रविवार, 25 ऑक्टोबर 2026
कॅलिफोर्नियात हिंदू मंदिराची तोडफोड; भारताकडून कठोर कारवाईची मागणी (फोटो सौजन्य: सोशल मीडिया)
वॉशिंग्टन: अमेरिकेच्या कॅलिफोर्नियातील चिलो हिल्स भागातील स्वामीनारायण संस्थेच्या मंदिरत तोडफोड झाल्याची घटना समोर आली आहे. तसेच आक्षेपार्ह टीका देखील करण्यात आली आहे. BAPS ने दिलेल्या माहितीनुसार, एका काही अज्ञात व्यक्तींनी मंदिराची तोडफोड केली. सध्या भारताकडून याविरोधात कारवाईची मागणी केली जात असून अमेरिकन सरकार मंदिराचे संरक्षण करण्यात अपयशी ठरल्याचे म्हटले जात आहे. यामुळे अमेरिकी सरकारवर प्रश्न उपस्थित होत आहेत.
BAPS पब्लिक अफेर्सने सोशल मीडियावर या घटनेची माहिती देताना म्हटले की, आणखी एक मंदिर अपवित्र झाले. कॅलिफोर्नियाच्या चिनो हिल्समध्ये हिंदू मंदिराची तोडफोड करण्यात आली. आम्ही हे सहन करणार नाही. संपूर्ण हिंदू समुदाय या द्वेषाच्या विरोधात आहे. चिनो हिल्स आणि संपूर्ण दक्षिण कॅलिफोर्नियामधील समुदाय एकजूट आहे आणि आम्ही कधीही द्वेषाला मूळ धरू देणार नाही. आपली सामान्य मानवता आणि श्रद्धा शांती आणि करुणा कायम ठेवेल असे या पोस्टमध्ये म्हटले आहे.
In the face of another Mandir desecration, this time in Chino Hills, CA, the Hindu community stand steadfast against hate. Together with the community in Chino Hills and Southern California, we will never let hate take root. Our common humanity and faith will ensure that peace… — BAPS Public Affairs (@BAPS_PubAffairs) March 8, 2025
भारताकडून कारवाई मागणी
भारताकडून कारवाई मागणी भारत सरकारनेही कॅलिफोर्नियातील हिंदू मंदिरावरील हल्लाता तीव्र निषेध केला आहे. भारताच्या परराष्ट्र मंत्रालयाने अधिकृक निवेदन जारी करत, या घटनेला ‘घृणास्पद कृत्य’ म्हणून संबोधले आहे. तसेच निवेदनात मंत्रालयाने स्थानिक कायद्यानुसार, कठोर कारवाईची मागणी केली आहे. तसेच प्रार्थना स्थळांची पुरेसी सुरक्षा सुनिश्चित करण्याचेही आवाहन केले आहे. या घटनेसाठी कायदा अंमलबाजावणी अधिकाऱ्यांना जबाबदार धरण्यात आले आहे.
उत्तर अमेरिकेतील हिंदू धर्मासाठी काम करणारी संघटना कोअलिशन ऑफ हिंदूज ऑफ नॉर्थ अमेरिकेने यापूर्वी घडलेल्या मंदिराच्या तोडफोडीच्या घटनांकडे लक्ष वेधले आहे. सध्या या घटनांची चौकशीची मागणी केली आहे.
यापूर्वीच्या घटना
हिंदू मंदिरांच्या तोडफोडीची ही पहिलीच घटना नाही. याआधी कॅलिफोर्नियातील सॅक्रामेंटो येथील BAPS हिंदू मंदिराचे नुकसान करण्यात आले होते. मंदिराच्या भिंतीवर हिंदूंनो परत जा! अशा घोषणा लिहिण्यात आल्या होत्या. मात्र, या घटनेतील आरोपीचा अद्यापही पत्ता लागलेला नाही. शिवाय, या घटनेच्या 10 दिवस आधी, न्यूयॉर्कमध्ये मेलव्हिल येथील एका स्वामी नारायण मंगदिराचीही तोडफोड करण्यात आली होती. या मंदिराच्या भिंतीवरही आक्षेपहार्य संदेश लिहिण्यात आले होते. न्यूयॉर्कमधील भारतीय वाणिज्य दूतावासाने या घटनेचा तीव्र निषेध केला होता.
