेस्टिनींचा मृत्यू झाला आहे.
शुक्रवारी, हमासने केरेम शालोम क्रॉसिंगवर 24 ओलिसांची सुटका केली. इस्त्रायली ओलिसांची सुटका करण्यात आलेल्यांमध्ये त्यांच्या कुटुंबातील सदस्यांसह पाच वृद्ध महिला आणि चार मुलांचा समावेश आहे. त्या बदल्यात इस्रायल आणि हमास यांच्यातील करारानुसार इस्रायली तुरुंगातून 39 पॅलेस्टिनी महिला आणि मुलांना सोडण्यात आले.
हमास आणि इस्रायल यांच्यात कतारच्या मध्यस्थीने युद्धबंदीबाबत करार झाला. त्यानुसार हमासकडून 50 ओलिसांची सुटका करण्यात येणार आहे. चार दिवसांच्या युद्धविराम दरम्यान गाझामध्ये मानवतावादी मदतीचे आगमन वाढले आहे. पॅलेस्टाईन रेड क्रिसेंट सोसायटीने सांगितले की, अन्न, पाणी आणि औषधांचे 196 ट्रक शुक्रवारी रफाह बॉर्डर क्रॉसिंगवरून गाझाला पोहोचवण्यात आले.
7 ऑक्टोबरपासून इस्रायल आणि हमास यांच्यातील लढाई सुरू झाल्यापासून गाझाला वितरित करण्यात आलेली ही सर्वात मोठी मदत होती. पॅलेस्टाईन रेड क्रिसेंट सोसायटीने सांगितले की 21 ऑक्टोबरपासून सुमारे 1,759 ट्रक गाझामध्ये दाखल झाले आहेत.
