रविवार, 11 ऑक्टोबर 2026
US Politics : केटी झकेरिया व्हाईट हाऊसच्या नव्या प्रेस सेक्रेटरी; घेणार कॅरोलिन लेविट यांची जागा, डोनाल्ड ट्रम्प यांची मोठी घोषणा ( फोटो सौजन्य : सोशल मीडिया )
अमेरिकेच्या राजकीय पटलावर पुन्हा एकदा मोठ्या घडामोडी घडताना दिसत आहेत. अमेरिकेचे राष्ट्राध्यक्ष डोनाल्ड ट्रम्प ( Donald Trump) यांनी आपल्या दुसऱ्या कार्यकाळात व्हाईट हाऊसच्या मुख्य वक्त्याची आणि संवाद यंत्रणेची कमान एका अत्यंत विश्वासू वकिलाकडे सोपवली आहे. ट्रम्प यांनी आपले अधिकृत सोशल मीडिया प्लॅटफॉर्म ‘ट्रुथ सोशल’वर पोस्ट करत वकील, मीडिया सल्लागार आणि पुराणमतवादी विचारवंत केटी झकेरिया (Katie Zacharia) यांची व्हाईट हाऊसच्या नव्या प्रेस सेक्रेटरीपदी नियुक्ती केल्याची घोषणा केली आहे.(US Politics)
डोनाल्ड ट्रम्प यांची ट्रुथ सोशलवर मोठी घोषणा
ट्रम्प यांनी केटी झकेरिया यांचे कौतुक करताना म्हटले की, त्या सुरुवातीपासूनच एक अत्यंत निष्ठावान, प्रामाणिक आणि ‘मेक अमेरिका ग्रेट अगेन’ (MAGA) चळवळीच्या खऱ्या पाठीराख्या राहिल्या आहेत. त्यांची आजवरची कामगिरी निर्दोष राहीली असून त्या व्हाईट हाऊसच्या पत्रकार समूहाशी अत्यंत प्रभावीपणे संवाद साधतील, असा विश्वास ट्रम्प यांनी व्यक्त केला आहे.
जागतिक घडामोडी संबंधित बातम्या वाचण्यासाठी येथे क्लिक करा : CJP protest : जंतरमंतर आंदोलनाचे आंतरराष्ट्रीय पडसाद; संयुक्त राष्ट्रांची टिप्पणी भारताने फेटाळली, म्हटले, ‘हा आमचा अंतर्गत विषय
केटी झकेरिया या व्यवसायाने एक अनुभवी वकील आणि राजकीय विश्लेषक आहेत. ट्रम्प यांच्या राष्ट्राध्यक्षीय निवडणुकीच्या मोहिमेत आणि त्यांच्या मीडिया कंपनीत त्यांनी कायदेशीर तसेच संवाद सल्लागार म्हणून महत्त्वपूर्ण योगदान दिले आहे. सध्या त्या ट्रम्प मीडिया अँड टेक्नॉलॉजी ग्रुप (TMTG) मध्ये वरिष्ठ संवाद सल्लागार म्हणून काम पाहत होत्या, जी कंपनी ट्रम्प यांच्या ‘ट्रुथ सोशल’ प्लॅटफॉर्मचे नियंत्रण करते.
Thank you to President Trump for the distinguished privilege of serving as White House Press Secretary. Serving President Trump and the American people at this critical 250-year mark is the honor of a lifetime. President Trump has shown America that we can be great again, and he works to effectuate that greatness every single day. His confidence is a true privilege, and his leadership is a blessing to this country. The work ahead is to continue delivering strong results for our Country and communicating to the American people the major wins that this Administration is making every single day. I look forward to working with the White House press corps, and with reporters across the country, to get that record out. Following the fabulous Karoline Leavitt is a high standard, and one worth meeting. God bless President Trump, and God bless America. — Katie Zacharia (@KatieZacharia) October 9, 2026
credit – social media and Twitter
यापूर्वी झकेरिया यांनी अमेरिकेच्या डिपार्टमेंट ऑफ होमलँड सिक्युरिटी (DHS) मध्ये प्रवक्ता म्हणून जबाबदारी सांभाळली आहे. इमिग्रेशन अंमलबजावणीवर लक्ष ठेवणाऱ्या या विभागात त्यांनी सचिव क्रिस्टी नोएम यांच्या नेतृत्वाखाली काम केले होते. याशिवाय त्यांनी ‘फिक्स कॅलिफोर्निया’ या पुराणमतवादी गटासोबतही काम केले असून त्या रिपब्लिकन पक्षात एक खंबीर आणि आक्रमक वक्त्या म्हणून ओळखल्या जातात.
जागतिक घडामोडी संबंधित बातम्या वाचण्यासाठी येथे क्लिक करा : World Bank : भारत ‘दक्षिण आशिया’चा केंद्रबिंदू! पाकिस्तानला जागतिक बँकेच्या यादीतून काढले बाहेर; पाकिस्तानी संतप्त
केटी झकेरिया या कॅरोलिन लेविट (Karoline Leavitt) यांची जागा घेणार आहेत. कॅरोलिन लेविट यांनी ट्रम्प प्रशासनात महत्त्वाची भूमिका बजावल्यानंतर ऑगस्ट महिन्यात वैयक्तिक कारणांमुळे आपल्या पदाचा राजीनामा दिला होता. ट्रम्प यांनी लेविट यांच्या कामाची नेहमीच प्रशंसा केली होती. एका पत्रकार परिषदेत ट्रम्प यांनी लेविट यांच्या बोलण्याच्या वेगाचा संदर्भ देत, “जेव्हा त्या बोलतात तेव्हा त्यांचे ओठ मशीनगनसारखे वेगाने चालतात” असे विधान केले होते. ट्रम्प यांच्या या वक्तव्याची सोशल मीडियावर जोरदार चर्चा झाली होती.
आपल्या नियुक्तीनंतर केटी झकेरिया यांनी सोशल मीडियावर आनंद व्यक्त करत ट्रम्प यांचे आभार मानले आहेत. ट्रम्प यांनी दाखवलेला विश्वास हा आपल्यासाठी मोठा सन्मान असून, व्हाईट हाऊसचे प्रतिनिधित्व करणे आणि ट्रम्प प्रशासनाचे ऐतिहासिक निर्णय व विजय अमेरिकन जनतेपर्यंत पोहोचवणे हे आपले मुख्य ध्येय असेल, असे त्यांनी स्पष्ट केले.
