मंगळवार, 10 नोव्हेंबर 2026
फोटो सौजन्य: Bikewale Social Media
भारतात काही अशा दुचाकी उत्पादक कंपनीज सुद्धा आहेत, ज्याच्या वाहनांची क्रेझ तरुणांमध्ये खूप पाहायला मिळते. यातीलच एक कंपनी म्हणजे रॉयल इन्फिल्ड. रॉयल एन्फिल्ड भारतात अनेक वर्षांपासून स्टायलिश आणि उत्तम परफॉर्मन्स असणाऱ्या बाईक्स ऑफर करत असतात. त्यातही आपली स्वतःची बुलेट असावी ही इच्छा प्रत्येक तरुणांची असते.
भारतात आपल्या बाईक्ससाठी मिळणाऱ्या चांगल्या मागणीमुळे रॉयल एन्फिल्ड सुद्धा नवनवीन बाईक्स देशात लाँच करत आहे. नुकतेच कंपनीने एक नवीन बाईक सादर केली आहे. चला या बाईकबद्दल अधिक जाणून घेऊया.
2 लाखांचे डाउन पेमेंट आणि Maruti Grand Vitara तुमची, फक्त भरावा लागेल एवढा EMI
Royal Enfield ने भारतात Royal Enfield Scram 440 सादर केली आहे. हे हिमालयन 411 आणि स्क्रॅम 411 सारख्याच चेसिसवर आधारित आहे. या नवीन बाईकमध्ये उत्तम इंजिन मिळते जे पूर्वीपेक्षा जास्त पॉवर आणि टॉर्क निर्माण करते. Scram 440 ट्रेल आणि फोर्स या दोन व्हेरियंटमध्ये उपलब्ध आहे. हे 5 कलर ऑप्शन्समध्ये सादर करण्यात आले आहे. रॉयल एनफील्ड स्क्रॅम 440 कोणत्या फीचर्ससह सादर करण्यात आली आहे त्याबद्दल आपण जाणून घेऊया.
रॉयल एनफील्ड स्क्रॅम 440 ची डिझाइन स्क्रॅम 411 सारखीच आहे. डिझाइनमधील एकमेव नवीन गोष्ट म्हणजे एलईडी हेडलाइट आणि नवीन फंकी कलर स्कीम. यात Scram 411 प्रमाणेच सिल्हूट आणि मोठी इंधन टाकी आहे. त्याच वेळी, याला उत्तम टेल सेक्शन देण्यात आला आहे, ज्यामुळे बाईक खूपच आकर्षक दिसते.
Royal Enfield Scram 440 मध्ये 443 cc सिंगल-सिलेंडर एअर आणि ऑइल-कूल्ड इंजिन आहे, जे हिमालयन 411 च्या बोर-आउट आवृत्तीवर आधारित आहे. यामध्ये बसवलेले इंजिन 25.4 पीएस पॉवर आणि 34 एनएम टॉर्क जनरेट करते. या नवीन बाईकचे इंजिन 6-स्पीड गिअरबॉक्सशी जोडलेले आहे.
त्याची चेसिस Scram 411 सारखीच ठेवण्यात आली आहे. यात हाफ-डुप्लेक्स स्प्लिट क्रॅडल फ्रेम आहे. यात 190mm सस्पेन्शन ट्रॅव्हलसह 41mm टेलिस्कोपिक फोर्क आणि 180mm व्हील ट्रॅव्हलसह मोनोशॉक आहे.
यात समोर 300 mm डिस्क ब्रेक आणि मागील बाजूस 240 mm डिस्क ब्रेक आहे. बाईकमध्ये 19 इंचाचे पुढील आणि 17 इंचाचे मागील चाके आहेत.
Royal Enfield Scram 440 मध्ये एकदम नवीन LED हेडलाइट आणि इन्स्ट्रुमेंट क्लस्टर आहे. जे यापूर्वी Royal Enfield Hunter 350 मध्ये दिसले आहे. यात ओडोमीटर, ट्रिप मीटर आणि फ्युएल गेज दर्शविणारा एक लहान डिजिटल इनसेटसह ॲनालॉग स्पीडोमीटर आहे. यात ट्रिपर नेव्हिगेशन पॉड देखील आहे, जो पर्यायी ऍक्सेसरी म्हणून उपलब्ध असेल. बाईकच्या मागील बाजूस ड्युअल-चॅनल एबीएस आणि स्विच करण्यायोग्य एबीएस आहे.
Royal Enfield Scram 440 ची किंमत अद्याप अधिकृतपणे जाहीर करण्यात आलेली नाही. परंतु या बाईकची एक्स-शोरूम किंमत सुमारे 2.30 लाख रुपये असण्याची शक्यता आहे.
