टेस्टिंग दरम्यान स्पॉट झाली Royal Enfield Classic 650, जाणून घ्या फीचर्स

अलीकडेच रॉयल एनफील्ड क्लासिक 650 टेस्टिंग दरम्यान दिसली आहे. ही बाईक लवकरच भारतात लाँच होण्याची शक्यता आहे. चला जाणून घेऊया, या नव्या बाईकमध्ये नेमके असे काय विशेष असणार आहे.

फोटो सौजन्य: Freepik

Follow Us:

Follow Us:

भारतात बुलेटचा एक वेगळाच चाहता वर्ग आहे, त्यातही तरुणाईला तर बुलेट बाईक्सची सतत भुरळ पडत असते. आजही अनेक तरुणांसाठी बुलेट ही ड्रीम बाईकच आहे. बुलेट चालवण्यात जी मजा असते ती तीर कोणत्याही बाईकमध्ये आपल्याला पाहायला मिळत नाही. त्यामुळेच रॉयल एन्फिल्ड ही कंपनी सुद्धा भारतीय बुलेट प्रेमींसाठी नवीन बाईक्स बाजारात लाँच करत असते. नुकतेच कंपनीच्या Classic 650 या नवीन बाईकची झलक तिच्या टेस्टिंगच्या वेळी पाहायला मिळाली आहे.

हे देखील वाचा: कुटुंबासोबत Long Trip वर जायचा प्लॅन बनवत आहात? ‘या’ गोष्टींकडे द्या विशेष लक्ष

Royal Enfield लवकरच भारतात आपली Classic 650 लाँच करण्याच्या तयारीत दिसत आहे. त्यामुळे कंपनीने या बाईकची टेस्टिंगही करण्यास सुरूवात केली आहे. अलीकडे ही बाईक टेस्टिंग दरम्यान स्पॉट केली गेली आहे, ज्यामध्ये बाईकचे अनेक फिचर्स दिसत आहेत. चला जाणून घेऊया, ही बाईक कोणत्या फीचर्ससह येऊ शकते.

टेस्टिंग दरम्यान मॉडेलमध्ये काय दिसले?

टेस्टिंग दरम्यान स्पॉट केलेली रॉयल एनफील्ड क्लासिक 650 ही क्लासिक 350 सारखीच आहे. यात गोल एलईडी हेडलाइट्स, टीयरड्रॉपच्या आकाराची इंधन टाकी, वक्र फेंडर्स आणि त्रिकोणी बाजूचे पॅनल्स आहेत. ज्यामुळे ही बाईक सहज ओळखता येते. यासोबतच ही बाईक मरून आणि क्रीम कलरमध्ये दिसली आहे. तसेच त्याच्या इंधन टाकीवर भरपूर क्रोम देण्यात आले आहे. क्लासिक 650 एकाधिक कलर ऑप्शन्ससह येण्याची शक्यता आहे.

हे देखील वाचा:  Festive Season च्या मुहूर्तावर Sedan कार्सवर छप्परफाड सूट, Honda City वर मिळत आहे सर्वात जास्त सूट

दिसले वायर-स्पोक रिम्स

या बाईकच्या बॉडीवर्कच्या खाली एक ट्यूबलर स्टील फ्रेम आहे, ज्याला टेलिस्कोपिक फोर्क आणि ट्विन शॉक शोषक द्वारे सस्पेंड केले जाते जे प्रीलोड अ‍ॅडजेस्टेबल आहेत. टेस्टिंग दरम्यान स्पॉट केलेल्या क्लासिक 650 वर वायर-स्पोक रिम्स दिसले आहेत. त्यात ट्यूब-प्रकारचे टायर असू शकतात. त्याच्या पुढील आणि मागील बाजूस डिस्क ब्रेक उपलब्ध असतील.

या बाईकमध्ये असू शकते हे इंजिन

बाईकच्या इंजिनबद्दल बोलायचे झाल्यास, यात 648 cc, एअर आणि ऑइल-कूल्ड, पॅरलल-ट्विन इंजिन दिले जाऊ शकते, जे 47 bhp पॉवर आणि 52 Nm टॉर्क जनरेट करते. त्याचे इंजिन सहा-स्पीड गिअरबॉक्सशी जोडले जाऊ शकते. LED हेडलाइट आणि टेल लाईट, गियर पोझिशन इंडिकेटर आणि ट्रिपर नेव्हिगेशन सारखी फीचर्स या बाईकमध्ये पाहायला मिळतील.

Web Title: Royal enfield classic 650 spotted during testing know the features

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com