55 Cancri e: पृथ्वीपेक्षा 5 पट मोठा… हिऱ्यांनी भरलेला ग्रह सापडला! नासाच्या ‘या’ नव्या शोधामुळे जगात खळबळ

अंतराळाच्या गूढतेत आणखी एका अद्भुत शोधाची भर पडली आहे. नासाच्या जेम्स वेब स्पेस टेलिस्कोपने पृथ्वीपेक्षा पाचपट मोठा आणि हिऱ्यांनी भरलेला ग्रह शोधून काढला आहे.

55 Cancri e: पृथ्वीपेक्षा 5 पट मोठा... हिऱ्यांनी भरलेला ग्रह सापडला! नासाच्या 'या' नव्या शोधामुळे जगात खळबळ ( फोटो सौजन्य : सोशल मीडिया)

Follow Us:

Follow Us:

वॉशिंग्टन : अंतराळाच्या गूढतेत आणखी एका अद्भुत शोधाची भर पडली आहे. नासाच्या जेम्स वेब स्पेस टेलिस्कोपने पृथ्वीपेक्षा पाचपट मोठा आणि हिऱ्यांनी भरलेला ग्रह शोधून काढला आहे. या ग्रहाचे नाव 55 Cancri e असे असून, तो पृथ्वीपासून 41 प्रकाशवर्षे दूर स्थित आहे. हा शोध केवळ खगोलशास्त्रज्ञांसाठीच नाही तर संपूर्ण विज्ञानविश्वासाठी एक मोठी उपलब्धी मानली जात आहे.

55 Cancri e: एक अद्वितीय ‘सुपर-पृथ्वी’

आंतरराष्ट्रीय मीडिया रिपोर्ट्सनुसार, 55 Cancri e या ग्रहाला ‘सुपर-अर्थ’ म्हणून वर्गीकृत करण्यात आले आहे, कारण त्याचा आकार पृथ्वीच्या तुलनेत पाचपट मोठा आहे. हा ग्रह कार्बन-आधारित असल्याची शक्यता असून, त्यावर मोठ्या प्रमाणात हिरे आणि ग्रेफाइटसारखी कार्बन संरचना असू शकते, असे शास्त्रज्ञांचे मत आहे. हा शोध ग्रहांच्या रचनेबद्दलच्या पारंपरिक संकल्पनांना आव्हान देणारा आहे आणि विश्वातील विविधतेचे अनोखे स्वरूप दाखवणारा आहे.

जागतिक घडामोडी संबंधित बातम्या वाचण्यासाठी येथे क्लिक करा : प्राचीन इजिप्शियन संस्कृती करणार हजारो रहस्यांचा उलगडा; गिझा पिरामिडच्या खाली 6500 फूट खाली सापडला ‘खजिना’

लाव्हामध्ये रूपांतरित होणारा ग्रह!

55 Cancri e हा ग्रह त्याच्या ताऱ्याच्या अत्यंत जवळ असल्यामुळे केवळ १७ तासांत कक्षेतील एक प्रदक्षिणा पूर्ण करतो. यामुळे त्याच्या पृष्ठभागावरील तापमान 2400 अंश सेल्सियसपर्यंत पोहोचते, ज्यामुळे तो संपूर्णपणे वितळलेल्या लाव्हामध्ये बदलतो. इतक्या उच्च तापमानामुळे या ग्रहावर जीवसृष्टी अस्तित्वात येण्याची शक्यता अत्यंत कमी आहे, असे शास्त्रज्ञ सांगतात.

ग्रहाचे अनोखे वातावरण आणि रहस्ये

55 Cancri e हा केवळ त्याच्या रचनेमुळेच वैशिष्ट्यपूर्ण नाही, तर त्याच्या वातावरणातही मोठे रहस्य दडलेले आहे. संशोधकांच्या मते, या ग्रहाभोवती विशेष प्रकारचे दुय्यम वातावरण आहे, जे बहुधा त्याच्या ज्वालामुखीच्या सक्रियतेमुळे तयार झाले असावे. यामुळे या ग्रहाची रचना अत्यंत अस्थिर आहे, ज्याचा अभ्यास करणे अधिक रोचक ठरणार आहे.

अंतराळशास्त्रातील ऐतिहासिक वळण

हा शोध खगोलशास्त्राच्या अभ्यासासाठी एक क्रांतिकारी टप्पा ठरू शकतो. कार्बन-आधारित ग्रहांचे अस्तित्व सिद्ध झाल्यास, विश्वात आणखी किती अशा ग्रहांची शक्यता आहे? हाच मोठा प्रश्न वैज्ञानिकांसमोर आहे. तसेच, हिऱ्यांसारख्या मौल्यवान खनिजांचे अस्तित्व वेगळ्या परिस्थितींमध्ये कसे टिकते, याचाही शोध घेतला जाणार आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘हा पुनर्जन्मच म्हणावा…’ नवा रशिया म्हणजे युद्धाच्या धगधगत्या आगीतून बाहेर पडणारी महासत्ता

भविष्यातील संशोधनाची दिशा

वैज्ञानिक आता 55 Cancri e चा अधिक सखोल अभ्यास करण्यासाठी पुढील मोहिमा आखत आहेत. हा शोध अंतराळातील संसाधनांचा शोध घेण्यासाठी नवीन दिशा देऊ शकतो. भविष्यात असे ग्रह आढळल्यास ते दुर्मिळ धातू आणि मौल्यवान खनिजांचा स्रोत ठरू शकतात. 55 Cancri e चा शोध खगोलशास्त्र, ग्रहशास्त्र आणि अंतराळ संसाधनांच्या शोधात एक नवा अध्याय सुरू करेल, यात शंका नाही!

Web Title: Nasas discovery of diamond rich 55 cancri e five times earths size stuns the world nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com