Nuclear Weapons: भारताकडे पाकिस्तानपेक्षा अधिक अण्वस्त्रे, अण्वस्त्रांच्या बाबतीत कोणता देश जास्त धोकादायक? वाचा संपूर्ण यादी

Nuclear Weapon India: जगात युद्धे सुरु असताना आता अण्वस्त्रसज्ज राष्ट्रांची सिद्धता आणि अण्वस्त्रांवर वाढती भिस्त चर्चेत आली आहे. यामध्ये कोणत्या देशाकडे सर्वाधिक अण्वस्त्र धोकादायक आहेत जाणून घेऊया...

Nuclear Weapon India In Marathi : युद्ध म्हटलं की देशांकडे अण्वस्त्राची चर्चा सुरुच होते. जगातील अनेक देशांकडे अण्वस्त्र आहेत. यामध्ये रशिया, अमेरिका, भारत, पाकिस्तान, इस्त्रायल, चीन, फ्रान्स,उत्तर कोरिया आणि इंग्लंड या देशांचा समावेश आहे. अशातच जगात अण्वस्त्रांची शर्यत तीव्र होत आहे. SIPRI म्हणजेच स्टॉकहोम इंटरनॅशनल पीस रिसर्च इन्स्टिट्यूटच्या अलीकडील अहवालातून स्पष्ट झाले आहे. दरम्यान फक्त ९ देश अजूनही या शर्यतीत सहभागी आहेत आणि जानेवारी २०२४ ते जानेवारी २०२५ दरम्यान सर्वांनी अण्वस्त्र आघाडीवर स्वतःला बळकट केले आहे. मिळालेल्या आकडेवारीनुसार, फक्त रशिया आणि अमेरिकेकडे जगातील सुमारे ९० टक्के अण्वस्त्रे आहेत.

पंतप्रधान मोदी कॅनडात दाखल; जॉर्जियो मेलोनींसह इतर राष्ट्राध्यक्षांशी होणार बैठक

कोणत्या देशांकडे अण्वस्त्रे

अमेरिका आणि रशिया वगळता यादीत ब्रिटन, फ्रान्स, चीन, भारत, पाकिस्तान, उत्तर कोरिया आणि इस्रायल यांचा समावेश आहे. अहवालानुसार, जगात एकूण १२ हजार २४१ अण्वस्त्रे होती. त्यापैकी ९ हजार ६१४ लष्करी साठ्यात होती. विशेष म्हणजे क्षेपणास्त्रे आणि विमानांसह सुमारे ३ हजार ९१२ अण्वस्त्रे देखील तैनात आहेत.

कोणत्या देशाकडे किती अण्वस्त्रे?

1. अमेरिकेकडे एकूण ५१७७ अण्वस्त्रे आहेत. त्यापैकी १४७७ निवृत्त वॉरहेड्स आहेत. ३७०० लष्करी साठ्यात आहेत. त्यापैकी १७७० तैनात आहेत आणि १९३० साठवलेले आहेत.
2. रशियाकडे एकूण ५४५९ अण्वस्त्रे आहेत. त्यापैकी ४३०९ लष्करी साठ्यात आहेत. येथे १७१८ वॉरहेड्स तैनात आहेत आणि २५९१ साठवलेले आहेत. रशियाने ११५० वॉरहेड्स निवृत्त केले आहेत.
3. ब्रिटनने १२० वॉरहेड्स तैनात केले असून १०५ साठवलेले आहेत. त्यांचा लष्करी साठा २२५ शस्त्रांचा आहे. ब्रिटनकडे एकूण २२५ शस्त्रे आहेत.
4. फ्रान्सकडे एकूण २९० अण्वस्त्रे आहेत. यापैकी त्यांनी २८० तैनात केले आहेत आणि १० साठवले आहेत.
5. चीनकडे सुमारे ६०० अण्वस्त्रे आहेत. त्यांनी २४ अण्वस्त्रे तैनात केली आहेत आणि ५७६ साठवून ठेवली आहेत.
6. भारत यादीत सहाव्या स्थानावर आहे. भारताकडे एकूण १८० अण्वस्त्रे आहेत आणि ती सर्व साठवून ठेवली आहेत.
7. पाकिस्तानकडे १७०, उत्तर कोरियाकडे ५० आणि इस्रायलकडे ९० अण्वस्त्रे आहेत आणि ती सर्व या देशांमध्ये लष्करी साठ्यात आहेत.

कोणता देश जास्त धोकादायक

SIPRI चा अंदाज आहे की, चीनकडे किमान ६०० अण्वस्त्रे आहेत. अहवालानुसार, चीनने इतर कोणत्याही देशांपेक्षा आपला अण्वस्त्रांचा साठा अधिक वेगाने वाढवला आहे. निरीक्षकांच्या मते, चीनच्या वाढत्या अण्वस्त्रांच्या साठ्याचा भारतावरही परिणाम होईल. कारण बीजिंगचा जवळचा मित्र पाकिस्तान देखील आपल्या अण्वस्त्र कार्यक्रमाला गती देत ​​आहे. SIPRI अहवालावर प्रतिक्रिया विचारली असता, चीनच्या परराष्ट्र मंत्रालयाचे प्रवक्ते गुओ जियाकुन यांनी सोमवारी एका मीडिया ब्रीफिंगमध्ये सांगितले की चीनला या अहवालावर कोणतीही टिप्पणी करायची नाही.

Iran-Israel War : इराण-इस्त्रायल देशांच्या संघर्षादरम्यानच अमेरिकेचं मोठं पाऊल; इंधन देणारी टँकर विमानं…