AVAS प्रणाली आता इलेक्ट्रिक वाहनांना अनिवार्य; रस्ते सुरक्षेसाठी सरकारचा मोठा निर्णय

Acoustic Vehicle Alerting System: ऑक्टोबर २०२७ पासून, सर्व इलेक्ट्रिक कार, बस आणि ट्रकमध्ये अकॉस्टिक व्हेईकल अलर्टिंग सिस्टम (AVAS) बसवणे अनिवार्य असेल.

AVAS प्रणाली आता इलेक्ट्रिक वाहनांना अनिवार्य (Photo Credit - AI)

Follow Us:

Follow Us:

• AVAS प्रणाली आता इलेक्ट्रिक वाहनांना अनिवार्य
• रस्ते सुरक्षेसाठी सरकारचा मोठा निर्णय
• नियम जुन्या आणि नवीन दोन्ही गाड्यांवर लागू

नियम जुन्या आणि नवीन दोन्ही गाड्यांवर लागू

मंत्रालयाच्या घोषणेनुसार, ऑक्टोबर २०२६ नंतर तयार होणाऱ्या सर्व नवीन इलेक्ट्रिक प्रवासी आणि व्यावसायिक वाहनांमध्ये ही AVAS सिस्टीम अनिवार्य असेल. तर, ऑक्टोबर २०२७ पासून तयार होणाऱ्या सध्याच्या (Existing) मॉडेल्समध्येही हा सुरक्षा उपाय असणे आवश्यक आहे.

🚨 BIG SAFETY MOVE! 🚗⚡️ From Oct 2027, all electric cars, buses & trucks in India must have a Sound Alert System (AVAS) 🔊 👉 This feature emits an artificial sound so pedestrians & road users can detect silent EVs.
👉 New EV models will need it from Oct 2026. A step towards… pic.twitter.com/RVdxit1y7p — Infra Talks (@InfraTalksYT) September 29, 2025

मंत्रालयाने स्पष्ट केले आहे की, “ऑक्टोबर १, २०२६ नंतर तयार होणाऱ्या नवीन मॉडेल्समध्ये आणि ऑक्टोबर १, २०२७ नंतर तयार होणाऱ्या जुन्या मॉडेल्समध्ये, M आणि N कॅटेगरीच्या इलेक्ट्रिक वाहनांना AVAS सिस्टीम बसवणे आवश्यक आहे, जी AIS-173 (सुधारित) मानकांनुसार असेल.” M कॅटेगरी प्रवासी वाहनांसाठी असून, N कॅटेगरी मालवाहतूक करणाऱ्या वाहनांसाठी आहे.

पादचारी आणि सायकलस्वारांसाठी मोठा दिलासा

AVAS तंत्रज्ञानामुळे वाहन २० किमी प्रतितास (kmph) वेगापेक्षा कमी असताना आपोआप आवाज निर्माण करेल. ‘सायलेंट’ असलेल्या इलेक्ट्रिक आणि हायब्रिड वाहनांसाठी हे तंत्रज्ञान वरदान ठरेल, कारण त्यामुळे पादचारी, सायकलस्वार आणि इतर रस्ते वापरकर्त्यांना वाहनांच्या जवळ येण्याबद्दल सतर्कता मिळेल. विशेषतः कमी वेगात, जेव्हा इंजिनचा आवाज येत नाही, तेव्हा हे फीचर खूप महत्त्वाचे ठरते. मंत्रालयाच्या म्हणण्यानुसार, जास्त वेगामध्ये टायरच्या घर्षणातून पुरेसा आवाज निर्माण होतो, त्यामुळे AVAS ची गरज फक्त कमी वेगातच असेल.

Mahindra ची ‘ही’ कार आहे खास! म्हणूनच तर फक्त 999 ग्राहकांना मिळणार डिलिव्हरी

ट्यूबलेस टायर असलेल्या वाहनांना सुटे टायरमधून सूट

याच घोषणेमध्ये सरकारने आणखी एक महत्त्वाचा निर्णय घेतला आहे. आता, ट्यूबलेस टायर असलेल्या कार, तीन-चाकी आणि क्वाड्रिसायकल वाहनांमध्ये सुटा (स्पेयर) टायर ठेवणे अनिवार्य नाही.

सरकारचा हा निर्णय इलेक्ट्रिक वाहनांना अधिक सुरक्षित बनवण्यासाठी आणि रस्त्यावर सर्व वापरकर्त्यांसाठी सुरक्षितता सुनिश्चित करण्यासाठी एक महत्त्वपूर्ण पाऊल मानले जात आहे. भविष्यात ईव्ही वाहनांचा प्रसार जसजसा वाढेल, तसतसे AVAS सारखे तंत्रज्ञान रस्ते सुरक्षेचा एक अविभाज्य भाग बनेल.

Web Title: Avas system now mandatory for electric vehicles governments big decision for road safety

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com