आपल्या कारची लेदर सीट कशी ठेवावी मेंटेन? जाणून घ्या सोपे उपाय

कारला मेंटेन ठेवणे हे महत्वाचे काम आहे. त्यातही जर कारमध्ये लेदर सीट्स असेल तर ही जबाबदारी आणखी वाढते. हे लक्षात घेऊनच आज आपण कारच्या लेदर सीट्सची देखभाल कशी करावी याबद्दल जाणून घेणार आहोत.

फोटो सौजन्य: iStock

Follow Us:

Follow Us:

कार विकत घेण्यापेक्षा तिला मेंटेन ठेवणे फार कठीण असते असे आपण नेहमी ऐकत असतो आणि हे खरे देखील आहे. जेव्हा कार नवीन असते तेव्हा तिच्याकडे आपण जास्त लक्ष देत नाही. पण एकदा का कार जुनी झाली की तिला वेळेवर सर्व्हिसिंग करावी लागते. काही वेळेस लोकं स्वतःच कारची सर्व्हिसिंग करतात. पण जर तुमच्या कारमध्ये लेदर सीट्स असेल तर अशावेळी तुम्ही त्याची स्वच्छता कशी कराल याबद्दल तुम्हाला माहित असणे गरजेचे आहे.

कारमधील घाण आणि धूळ काढून टाकण्यापासून एअर फिल्टर बदलण्यापर्यंत अनेक प्रकारची सर्व्हिसिंगची कामे केली जातात. त्याच वेळी, जर तुमच्या कारमध्ये लेदर सीट असतील तर त्यांच्या देखभालीची जबाबदारी आणखी वाढते.

हे देखील वाचा: याला म्हणतात सेल! Flipkart Big Billions Days वर ‘या’ कंपनीजकडून मिळणार बाईक आणि स्कूटरवर आकर्षक डिस्काउंट

जेव्हा कारमधील सीट्स खराब होतात, तेव्हा कारचा आतील भाग पूर्णपणे कुरूप होतो. एवढेच नाही तर री-अपहोल्स्ट्रीची किंमत खूप जास्त असू शकते. हे लक्षात घेऊनच आज आपण कारमधील लेदर सीट्स मेन्टेन करण्यासाठी काही सोप्या टिप्स जाणून घेणार आहोत.

नियमित करा सफाई

• लेदर सीट्सचा दीर्घकालीन वापर सुनिश्चित करण्यासाठी, नियमित स्वच्छता आवश्यक आहे. आपण असे न केल्यास, ते लवकरच खराब होऊ शकतात. यासोबतच त्यांच्यावर क्रॅकही दिसू शकतात.
• लेदर सीटची स्वच्छता राखण्यासाठी, तुम्ही लेदर सीट क्लिनर वापरू शकता. यामुळे कारची सीट नवीन सीटसारखी दिसते. यासोबतच त्याचा वापर केल्याने ते अगदी व्यवस्थित स्वच्छ होते.
• सीटच्या सभोवतालची जागा योग्यरित्या व्हॅक्यूम करा. हे धूळ आणि घाण काढून टाकण्यास मदत करते. त्याच वेळी, जर तुमच्या सीटमध्ये किंचित भेगा पडल्या असतील तर तेथे व्हॅक्यूम पूर्णपणे वापरा.
• सीटच्या क्रॅकमध्ये अजूनही घाण आणि धूळ अडकल्यास, ते काढण्यासाठी तुम्ही कापड वापरू शकता.
• कारच्या लेदर सीट्स साफ करण्यासाठी तुम्ही मायक्रोफायबर कापड वापरू शकता. तसेच सीटवर लेदर कंडिशनर वापरा आणि ते कोरडे होऊ द्या. याच्या ओलाव्यामुळे सीटमधील भेगा बंद होतात आणि तुम्हाला यापासून आराम मिळतो.

या गोष्टी ध्यानात ठेवा

कारच्या लेदर सीटवर सूर्यप्रकाशाचा वाईट परिणाम होतो. त्यामुळे जेव्हाही तुम्ही कार पार्क कराल तेव्हा ती अशा ठिकाणी पार्क करा जिथे सूर्यप्रकाश पडणार नाही. कारच्या लेदर सीट्सची स्वछता राखण्यासाठी तुम्ही सीट कव्हर्स खरेदी करू शकता.

Web Title: How to maintain the leather seat of your car know the easy solution

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com