US Iran War : 'आमच्या वाट्याला गेलात तर...' ; ट्रम्प यांना इराणचा शेवटचा इशारा, युद्धबंदीसाठी ठेवली 'ही' मोठी अट (फोटो सौजन्य: सोशल मीडिया)
इराणचे राष्ट्राध्यक्ष मसूद पेझेश्कियान यांनी अमेरिकेचे राष्ट्राध्यक्ष डोनाल्ड ट्रम्प (Donald Trump) यांना अत्यंत कडक शब्दात गंभीर इशारा दिला आहे. त्यांनी म्हटले आहे की, इराण कोणत्याही बाह्य दबावापुढे झुकणार नाही. पेझेश्यियान यांचे हे विधान फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांच्याशी झालेल्या चर्चेनंतर आले आहे. यामुळे हा पाश्चत्य देशांनाही थेट इशारा मानला जात आहे.
पेझेश्किया यांनी ठामपणे स्पष्ट शब्दात सांगितले की, युद्धाची सुरुवात ही त्यांच्याकडून नाही, तर अमेरिका-इस्रायलकडून झाली आहे. आम्ही केवळ आमच्यावर झालेल्या हल्ल्यांनात प्रत्युत्तर देत आहोत असे पेझेश्कियान यांनी म्हटले. त्यांनी सांगितले की, आमच्या देशाचे संरक्षण करण्याचा कायदेशीर अधिकार आम्हाला आहे.
याच वेळी पेझेश्कियान यांनी अमेरिकेला मध्यपूर्वेत आखाती देशांमध्ये अमेरिकन लष्करी तळांवरुन त्यांच्यावर हल्ले न करण्याचे ठणकावून सांगितले आहे. या तळांचा वापर इराणवर हल्ल्यासाठी झाल्याच शेजारी देशांसोबत संबंध कायमचे बिघडू शकतात आणि प्रादेशिक अस्थिरता पसरले असे पेझेश्कियान यांनी म्हटले. त्यांनी स्पष्ट केले की, इराणला केवळ शांतता हवी आहे, कोणावर राज्य करायचे नाही.
याच वेळी पेझेश्कियान यांनी युद्धबंदीवर चर्चा करण्यासाठी एक मोठी अट ठेवली आहे. त्यांनी म्हटले की, चर्चा तेव्हाच होईल जेव्हा इराणच्या सार्वभौमत्व आणि अखंडतेच्या सुरक्षेची लेखी हमी दिली जाईल. भविष्यात इराणवर पुन्हा कधीही हल्ला होणार नाही असा लेखी आणि ठोस विश्वास मिळाल्याशिवाय युद्ध थांबणार नाही असे त्यांनी म्हटले.
याच वेळी इराणने अमेरिका-इस्रायलच्या त्यांच्यावरील कारवायांबाबात जागतिक मौनाबद्दल प्रश्न उपस्थित केले. त्यांनी, तथाकथित लोकशाही देश आणि आंतरराष्ट्रीय संघटना याकड दुर्लक्ष का करत आहेत? असा प्रश्न केला. तसेच ट्रम्प यांच्या लष्करी धोरणांना निषेध करण्याचे आवाहन केले.
Ans: इराणने अमेरिकेला स्पष्ट शब्दात सांगितले आहे की, मध्यपूर्वेतील अमेरिकन लष्करी तळांचा वापर त्यांच्याविरोधात केला जाऊ नये, अन्याथा परिस्थिती अधिक गंभीर होईल.
Ans: इराणच्या मते, मध्यपूर्वेतील संघर्ष अमेरिका-इस्रायलने सुरु केला आहे. ते केवळ त्यांच्यावर झालेल्या हल्ल्यांमुळे आत्मसंरक्षणासाठी प्रत्युत्तर देत आहेत.
Ans: इराणने पुन्हा भविष्यात त्यांच्यावर हल्ला होणार नाही याची ठोस हमी आणि अमेरिकेकडून लेखी पत्र मागितले आहे. तरच युद्धबंदीसाठी इराण तयार असेल असे पेझेश्कियान यांनी म्हटले.
