बाईकलाही लाजवेल अशा लूकमध्ये Legender Electric Scooter चे फेसलिफ्ट मॉडेल लाँच, किंमतही स्वस्त

झेलीओ ई-मोबिलिटी या आघाडीच्या दुचाकी उत्पादक कंपनीने Legender Electric Scooter चे फेसलिफ्ट मॉडेल मार्केटमध्ये लाँच केले आहे. चला याबद्दल अधिक माहिती जाणून घेऊयात.

Legender Electric Scooter चे फेसलिफ्ट मॉडेल लाँच

Follow Us:

Follow Us:

भारतातील सर्वात वेगाने वाढणाऱ्या इलेक्ट्रिक टू-व्हीलर ब्रँडपैकी एक असलेल्या झेलीओ ई-मोबिलिटीने त्यांच्या लोकप्रिय लेजेंडर इलेक्ट्रिक स्कूटरचे फेसलिफ्ट मॉडेल मार्केटमध्ये अधिकृतपणे लाँच केले आहे. अधिक स्टायलिश लूक आणि स्मार्ट फिचर्ससह हे मॉडेल शहरी ग्राहकांच्या गरजा लक्षात घेऊन डिझाइन करण्यात आले आहे. चला या नवीन स्कूटरबद्दल अधिक माहिती जाणून घेऊयात.

फेसलिफ्ट लेजेंडरमध्ये आता तीन नवीन व्हेरिएंटमध्ये उपलब्ध आहे:

• लिथियम-आयन बॅटरी 60V/30Ah: ₹75,000
• लिथियम-आयन बॅटरी 74V/32Ah: ₹79,000
• जेल बॅटरी 32Ah: ₹65,000

या स्कूटरमध्ये 25 किमी/तास इतका टॉप स्पीड असून, एका चार्जमध्ये 150 किमी पर्यंतची रेंज मिळते. फक्त 1.5 युनिट वीजेवर चालणारी ही स्कूटर शक्तिशाली BLDC मोटरद्वारे सुसज्ज आहे. तिचे एकूण वजन 98 किलो असून, ती 150 किलो लोड सहज वाहून नेऊ शकते. 170 मिमी ग्राउंड क्लिअरन्स आणि विविध रस्त्यांवर सहज चालणारी रचना यामुळे ही स्कूटर शहरासाठी एक आदर्श पर्याय ठरते.

चार्जिंग टायमिंग:

लिथियम-आयन बॅटरी: ४ तास

जेल बॅटरी: ८ तास

ही स्कूटर आता तीन आकर्षक रंगांमध्ये उपलब्ध आहे – रस्टी ऑरेंज, ग्लॉसी ग्रीन आणि ग्लॉसी ग्रे.

सेफ्टी फीचर्स

• पुढील व मागील डिस्क ब्रेक
• 12-इंच अलॉय व्हील्स (९०/९०-१२ टायर्स)
• टेलिस्कोपिक फ्रंट सस्पेन्शन आणि ड्युअल स्प्रिंग रियर सस्पेन्शन
• एलईडी हेडलॅम्प, टेललॅम्प आणि इंडिकेटर्स
• डिजिटल डॅशबोर्ड
• याशिवाय, या स्कूटरमध्ये अनेक स्मार्ट फिचर्स आहेत जसे की –
• कीलेस एंट्री
• मोबाइल चार्जिंग
• अँटी-थेफ्ट डिटेक्शन
• प्रॉक्सिमिटी लॉक-अनलॉक
• पार्क असिस्ट
• फॉलो-मी-होम लाइट्स
• एसओएस अलर्ट
• क्रॅश आणि फॉल डिटेक्शन

झेलीओ ई-मोबिलिटीचे सह-संस्थापक आणि व्यवस्थापकीय संचालक कुणाल आर्य म्हणतात, “लेजेंडर नेहमीच स्टाइल आणि विश्वसनीयतेचे प्रतीक राहिले आहे. आता हे फेसलिफ्ट मॉडेल अधिक स्मार्ट, आरामदायी आणि युवकांना आकर्षित करणारे ठरेल.”

झेलीओ सर्व स्कूटर मॉडेल्सवर 2 वर्षांची वॉरंटी आणि बॅटरीवर 1 वर्षाची वॉरंटी देतात. लाँचच्या निमित्ताने कंपनीने पहिल्या 1000 ग्राहकांसाठी मोफत सेफ्टी हेल्मेट देण्याची ऑफरही जाहीर केली आहे.

सर्वसाधारणपणे, फेसलिफ्ट लेजेंडर ही स्मार्ट फीचर्ससह सुसज्ज, स्टायलिश आणि पर्यावरणस्नेही इलेक्ट्रिक स्कूटर आहे, जी शहरी ग्राहकांसाठी एक विश्वासार्ह व किफायतशीर पर्याय ठरते.

Web Title: Legender electric scooter facelift model launched know features and price

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com