‘ही’ टेक्नॉलॉजी आली अन् Tata ची सेल्स 53 टक्क्यांनी वाढली, ‘या’ SUV साठी लागल्यात लांबच लांब रांगा

भारतीय मार्केटमध्ये टाटाने अनेक दमदार कार्स आणल्या आहेत. यातच आता एका खास टेक्नॉलॉजीमुळे कंपनीच्या विक्रीत जोरदार वाढ झाली आहे. काय आहे ही टेक्नॉलजी? चला याबद्दल जाणून घेऊयात.

फोटो सौजन्य: istock

Follow Us:

Follow Us:

बदलत्या वेळेनुसार अनेक ऑटो कंपन्यांनी नवनवीन टेक्नॉलॉजी बाजारात आणल्या आहेत. ज्यामुळे नक्कीच वाहन चालवणे अजून सोयीस्कर बनले आहेत. अशातच आज आपण अशा एका टेक्नॉलजीबद्दल जाणून घेऊयात ज्यामुळे टाटाच्या एका कारचे नशीब पालटले आहेत.

देशातील आघाडीची वाहन उत्पादक कंपनी टाटा मोटर्सने फ्युएल इकॉनॉमी शोधणाऱ्या ग्राहकांमध्ये मोठे यश मिळवले आहे. कंपनीने FY 2025 मध्ये एकूण 1.39 लाख सीएनजी वाहनं विकली आहेत, जी गेल्या वर्षीपेक्षा 53% जास्त आहे. ही वाढ भारतातील सीएनजी वाहनांची वाढती मागणी आणि टाटाच्या धोरणात्मक नियोजनाचा परिणाम आहे. चला याची सविस्तरपणे माहिती जाणून घेऊया.

नेक्सॉन सीएनजी आणि एएमटी व्हेरियंत ‘गेमचेंजर’ बनला

2024 मध्ये लाँच झालेल्या नेक्सॉन सीएनजीने टाटासाठी सीएनजी क्षेत्रात क्रांती घडवून आणली आहे. याशिवाय, टाटाने त्यांच्या दोन लोकप्रिय मॉडेल्स Tiago आणि Tigor सीएनजीमध्ये AMT (ऑटोमेटेड मॅन्युअल ट्रान्समिशन) पर्याय देखील जोडला, ज्यामुळे ही कार विशेषतः शहरी ग्राहकांमध्ये खूप पसंत केली जाते.

टाटाचे म्हणणे आहे की आता Tiago आणि Tigor च्या सीएनजी व्हेरियंटची मागणी पेट्रोल मॉडेल्सपेक्षा जास्त झाली आहे, जे दर्शवते की ग्राहक आता मायलेज आणि कॉस्ट या दोन्हींबद्दल अधिक जागरूक झाले आहेत.

ट्विन-सिलेंडर टेक्नॉलजीने सीएनजीचे नशीब पालटले

सर्व टाटा सीएनजी वाहनांना आता ट्विन सिलेंडर टेक्नॉलॉजी स्टॅंडर्ड म्हणून मिळते. याचा अर्थ असा की आता बूट स्पेसवर कोणताही महत्त्वपूर्ण परिणाम होत नाही आणि ग्राहकांना इंधन कार्यक्षमतेसह स्पेसची काळजी करण्याची गरज नाही. या टेक्नॉलॉजीमुळे टाटा कंपनी मारुती सुझुकीसारख्या कंपन्यांच्या सीएनजी रेंजच्या बरोबरीने आला आहे, खरंतर, बॉडी स्टाईलच्या बाबतीत टाटाची रेंज अधिक वैविध्यपूर्ण बनली आहे.

हॅचबॅक आणि सेडान सेगमेंटच्या विक्रीत घसरण

सीएनजी वाहनांच्या विक्रीत मोठी वाढ झाली असली तरी, हॅचबॅक आणि सेडान सेगमेंटमध्ये टाटाच्या विक्रीत 12% घट झाली आहे. कंपनीचा असा विश्वास आहे की लवकरच अपडेट होणारी अल्ट्रोझ ही ट्रेंड बदलू शकेल.

भारतात लहान कारच्या मागणीत घट

केवळ टाटाच नाही तर मारुती सुझुकीसारख्या इतर उत्पादकांनीही कबूल केले आहे की भारतात लहान कारची मागणी कमी झाली आहे. याचे सर्वात मोठे कारण एसयूव्ही सेगमेंटची प्रचंड लोकप्रियता आहे, जी आता प्रत्येक बजेट श्रेणीला व्यापत आहे. पहिल्यांदाच कार खरेदी करणारे देखील आता थेट एसयूव्हीकडे वळत आहेत.

Web Title: Twin cylinder technology increased tata sales by 53 percent

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com