मंगळवार, 27 ऑक्टोबर 2026
फोटो सौजन्य सोशल मीडिया
त्यामुळे या निवडणुकीला विशेष महत्त्व प्राप्त झाले आहे. जवळपास तीन वर्षांच्या युद्धानंतर इस्रायली नागरिक नेतान्याहू यांच्या नेतृत्वावर पुन्हा विश्वास दाखवणार की सत्तांतराच्या बाजूने कौल देणार, याकडे संपूर्ण जगाचे लक्ष लागले आहे.
या निवडणुकीत नेतान्याहू यांच्या लिकूड पक्षासमोर माजी लष्करप्रमुख गादी आयझेनकोट यांच्या नेतृत्वाखालील विरोधी गटाचे मोठे आव्हान आहे. नेतान्याहू हे इस्रायलमधील सर्वाधिक काळ पंतप्रधानपद भूषवणारे नेते आहेत. मात्र, हमासचा हल्ला रोखण्यात आलेले अपयश, गाझामधील दीर्घकाळ सुरू असलेले युद्ध आणि इराणसोबतचा संघर्ष यामुळे त्यांच्या नेतृत्वावर प्रश्न उपस्थित झाले आहेत. दुसरीकडे, आयझेनकोट यांनी देशाच्या सुरक्षाव्यवस्थेत बदल, लष्करी धोरणांचे पुनरावलोकन आणि आंतरराष्ट्रीय स्तरावर इस्रायलची प्रतिमा सुधारण्याचे आश्वासन दिले आहे.
Ethiopia News : इथिओपियात चर्चवर सशस्त्र हल्ले; ४० हून अधिक जणांचा मृत्यू
या निवडणुकीत मतदारांसमोर अनेक महत्त्वाचे प्रश्न आहेत. गाझामधील युद्ध, हमासच्या हल्ल्यानंतरची सुरक्षा व्यवस्था, इराणसोबतचा संघर्ष, लेबनॉनमधील लष्करी कारवाया आणि पॅलेस्टिनी प्रदेशातील परिस्थिती या मुद्द्यांचा निवडणुकीवर मोठा प्रभाव पडत आहे.
याशिवाय लष्करी सेवेतून काही धार्मिक समुदायांना मिळणाऱ्या सवलती, न्यायव्यवस्थेचे स्वातंत्र्य आणि देशातील लोकशाही संस्थांची स्थिती हे विषयही प्रचारात चर्चेत आहेत. सात लाखांहून अधिक नागरिक मतदानासाठी पात्र असून मतदानाच्या सुरुवातीच्या टप्प्यातही मतदारांचा चांगला प्रतिसाद दिसून आला आहे.
India-China Border Tension: भारतानेही करारांचा आदर करावा…; सीमावादावर चीनची पहिली प्रतिक्रीया
इस्रायलच्या संसदेत म्हणजेच नेसेटमध्ये एकूण १२० जागा आहेत. सरकार स्थापन करण्यासाठी किमान ६१ जागांचे बहुमत आवश्यक आहे. देशात प्रमाणशीर प्रतिनिधित्व पद्धतीने निवडणूक होत असल्याने कोणत्याही एका पक्षाला स्पष्ट बहुमत मिळणे कठीण मानले जाते. त्यामुळे लहान पक्षांची भूमिका निर्णायक ठरू शकते.
मतदान संपल्यानंतर प्राथमिक अंदाज समोर येतील; मात्र अंतिम निकाल आणि सत्तास्थापनेचे चित्र स्पष्ट होण्यासाठी काही दिवस लागू शकतात. अधिकृत निकाल ४ नोव्हेंबरला जाहीर होण्याची अपेक्षा आहे. नेतान्याहू पुन्हा सत्तेत येणार की इस्रायलमध्ये नेतृत्वबदल होणार, याचा निर्णय या निवडणुकीतून होणार आहे.
